يا اخوان وخصوصا الأخ ضابط أمن صناعي
طمنوني هل الهيئة الملكية واسطات؟ لأن الناس تتكلم وخوفوني صراحه لاني تعبت عشان اجي هنا
واخاف من جد تصير واسطات والتقديم مجرد واجهه
انا ماعندي واسطة وش اسوي اروح امووووت؟
أنا مؤهل ومطابق المطلوب واكثررررر حتى الرخصه طلعتها عشانهم وضاغط نفسي
وجاي نقل جماعي من آخر الدنيا ومصاريف سكن ومواصلات وآخر شي تروح للوساطة
ليييش والله حرررام،
شيء يقهررررر
دعواتكم لي
ودعواتي لكم جميعاً الله يوفقكم أن شاء الله وتحققون مرادكم، طبعا للناس الغلبانه مثلي مو أهل الفيتامين ههههههه

ولله ياخوي فيس . انا مثلك كل شي مطابق غير الرخصه ماطلعتها علما اني اسوق 7 سنوات.

وسمعت ان الي مامعه واسطه مافي امل..
بس ماثر فيني هالكلام وسطتي الله وروح وتوكل ع الله والله يرزقك.
انا بروح من غير رخصه واذا ماصار نصيب بتكون خيره

أن شاء الله مايطلبون الرخصة اذا سألوك قول الرخصه مو عائق، اقدر أطلعها بغضون أسبوع،
انا كنت مثلك لكن بالاخير قررت أطلعها وبالقوه بعد ماكلمت المسؤول في دله
لأن ماكان فيه وقت،
الله يوفقك أن شاء الله.

كم العدد المطلوب للوظيفه

من توكل على الله حق التوكل رزقه كما يرزق الطير ثق بالله وتأكد ان الخير فيما اختاره لك الله لا تشيل هم الرزق لان الله كفل دالك

اللي موعده اليوم الاحد يعلمنا وش صار معاه

السلام عليكم ورحمة الله وبركاته
اخوي ضابط امن صناعي ابغي اسالك كم سؤال واتمني الافاده عسي الله يوفقك ان شالله
اخوي انا عسكري من اهل ينبع طبعا واعمل في جده وع راس العمل وقدمت. ع الامن الصناعي وتم قبولي مبدئيا والصراحه انا متحير هل استقيل من العسكريه وادهب للامن الصناعي فاماذا تنصحني بما انه اغلب اصدقائي يقولون لي روح افضلك من العسكريه بكثير وغير كدا هيا في ينبع وطبعا عندي مقابله شخصيه يوم الثلاثاء واختبار والوقت ضيق وماني عارف وش اسوي وسؤالي التاني هل اذا تم قبولي ان شالله سوف يعطوني وقت لكي افصل من العمل ?
والسؤال الثالث طبعا انا عندي ما يقارب ثمانيه دورات عسكريه ووهيا دورة الصاعقه ودورة العمليات الخاصه و التاهيليه للفرد الاساسي وامن حدود ومهارات ميدان ومهارات بحريه تخصصيه ومكافحه قرصنه تاسيسيه وقرصنه متوسطه . وعندي دورات خارج العسكريه ايضا كانجليزي مستوي اول وثاني وغيرها . سؤالي هو هل هذه الدورات تفيدني بالنسبه للافضليه في القبول وادا تم قبولي باذن الله ماذا سوف تكون مرتبتي وماذا سوف تتوقع يكون تخصصي هل هو دوريات المرور او او او .. الخ ?
واتمني الرد العاجل لضيقة الوقت مابقي غير يومين ع المقابله الشخصيه
ويعطيك الف الف الف عافيه واشكرك بعنف مقدما

وصلت الساعة 6:45 دقيقة دخلت الساعة 7 وعليها, اول شيء قاسو الطول والوزن ودخلنا المسرح.
اختبرنا الاول وكان لغة انجليزية قرامر مكون من 55 سؤال ومدة الحل 60 دقيقة, كان بسيط جدا للي يفهم بالانجليزي,
بعد ماخلصنا الانجليزي,
وزعوا علينا الاوراق حقت الاختبار الثاني اللي هو العربي, الاختبار كان نسخة من اختبار القدرات العامة تماماً
وسهل وبسيط, مكون من 20 سؤال ومدة الحل 30 دقيقة,
طبعا بعد ماخلصنا الاختبارات على الساعة 10:30 تقريباً, قالوا النتائج راح تكون الساعة 1 الظهر.
انتظرنا الى 1 ولكن لي عتب بسيط على المنظمين للاختبارات, طبعا بعد ماقالوا لنا ننتظر الى 1 طلعونا برى المسرح لحرم الكلية وانتظرنا من 10:30 الى 1:40 في عز الشمس والجو كان حار جدا, كان من الاولى ان يخلونا ننتظر بالمسرح المكيف, وشيء اخير نسيت اقوله ماكان فيه ولا ضيافة ولا شيء ولا حتى علبة مويا ابو نص. يعني تخيل واحد جاي من 7 الصبح الى 2:30 وفيه ناس كملت الى 4,
المهم ماعلينا,
تم اعلان النتائج كان المقبولين للمقابلة الشخصية 40 شخص فقط من اصل 200 تقريباً
ولكن الحمد لله ظهر اسمي للمقابلة الشخصية,
دخلت للمقابلة الشخصية وكنت في حالة يرثى لها جسمي معرق ونفسيتي تعبانة من طول الانتظار فالشموس والجو الحار وابشركم احس اني جبت العيد و كنت مرتبك طول الوقت لدرجة اني نسيت بعض شهاداتي على مقعد المسرح ورحت اسوي المقابلة على منصة المسرح وطلبوا الشهادة ونزلت جبتها من مقعد المسرح فالاخير.
المهم ماعلينا
المقابلة عملوها لي 3 اشخاص شخص اعتقد مسوؤل كبير فالامن الصناعي لانه لابس مثلهم, واثنين من مرسمين, الاسئلة ما اقدر اقولها لانها تختلف من شخص الى شخص لانهم يسألونك من خلال اجوبتك لهم.
بالتوووفيق لكم ياشباب, ودعواتكم لنا.

على فكرة شيء اخير نسيت اقوله
الرخصة, الرخصة مره مهمه وكانت شرط لدخولنا للمقابلة الشخصية
اللي كانت رخصهم منتهيه او مامعاهم رخص قيادة طردوهم والله ومادخلو للمقابلة

سلام عليكم

اللي اختبر اليوم يتذكر من الاسئلة شيء يسدحه لنا فالمنتدى

الله يعطيكم العافية