السلام عليكم ورحمة الله وبركاته
اليوم حبيت أطرح هالموضوع اللي تأذينا منه عندنا بديرتنا
وأقول لكم سبب كتابتي للموضوع طبعاً أيام عزاء خالي الله يرحمه ويغفر له
كان عزاء الحريم بييت جدتي وعزاء الرجال ببيت خالي اللي بينه وبين بيت جداني
شارع صغير وكانوا العيال اللي من سن رابع إلى متوسط رايحين جايين الله يحفظهم
ملاحظة بيت جداني ع شارع عام بس مو هو اللي يفصل بينه وبين بين خالي
وشارع بيت خوالي سبق وصار لأخوي فيه حادث ودخل غيبوبة3شهور ومازال شووي
متأثر عقب الحادث لكن الحمدلله ادري خذت بكم لفة بس حبيت أوصل الفكرة بالتفاصيل
المهم أيام العزاء الله يرحم خالي وكنا في حالة مايعلم فيها إلا الله فجأة صوووت قووي سياااارة
فحطت وصقعت في شيء طبعا لاشعوريا كلل اللي في البيت طلعوا للشارع وبدون عبايات
كل وحدة يدها ع قلبها خايفة ع ضناها المهم مالكم بالطويلة<<وش عقبه>>
طلع ولد عمره 12 سنة يسوق السيارة ومسرع وماقدر يتصرف مع زحمة السيارات عند باب خالي فنط من الدريشة(شباك)والسيارة صكت في اللي قدامها والحمدلله وقفت ع كذاا
أنا اللي قاهرني ان كثيير عندنا أولاد ويسوقون سيارات أعمارهم صغيييييرة وقصااار ماينشافون بوسط السيارة نحس انهم بيتمصعون من كثر ما يرفعون راسهم عشان يشوفون اللي قدامهم صراحة نررررفزة ودي أعرف أهلهم بايعينهم طيب إذا ماهمهم عيالهم خلق الله اللي في الشوارع وش ذنبهم؟؟؟؟بصراحة مُستَفَزّة من هالموضوع وهالبزران كل مالهم يزيدون في الشوارع وبالنسبة للمرور عندنا عادي ماقد سمعت انهم موقفين واحد لهالسبب وبس برايكم وش الحل

والله بجد معاناه الي يقهرك انه ما يعرف يسوق مثل الخلق ودك تنزلين وتسصرينه

^^^^

والله ودي أسطر أبوه قبله ثم أرجع أكسره عشان يحرم

يقول أبي المفتاح.

اولا عظم الله اجرك فى خالك الله يغفرله ويرحمة

ثانيا صادقة كثير ماحدث حوادث وضاحيا بسب غياب بعض الاهل واهملهم لهل

النقطة وهى القيادة السيارة ولا بدون رخص

اذكر صار علينا حادث كنا على طريق الملك عبدالله وفجاة تدخل فينا سيارة من وراء

نزل اخوى الا ويلقى والله بزر يمكن مايتجاوز 15- 16 سنة ولا فيلسوف يقول حلصل خير

هههههههههههههههاااى

على العموووووووم الله يهدى عيالنا وعيال الجميع

مكورة حلمى الله يعطيك العافية يااااارب على الطرح

أجرنا وأجرك عازفة

أجل حصل خيير ههههه شر البلية مايضحك

بس مررة أنقهر لما أشوفهم يلبون السيارة لووب وأهلهم مخلينهم

يعني ولدكم عندكم رخيص لهالدرجة أعمار الناس وأرواحهم ماينلعب بها

ميخالف يعودونهم في بر ولا في أي مكان لمدة معينة بس مو يسلمونهم المفتاح

ويلا شوفوا شغلكم أنتم رجاااال!!!

عظم الله اجرك اختي حلمي والله يرحمه ويغفرله

بالنسبه للقياده اغلبهم يسرقون مفاتيح السيارات بدون علم اهلهم

والمسؤليه بصراحه على اهاليهم وعلى المرور اللي مخلي الحبل على القارب وتراك هالبزران يسوقون ويسببون خطر على الناس

أجرنا وأجرك أخوي بروسيوس<< يارب صح علي الاسم

والله مشكلة هالأهل الله يهديهم بعضهم صح يسرق المفاتيح بس بعضهم

لا برضا تااااام من أبوه تلاقيه هو اللي مرسله ومرة فالسوق بزر معه أهله!!

بصراحة مررة انقهررر من هالتصرفات والمفروض المرور يعطي أشد العقوبات لأهالي هالأطفال

وتدفعهم دم قلبهم مخالفة لأن أرواح الناس موب لعب .

وعليكم السلام ورحمة الله وبركاته
أنا مره وحده شفت واحد صغير وأظن جالس على مخدة وجمبه حرمه عجوز باين من يدها >مدري حسيتها محتاجة لهذا المشوار جداً
بس السائق جداً جداً صغير
أما لما أشوف المسرع يجيني شعور أحس أنه شاري السكه : (
المفروض يعاقب كل من ساق أقل من السن المرخص له
الله يعين ويكفينا شرهمـ

^^^^
يا الله الله يكفينا الشر يمكن العجوز بجد محتاجة المشوار وماعندها إلا هذا يخلصه لها الله يعين

احنا عندنا عااادة الله يقطعها من عادة لا وأخوي في سادس ناشب لأبوي لأن كم واحد في فصله

معهم سيارات طبعا سيارات أهلهم بس يقضون فيها مشاوير الله يصلحهم هم وأهلهم.

يا الله فتحت علينا جروح ....!

فعلا وين الأهل لما يسلموا أطفالهم سيارة ..!!

ولا عشان الأب يريح أحيانا



قريبي قبل عيد الأضحى بخمس أيام رايح في أمان الله مع أهله ..


فجأة يطلع لهم ولد متهور في المتوسط في الوجه ..!


اش النتيجه


أخوه مات ...

الأم فقدت وحده من عيونها مع ضرار في الجانب الأيمن كامل....

البنت ما تعدا عمرها ست شهور .... ضربتها في المخ وتضرر بشكل كبير وممكن يأثر عليها مستقبلا ً...



صحيح مقدر ومكتوب ...


لكن لو فعلنا بالأسباب ممكن نتلافى جزء بسيط .,..

نصيحة لوجه الله لا احد يسلم أطفاله السيارة ...

وأقول أطفال لأن الواحد يجي مطفوق إلا ما ندر