[align=center]وعليكم السلام
الدورة تفيدك في المسابقات الوظيفية أو التوظيف المباشر
اما الخدمة المدنية ما تقبل الدورات والخبرات .. واعتمادها في المفاضلة على المؤهل وسنة التخرج فقط
بالنسبة للمرتبة.. الدبلوم يكون على الخامسة أو السادسة حسب تصنيف الخدمة المدنية لمؤهلك
وبالتوفيق
[/align]

[align=right]
التصنيف على ما أعتقدة السادسة إن شاء الله.
يعني الحاسب يفيدني من ناحية قبولي عندهم بس بالمرتبة او الدرجه مايزيدني صح ولالا؟
مثلا انا معي دبلوم والثانويه والحاسب
والثاني معه دبلوم وثانوية بس>يقبلوني انا صحيح؟مفاضلة.


وعلاوة الراتب مايزيد بعد بالحاسب؟
ولو فيه شيء ثاني يفيدني اخذه ماعندي مشكلة انقلش او اي شيء ثاني ماعندي مشكلة.



واذا قدمت عليهم كم ياخذ قبولي تقريبا 6 شهوور او أكثر او سنين كم تقريبا؟؟
[/align]

طيب يا أخوي تنفعني من أي ناحيه اذا قدمت عليهم بالحاسب؟؟بالضبط علاوة او مفاضله......الخ.

طيب أخوي وش رايك انا فكرت اخذ انقلش 6 شهور مثله مثل الحاسب بالخدمة المدنية؟؟

والشركات بتخصصي هذا بيفدني شهادة الانقلش برفع الراتب او القبول بأحدى الشركات الكبرى مثل ارامكوا وسابك .....الخ؟؟

اتمنى تردون علي برد وافي ....والله يجزاكم خير.

همتكم ياشباب.

من ناحية الانقلش ينفعني بدال الحاسب عشان اضمن الوظيفه بالخدمة المدنية او الشركات لأن الشركات على ما اعتقد ماياخذون الا الشهادة الي في تخصصك والحاسب ماتاخذه الشركات اما الانقلش بتاخذه الشركات والخدمة المدنية صحيح أم لا؟؟

حبيت بس اتاكد من هالمعلومة.

هلا اخوي اول شئ شوف انا معي برمجة حاسب الى والحمد لله على كل حال

انت لا تعتمد على الخدمة المدنية ابد

وانا انصحك تأخذ بكاليريوس والاتجليزي

دورة 6 شهور هاذي اخسرك منها لانها لا تغني ولا تسمن من جوع

وبالتوفيق يالغلا

يا رجال كمل دراستك .. لين تجيب أعلى شهادة


هذا حنى يا اهل البكالريوس متخرجين من 8 شهور .. وننتظر المفاضلة عشان ندخلها .!

بيض الله وجيهكم انا قد درست جامعة الترم هذا وقبل الاختبارات جاني القبول بالمعهد واعجبني لأن اخوياي فيه وراتبهم كويسة وسحبت ملفي ورحت لهم.

الجامعة بعدين إن شاء الله إنتساب اكمل (ممكن).

المهم الشركات لو اخذ انقلش زيادة على الدبلوم ممكن تفيدني ولالا؟ وبنفس الوقت تفيدني بالخدمة المدنية.>عشان اضمن الوظيفه والعلاوة بالراتب بكلا القطاعين بالخاص والحكومي او إن الحاسب هو الي يفيدني بكلا القطاعين؟؟
أنا احاول اجمع بين الاثنين عشان اذا انقبلت في اي واحد منهم تفيدني الشهادة.

أتمنى فهمتوني.

بالتووفيق