السلام عليكم

يا اخوان انا بطلع فيز مدري تاشيرة سائق عدد 2

واحد باسمي والثاني باسم الوالد الله يحفظة .


لقيت هندي يقول اقاربي يبغون يجون ويشتغلون عندك بس اش بتشغلهم

قلت واحد بشغلة في سوبر ماركة توصيل طلبات وعامل بالمحل

والثاني بخلية عندك يتدرب على شغل البوفيهات واشغلة ببوفية طلبات خفيفة

قال طيب كم تعطيهم راتب قلتلة 1200 ريال قال لا خلها 1500

قلتلة خير ان شاء الله بس على شرط يدفعون لي حق الفيز 4000 الاف ريال ويجون على حسابهم

ويشتغلون عندي

المهم قالي عطني التوكيل من مكتب العمل !

اشلون اعطية التوكيل واش التوكيل وكم المده الين يجون الهنود من كيرلا

وهل طريقتي سليمة بالتفاهم معاه واش تنصحوني فية رزقنا الله واياكم الجنة

في انتظاركم / ابو بدر

4000.؟!!!!!
تدرين ان الهندي هذا يبي ياخذ منهم اقل شي كل واحد 8000.؟!!
التأشيرات قيمتها وصل 12 الف ريال اقل شي
على العموم ما اقدر افيدك بشي
لكن انتبه من سالفة التوكيل لها طرق لان فيه ناس كثير راحو ضحية توكيل
اسال اهل الخبره افضل لك والله يوفقك يارب
اسال قبل تسوي اي شي افضل لك لا تستعجل

صادق الله يحفظك

بس اذا بتبيعه الفيزا ممكن 12000 الف

لاكن اذا بيشتغل عندك اعتقد يدفع حق الفيزا ويجي على حسابة وتعطية المرتب فقط وتشغلة بالمحل من يفتح الين يسكر

الله يعطيك العافية وننتظر باقي الاخوة

السلام عليكم
بالنسبة لبيع الفيز سمعت انه لا يجوز
والا اسعارها وصلت عشرو الاف ريال
والعامل اذا اشترى الفيزه ما يبغاك تسأل عنه ابداً
لذلك انصح بعدم بيعها
ادفع الفين للفيزة
وتعمل توكيل لمكتب في الهند لانهاء اجراءات العامل
ومن ثم تستقبل العامل وتشغله
افضل الف مرة من مخالفة ولي الامر
والمساهمه في زيادة الاجانب في البلد بدون رقيب ولا حسيب
وجهه نظر
ولكم الاختيار
للعلم انا عملت توكيل لمكتب في الهند واستقدمت سائق
عن طريق عامل هندي موجود في السعودية
تحياتي

وعليكم السلام

التوكيل لمكتب في الهند عن طريق الهندي اللي بالسعودية هذي اللي طالبني فيها

بس انا ما بعتة الفيزا قلتلة المبلغ حق الفيزا يدفعه فقط الفين ريال وينهي اوراقة ويجي

ومالي نية في بيع الفيزا لاني بحاجة العامل

واشكرك على مرورك العطر

اقترح عليك حتى تضبط العامل عندك ويشتغل مضبوط

إذا جاء هنا تبيع عليه الفيزا بالسعر المتفق عليه وتجبره (بالحسنى) يشتغل عندك وتتفق معه بأنك سترجع له مبلغ الفيزا اللي اشتراها منك بالتقسيد كل شهر زيادة على راتبه (ما عدا ال 2000 ريال حقت الحكومة) ولكن بشرط أنه يضبط شغله ويكون هناك أرباح ..

هذه تضمن لك بقاء العامل عندك و إذا شاف منك معامله صادقة وحسنة راح يستمر معك (لأن الغالب جاي يترزق ولما يشوف إنه جاء للبلد بـ2000 ريال) وحصله شغل جيد وراتب تمام راح يستمر معك..

أتمنى أني أفدتك ..

بالنسبة للوكالة تشوف وش الأماكن اللي راح يراجعها لك ووش العمال اللي بيقوم فيها
وتذهب لكتابة العدل وتحددها بالوكالة وتحدد المدة كذلك..

والله يرزقك..

خذ نصيحت اخوك

لا تجيب عامل بواسطة عامل موجود بالسعودية لانه ما بيشتغل عندك الى اذا عطيتة النص او اجرت عليه المحل او هج


المهمحاول تجيب عامل اول مرة يجي السعودية اذا تبي عاملك يخلص ويستمر عندك


هذا بالنسبة للعمالة


بالنسبة للتوكيل

لا تعطية ولا شي ابد ما فيه شي اسمه توكيل يجيب عمالة

انت اللي اكتب على الهندي ورقة مطالبة بمبلغ الفيز في حال اعطيتة الفيز ولا جاب العمال تطالبة بالقيمة ويردها لك


اخوي اغلب الاجانب اللي ياخذون الفيز من السعودية يبيعونها على العمال اللي يجيبونهم حتى لو كان اخوة باع عليه الفيزة


لا توكله على شي ابد

واشترط عليه ما ياخذ على العمال ولا ريال

موفق

توكيل ... ابعد وانا اخوك
واذا تبي عامل روح خذ الفيزا الي استلمتها من مكتب العمل واطلع على مكاتب الاستقدام 250 ريال او 150 ريال على حسب المكتب وسمعته وقولهم ابي عامل كذا كذا كذا وانتهى اما كفاله وما كفاله هذا يبي يلعب عليك وانا اخوك
والله اعلم
وانتبه لا احد يدري انك بتشغلهم في مطاعم او في بوفيه تخيل يجيك واحد من البلديه ويحصل سائق خاص يسوي شكشوكه هههههههههه وبالتوفيق ان شاء الله