مساء الخير للجميع ..

تقريبا قبل عشرة ايام اتصل علي موظف من برنامج واعد ارامكو ويبلغني بموعد مقابلة شخصية بعد اسبوعين تقريباً
الصراحة يوم كلمني نسيت اصلا اني سجلت بالبرنامج، لانه في بداية حماسي للمشروع سجلت في مسار التميز ببنك التسليف وريادة وواعد .. بنك التسليف بعد قرائة ردود الاخوة اتضح انهم بطيئين جدا بالاجرائات فتركت بيانات التسجيل وماكملتها.
الان انا مع ريادة اجتزت المقابلة الشخصية وخلصت دورة دراسة الجدوى وسلمت دراسة الجدوى قبل عشر ايام تقريبا، سؤالي عن واعد بما انه تابع لارامكو والدعم المالي وحتى الفني اكبر بكثير من ريادة .. ماهي الاجرائات بعد المقابلة الشخصية وكيفية اعطاء التمويل وشروطه؟ وهل المقابلة الشخصية شفهية مثل ريادة ام يلزم تقديم برزنتيشن ؟

اخوي عزيز مافي إلا عندك الخبر اذا سويت المقابله تكفى تكفى تكفى ياعزيز خبرنا ووضح لنا الامور والشروط وشكرا لك حبيبي

أبشر بسعدك .. ان شاء الله راح اكتب هنا ملخص مقابلتي .. بس اذا فيه احد يفيدنا قبل يكون افضل

يعطيك العافيه ماتقصر

المقابلة صارت بفندق الفيصلية بالرياض .. مع شخص مسوؤل مالي ببرنامج واعدعرفني بنفسه بس للاسف نسيت اسمه ومنصبه !
المهم المقابلة اخذت ربع لثلث ساعة .. اولا عرفني بالبرنامج وبمراحله
وقالي لو عديت هالمقابلة راح تكون في مقابلتين ثانية
بالبداية شرحت مشروعي واستمع مشكور وسأل كذا سؤال
وبالاخير قال مشروعك جدا جميل لكن مو من ضمن المشاريع التي تدعمها واعد !
المشاريع المطلوبة هي المشاريع التي تدعم الاقتصاد السعودي
ومشروعي ترفيهي شبابي اكثر من انه يدعم اقتصاد الوطن .


الزبدة برنامج واعد جدا مميز ويدعمون غالبا الابتكارات والمشاريع الصناعية
المشاريع المطروحة بالمنتدى غالبا مايمولها واعد .

يووو يعني مشروعي ماراح يموله

انا تو دقو علي وقالي عندك مقابله في الظهران

ماابي اروح ويقولون ماندعم مشروعك

مشرةعي مركز تدريب المعاقين

غالبا مركز تدريب المعاقين مو من ضمن اهتماماتهم ولكن مايمنع تروحين للمقابلةعلى جودة وتنظيم برنامج الواعد الا انه يحسب عليهم انه يسوون معك مقابلة
ومشروعك من الاساس مو داخل ضمن اهتماماتهم !!
يعني انا بعد ماشرحت ويشكر الي سوى معي المقابلة اعطاني وقت
اشرح مشروعي بشكل كامل بس بالاخير قالي مشروعك مو ضمن اهتماماتنا
طيب هالشئ كان واضح امامكم بالتسجيل الالكتروني
والورقة الي كانت معه فيها كل بيانات مشروعي .. ليه سووا مقابلة معي مدري !!

مدري الي كاتبه ربي بيصير
كذا تحطمت اجل مو رايحه لهم
او جاري التفكير

مو واعد للموظفين في ارامكو فقط؟

وهل يقبلو استديو تصوير؟
وشكرا والله يوفقنا يارب

واعد لغير الموظفين بارامكو مو العكس وماتوقع يقبلون استديو تصوير .. ريادة تمول هالمشاريع .