12-05-2008, 04:11 AM
|
عضو متواصل
|
|
تاريخ التسجيل: Jun 2007
المشاركات: 46
معدل تقييم المستوى: 36
|
|
امممممممم سبحان الله..اليوم صحيت من النوم على اتصالهم نفس الرقم اللي فوق واحده تقولي عندك موعد مقابله بكره..بس اعتذرت
انا كنت مقدمه عليهم الصيف اللي راح يوم كانوا بموقعهم القديم ورحت وسويت مقابله مع اثنين وماعطوني سالفه كل ماسالت عن شيء جاوبوا باجابه مبهمه..لدرجه حتى الراتب يقولون مابعد حددنا!!
عسى ماشر شركه بتفتح ابوبها لخلق الله بدون دراسات احصائيه وجدوى!!!
وبعدها باسبوع كلموا علي وقالوا تعالي مقابله مع البق بوس (الباشا يعني) رحت وقعد يتفلسف ويسالني عن الدورات اللي اخذتها في الكول سنتر اللي كنت اشتغل فيه قبل ومن وين وفر لنا البنك هذي الدورات!!!؟؟
الزبده كلموني عقب شهر قالوا لي الراتب خمسه الالاف لان عندي خبره وماجستير..بس الظاهر رواتبهم ماتنقص عن 3000 وكسر لحملة الثنوي وبدون خبرات..بس الاغلبيه 4000
اما نظام العمل عباره عن شفتات.. شفت صباحي والشفت المسائي ينتهي 10 ليلا
نوع الوظيفة..اذا صار حادث على احد عنده تامين في الشركات اللي متعاونه معهم نجم يدقون على الرقم..يطلع لك في النظام خريطة بموقع المتصل..تاخذين بيناته واذا فيه اصابات او لا, وبعدين تسوين طلب او شيء بالسيستم ويروح لناس وهالناس يرسلون واحد يعاين الحادث عشان يعرفون بالضبط كم يسوى التامين اللي تدفعه الشركه..بدل ما المرور مايحدد..
عاد هذي هي المعلومات اللي كانت السنه اللي راحت..الله اعلم غيروا فيها شيء والا لا..انا ماشتغلت معهم لاني شبعت ورويت من شغلة الكول سنتر..والله يرزق الجميع
|
العرض العادي
