السلام عليكم

بدخل بالموضوع على طول
احنا عاطلات عن العمل صار لنا سنين..فكرنا بمشروع
نقضي وقتنا فيه واخترنا مشروع كتابه بحوث وعروض باوربوينت لانه الاقرب لنا..وبيكون شغلنا كله باللغه العربيه ان شالله..
طبعا نرسل البحث بالايميل وهم يحولون لنا المبلغ بحسابنا..
بحكم ان مافي حد بيكون متفرغ يوصلنا لمكتبه نطبع او نتعامل معها..

ابي رايكم بمشروعنا البسيط؟
وكيف اسعار البحث..يعني كل ورقه تكون بكم؟!
وهم عرض البوربوينت كل شريحه بكم؟!


انا حطيت الموضوع بـ هالمنتدى لان ماشاءالله الاعضاء متعاونين
اتمنى تفيدوني واذا عندكم افكار واقتراحات بعد لاتبخلو علي

السلام عليكم ورحمة الله ..
الله يوفقك يارب ,, واذا كنت تتطلعين الى التوفيق من الله كوني حريصة على الابتعاد عن كل م يغضب الله

اختي نصيحة اخوية من القلب انا كان في بالي فكرة البحوث ,, وكان في بالي بعد عربي وانجلش ,, بس مؤخرا اكتشفت ان عمل البحوث للطلاب حرام ,, لانها تدخل في نطاق الغش .. فصرفت نظر عن هالفكرة .. طبعا الخيار راجع لك .. انا حبيت انبهك قلت يمكن ما تدري لاني فعلا انا او م كنت ادري ونبهتني اخت عزيزة الله يعطيها العافية ..
وموفقة لكل خير ..

بتوفيق وانا كمان افكر بنفس الفكرة

بصراحة مشروعكم اشوفه متعب وماراح يدخل لكم حق تعبكم

والطريقة اللي راح تتبعونها في انكم ترسلون البحث وهم يرسلون لكم المبلغ طريقة غير مضمونه

وبما انكم اكثر من وحدهبناءً على كلامك ممكن تحصلون مشروع اخر افضل من مشروعكم هذا يناسبكم

هذي وجهة نظري في المشروع

موفقين

احترامي

فيه ذهب توكل شف المكتابت رح لهم يشغلونك يمكن بنسبه او راتب او اشتغل عن طريق النت الشريحه الوحده يسونه ١٠ريال انت خله بخمسه بيجونه الناس وبعد فتره رفع شوي شوي

والله مشروع مربح وبنفس الوقت تستغل وقتك وتزود ثقافتك

سوى لك اعلان ورقم جوال وبداء ونشاء الله ربك ييسر امورك بدل القعده فاضي

مشكورين يااخواني ووماقصرتو والله..

ورد آسود وحرف جر
المشكله ان احنا هنا مانقدر نسوق سياره ونقضي مشاويرنا لحالنا..عشان كذا ماجا ببالنا غير هالمشروع
اللي مايحتاج لسياره..
اذا عندكم مشاريع ثانيه نقدر نستفيد منها..ممكن تطرحوها لنا..
بس مشروع طبخ او بضاعه او شي زي كذا مانقدر لان اولا مو ميولنا وغير كذا مشاوير ><

عروض باوربوينت فكره حلوه ونفسي فيها من زمان بس المشكلة انه من هم الأشخاص الي يحتاج اعمل لهم عروض وكيف اسوي دعاية

الله يوفقك

ويزيدك خيرا