السلام عليكم
اللي عنده خبره يفيدناوالله يجزاه عنا كل خير

عندي عدد 2 باكستان 4هنود مبلطين
1/كم اعطيهم رواتب؟
2/طريقة تشغيلهم؟
3/نصيحه هل التخصص في البلاط مربح؟


ارجو من الاخوه عدم تفرع الموضوع لكي يستفيد من يرغب الدخول في المجال

جب خبز اذا بتابعه ويكون عليهم مدير شغلهم بالراتب ١٢٠٠ وعطاهم ريالين على المتر اما اذا انت منت فاضي تتابعهم وبتصير
سعودي خذ لك ٣٠٪ ونم وخل العامل يعطيك طفاس

أعتقد بان العمل هذا مربح جداً خصوصاً بإزدياد البناء عندنا (الرياض)
نصيحتي لك كن متابع لهم بنفسك , أو من تثق به.
واجتهد بالإعلان عن مؤسستك.
وممكن تجتهد بالمرور على المباني الجديدة وتحط رقمك أو تعطي حارس العمارة رقمك وإذا أقنعهم يتفقون معك تعطيه مبلغ 100 أو 200 ريال حسب الإتفاق.

وكما اقترح أخي الفاضل (موظف طموح) ريالين على المتر فوق راتبه حلوه..

أتمنى لك التوفيق..

اذا ما تقدر تتابعهم اعرض التأشيرات للبيع
6x15000=90000

لا تقول يعطوني بالشهر كل واحد 300 وبتركهم ترى ما تسوى والله

والله يوفق الجميع يارب

شكرا لمروركم

السلام عليكم ورحمة الله وبركاته

اخوي نصيحتي لك عمالك شغلهم بالمتر ولا تراك خسران بي ماتعنيه الكلمة تقولي ليه اقولك باراتب انجاز

العامل مو نفس المتر ودقة الشغل وجوده

وادراة الموسسة عندك او جيب لك مصري وانت حاسب العمال حسب الامتار

وشغل المتر يريحك كثير يعني العامل لو براتب يخلص لك باليوم 10 امتار لو بالمتر 20متر اقل شي وراح تشوف

الفرق بنفسك

وشغل البلاط مربح سالة واحد يقول معلم البلاط اللي شغه 80%100 يخلص ياليوم 20 المتر حسب المناطق

قول 18 ريال والعامل بي يشتغل باشهر 24يوم ///20متر*18ريال=360 ريال باليوم و360ريال *24=8640ريال في

اقل تقدير ملاحظة المعلم يحتاج عامل معاه يكون براتب 800 باكثير 1000 عامل عادي


اتمنى اني قدمت لك النصيحة اللي تساعدك وتنفعك

الاخ مشاريع الشرقيه اولا اشكرك لاهتمامك وبارك الله فيك ثانيا انا مابي شي اسمه نسبه نهائيا انا متكفل بسكن اقامه واعاشه ومواصلات العامل ماعليه الا يشتغل واخر الشهر ياخذ راتبه. وبخصوص متابعتهم ممكن واحد منهم يكون مشرف وياخذ زود راتب ولعلمك انا ماخذت ريال واحد مقابل التاشيره

بالتوفيق

بالمتر أفضل
حدثني احد الإخوة من تبوك قال العام الماضي بلط عمارة له سعر المتر ب ١٣
هذا العام طلب من المبلط نفسه يبلط له عمارة أخرى لم يقبل إلا ب ٢٣ فقط ١٠ ريال في المتر
يقول عندنا شح في المبلطين ولهذا تضطر توافق على سعره..

شكرا لمروركم