والله العظيم واقسم بالله

ان الخضار باب رزق ولا يقدرة الى من جرب

وصدقني 2500 تطلع ارباح يومية من 250 الى 350 ريال


والله يشهد على كلامي

وخذ مني ها النصيحة وجرب وترى خسارتك علي لو خسرت


رح يم السوق واسال وش اقل بضاعة تنزل السوق ها اليومين

واذا عرفت البضاعة اللي عرضها قليل والطلب عليها واجد

على طول فر السوق كله وحط عينك على انظف بضاعة بالسوق

وزاود في الحراج واشترها

واذا الله كتب وشريت البضاعة خلها محلها وبيعها من وقت بزيادة 2 الى 3 ريال بالكرتون

وصدقني ساعتين بالكثير وانت مشغل موترك ورا جع لبيتكم بمكسب 200 الى 300 ريال

وكل يوم على ها الحال

ولو فرضنا

ان العرض قليل على الفلفل وركزت على بيعة معروضة بالحراج وعددها 100 كرتون

وشريتها نقول ب25 ريال ولو اني اجزم ان السعر اقل من كذا

100*25=2500 ريال

لو بعت الكرتون ب30 ريال طلعت ب500 ريال مكسب

بس يبي لك صبر وتجلس بالسوق من الفجر الى قريب الضهر

بس لو قلنا انك مستعجل وبعت بربح 3 ريال للكرتون هذا جملة
ويمكن يجونك اصحاب المطاعم والمواطنين وتبيعهم بسعر التفرقة بزود 5 ريال عن المشترى


سوق الخضار ذهب وربك العالم كم حوالات الاجانب اليومية من ورى الخضار


موفق اخوي

الله يرزقنا وياك من واسع فضله

بالتوفييييييق

والله يا سالم اني راجع اليوم من سوق الخضرة بالدمام والهدف دراسة السوق حسب ما نصح احد الزملاء بالمنتدى في الرابط الي حطيته ثبت مكان السوق لاني اول مرة اروح له واخذت جولة وعرفت المواعيد والنظام
وبصراحة الاجانب هناك مافيا والمقصود منظمين وما الله زادهم علينا شي وفكرة ان نسوي قروب شباب متوزعين بالمملكة وندرس اسعار السوق وننقل من هنا لهناك ونبيع هنا وهناك مهيب شينه واعتقد فيها ربح
عموماً انا جاهز اتعاون وكنت خاش انزل موضوع تكوين رابطة لشباب السعودية بسوق الخضار ونبتدي نتواصل بالايميلات وانا مستعد استقبل البيانات وارسلها او انقلها للمجموعة بالبريد او الجوال وحنا بزمن تقنية نقدر نستفيد منها يعني رسالة واتس اب تجيب سعر الرياض ولا الجنوب ولا الشرقية ولا الغربية ، وربع تعاونو ما ذلو لو في احد يحب يتواصل رسالة خاصة .

وتسلم يا سالم عسى موضوعك يطرح الله فيه البركة ونأسس مجموعة شباب متعاونين تقدر تقاوم وتصمد
قدام مافيات الاجانب ، ولو ما نفع برتب موضوع بعنوان تأسيس مجموعة نبتديها انا وانت

الاخ سالم والاخ خبير بيض الله وجوهكم والله اني افرح لما اشوف مواضيع كذا

الخير مرمي في الارض بس من ياخذه والله سوق الخضار ذهب ذهب وبعدين بدون راس مال ولا عماله ولا ترخيص ولا خرابيط يعني بس روح جيب فلوس ولكن واقول ولكن بدون قروب في سوق الخضار والله تفشب فشل ذريع لان العماله مسويه لربي ويزاودون عليك ويطلعونك بس لو كنتم مجموعه حتى الروح اامعنويه ترتفع وبعضكم يساند بعض وضيقو على العماله وخوفوهم بالبلديه والجوازات لان اغلبهم متخلفين ولو لزم الامر اعمل مشكله مع احدهم ودقو على الشرطه ينحاشون على طول وخليكم يد وحده لا يفرقون بينكم وشوي شوي حتى تصيرون انتم اصحاب الصنعه والمسيطرين ياحبيبي انت سعودي ارفع راسك انت في بلدك ليش التقاعس والخجل باختصار كونو لوبي قوي فالنجاح حليفكم والله لو ماعندي عمل لكون اول واحد معكم. والله يوفقكم

والله انا اعتبر المشروع ناجح وبقوه
حاولت افتح المحل بس بحكم اني مرأه واجهت عقبات كثيره ومحاولات لعب علي ونصب

اخوي اذا عندك حافز ولسى باقي لك 10 دفع اقدر امولك بسيوله شرعية 9000 ريال تسوي لك فيها مشروع يدوم لك مدى الحياة بدلاً من حافز المنقطع

امولك بألاف على قد الدفع المتبقية لك مثلا باقي لك 12 دفعة امولك 11000 ريال وتبقى الدفعة الاخيرة لك ولكنها محجوزة كضمان في حال خصموا عليك

طبعا انت تكون بعت حافز بنص قيمته كاش يعني حصلت على سيولة تقدر تسوي لك فيها مشروع

بانصحك وانصح الجميع لاحد يسوي هالطريقة الا اذا كان لديه مشروع محنك لكي لا يذهب حافز سدى

انا عملتها مع كثيرين من اصحاب حافز وفيهم من استفاد ولكي اكون امين معك في ناس ندمت ليس لانها باعت حافز بل لانها بددت المبلغ الكاش اللي عطيتهم على الفاضي ..

اخيرا اقول لاحد يقولي ربا لان الطريقة بيع وشراء لسلعة ما يعني سيولة شرعية وليست مال بمال