السلام عليكم ورحمه الله وبركاته


بفضل من الله
تم شراء ارض زراعيه مساحه 40.000 الف متر

ارض فاضيه

وحبيت اشتغل فيها ك زراعه وخلافه وش تنصحوني

موقعها تبعد عن الرياض بـ 70 او 80 ك

موصفات الارض

زراعيه
تربتها نظيفه

هل يتوفر المياه

الله اعلم شريتها ع كلام مكت العقار 150 متر يطلع لك ماء
موقع الارض في الجله طريق مكه

وش تقترحون علي

انا فكرت اجيب لي عامل واسلمه يحي لي الارض



.

نصفها نخل والنصف الثاني قمح

وشوف كيف تكسب خصوصا أنها جديدة

الماء ممكن تحصله قبل 150 متر

إما هات عامل وأشرف عليه لا تسلمها إياه أو دور على سعودي وأجرها له إحياء لكن اللي أعرفه أن عقود الإحياء تكون طويلة فالأفضل تشغلها بنفسك

الله يوفقنا وياك لكل خير و أنا أخوك ، عذرًا بس بشطح بالموضوع شوي ، كم أسعار المتر في الجله لو سمحت؟ االله لايهينك

اسعار المتر من سبعه ريال الى خمسة عشر. ريال والقطعه الواحده١٠٠٠٠ متر

الجله حسب ما اسمع غنية بالماء
وهناك مشاريع زراعية كبيرة في الجله
وكل ذلك يختلف من مزرعة لاخرى
نصيحتي :
1- تأكد من توفر الماء بشكل كافي
2- اعمل تحليل للماء والتربة
3- حدد ميزانية للمشروع
4- اختر العمالة الماهرة في الزراعة ( ارشح من مصر )
بعد التأكد من وفرة الماء وتحليل الماء والتربة ممكن تحدد المشروع المناسب حسب الميزانية
وان كنت ارى الخضار والفواكه والبيوت المحمية هي مشاريع ناجحة
لكن تأكد من طريق التسويق في سوق الخضار والفواكه بالرياض واجلس مع المحرجين واهل الخبرة في السوق
حتى تعرف متى تسوق المنتج ومتى تخزن في الثلاجات
اخيرا ادعوا لك بالتوفيق والنجاح في المشروع

ازرعها برسيم .. عليه طلب كبير ومربحه *_^

ياحبي للزراعه شريت ارض زراعيه بحايل على اساس انيي ازرعها واضبط لي استراحه بس انشغلت عنها ياليت القى احد يستفيد منها ويفيدني

جزاكم الله الف خير

ابدأ بالمحاصيل الموسميه خل عنك الاشجار الحين واي استشاره لاتتردد انك تسال جيرانك خل عنك الناس اللي بالنت لان المناطق تختلف عن بعض فيا اخوي اكثر ناس ممكن تفيدك هم جيرانك تاكد من هالشي

ندك البرسيم وعندك البيوت المحميه فيه خير بس يبي له جهد ومل