السلام عليكم ورحمة الله وبركاته


حقيقه اعجبت بهذا الموقع واكثر مازاد اعجابي هو هذا القسم اللي يضم مشاكل العمل ...


عندي مشكله بمدرستي

انا معلمة حاسب وتوني ناقله الى مدرسه جديده هذا العام وفوجئت بمديرة متسلطه ماتحب احد يناقشها تقول الكلمة ولازم ننفذ بدون نقاش وانا اكره هذا الاسلوب لم اعتد عليه طيلة حياتي ...

رايحه اختصر لكم

قد حصل كذا مره بيني وبينها مشادات لدرجة اننا صرنا مانطيق نشوف بعض مره من المرات كانت موقفه طالبات عندها عشان يقصون اظافرهم وراح ربع الحصه ماطلعوا لي وهم عندهم اختبار نزلت وكلمتها رفضت تطلعهم يعنى انتهت الحصه ماطلعوا فصولهم ومع كذا ماقدرت أجل الإختبار اختبرت الفصل ماعدا الثلاث طالبات اللي عندها ...

والمره الثانيه اللي صار بيننا صدام فيها بالاجتماع كانت تقول صوروا برا المرايات ( الورقه اللي فيها اسم الطالبه ) وبصراحه تعبت من التصوير برا على حسابي وخاصة انى ادرس المدرسه كلها من اولى ثانوي الى ثالث ناقشتها ليش مانصور بالمدرسه قالت بس الاسئله تصور بالمدرسه عشان ماتخرب الآله ...

المهم سكتنا وكملت اجتماعها قالت من الترم الثاني مافي تحضير بالحاسب اكتبوا بيدكم المهم عند هذه النقطه ثارث ثائرتي وانفجرت من القهر قلت ليش قالت فيه معلمات ينسخون من الدسكات الجاهزه قلت طيب وش ذنبي انا محضره بنفسي وماعمري نسخت حتى مشرفتي شهدت لي بصحة اهدافي وطريقة تحضيري وانها باين انها مو النت او الدسكات قالت خلاص اتفقنا انا والمشرفات على كذا ( مع العلم ان مشرفة الحاسب ماهي من مكتب الاشراف اللي مدرستنا تابعه له تجينا من منطقة ثانيه ) المهم من القهر ماصبرت قلت اسمحوا لي انكم متخلفات قامت وثارت علي قدام المعلمات انتقي الفاظك رديت عليها بان الفاظي من صميم اللغه العربيه واقصد به التخلف عن العصر اللي اتنوا فيه التخلف عن الركب العام تستخدم الحاسب بكل شي وانتم تحرمونه بالكتابه بعد ...


المهم جلست تتناقش مع معلمه وكل وحده من المعلمات جلست تسولف مع اللي جنبها كلمتني زميلتى اللي بجنبي قامت مديرتنا تناظر فينا وقالت لنا مو عاجبكم الاجتماع اطلعوا برا :o قامت زميلتي وهي الاخرى قد حصل لها مواقف مشابهه لمواقفي مع مديرتنا قامت زميلتي قالت لاتكلمينا بهذه الطريقه كانا طالبات عندك كلمينا بأسلوب تربوي قامت مديرتنا تتنطز بالاسلوب التربوي وتقول خلوكم انتم يالتربويين شدينا معها شوي وتلفظت على زميلتي معلمة الرياضيات وزميلتي ماسكه المقصف بالاضافه الى تدريس الماده قالت اتنى جالسه بمقصفك كأنك عاملة مقصف هنا ثارت ثائرتنا عليها وقالت زميلتي للمعلمات اليوم علينا وبكره عليكم يامعلمات الا اذا وطيتوا راسكم لها ... قامت طلعت المديرة دفتر البلاغات وقالت بكتب فيكم ووقعوا يامعلمات عليها قالوا بعض المعلمات لو مانوقع ايش رايح يصير لنا لا ن الاغلبيه رافض التوقيع قمت انا وقلت وقعوا وانتوا زميلاتنا ماراح نزعل منكم ابد وقعوا وقامت زميلتي قالت بعد ماتوقعون بليها واشربي مويتها

طلعنا من الإجتماع وفي اليوم التالي طلبت من المعلمات التوقيع رفضوا الأغلبيه ماعدا اربع وقعوا اما البقيه رفضوا التوقيع ...


كلمنا احنا المشرفه الاداريه بحيث تجي تحل الموضوع لنا هذا اخر يوم قبل اجازة الحج كانت بمدرسه وبتجينا بالاسبوع الاول بعد الحج ...

اللحين اعطوني ارئكم ايش الاسلوب اللي نقدر نقنع المشرفه بوجهة نظرنا لأن المعلمات يقولون المشرفه اكيد بتوقف معها لنها مديره ..


ملاحظه : أنا لم يسبق لي اثناء عملي طوال الخمس سنوات اني شديت مع مديراتي السابقات لأنهم محترمات ولي شهادات تقدير من مديراتي السابقات ومن مشرفتي السابقه ومن مديرة مكتب الاشراف أثناء تكريم المعلمات المتميزات ( طبعا بالمنطقه اللي انا جايه منها يعني ذولا مايعرفون عني شي مع ان مديرتي هذه المتسلطه ناقله من نفس منطقتي وسامعه عن سمعتى بالتميز اثناء الاحتفالات بتكريم المعلمات لأن يحضرون مديرات المدارس وطوال السنتين اللي امضيتها بذيك المنطقه يكرموني بدليل سؤالها لي مره من المرات)


اللحين قولوا لي رائكم وكيف نقنع أنا وزميلتي المشرفه باسلوب هادئ أنا عصبيه وزملتي عصبيه بعد واي كلمة ماتحملها كل شي الا كرامتي ان احد يرفع صوته علي وهذا الشي اللي كرهني بمديرتي ...


طلبنا بعض المعلمات يقولوا للمشرفه الي صار لهم مع المديرة من مشادات البعض رفض خوفا من زيادة المشاكل بالمرات الجايه معها فقط 2 وافقوا يقولون اللي عندهم من شكوى وتذمر من أسلوبها معهم ..


تكفون بسرعه ردو علي ..

عنود

ياكثر كلامك
هههههههههههههههههههههههههههه
طيب وحنا وش نقدر نسوي اعتقد الموضوع ماامنه فايده باامكانك ترفعين الشي ذا لاادارة التربيه والتعليم
مو بالمنتديات تدورين لها حل

باللهي وحده بذا الاسلوب


كيف تصير مديره


شي غريب


والله يعينك عنووده

انا شيف انك تسيسينها الين الله يفرجها

وجربي معها اسليب جديده مثل
1- امدحيه في وجهها
2- اعطيها فوق حجمها
يعني سيسها بلي يجوزلها يمكن تنجحين معها علي قولت الاخوان المصرين حولي تكلي بعقلها حلوه

موظف ولكن

ياخوي صدعت من مديرتي صرت اهذر

عقد وسوار

اللي قلته غيض من فيض

ماعاد بدري


ماحب هالاسلوب حق المصاريه وربي

السلام عليكم يالعنود
أنا عن نفسي ماني بمدرس ولاشيء شغلتي بعيدة عن التدريس
بس كون أخوي مدرس ومن زمان وأعرف الحركات تبعهم كلها بقولك قصة مع مديرهم يقول كل يوم وهو طايح فيهم قرارات وأنذارات ومشاكل ماتنتهي يقول لدرجة أنه فيه ملء المكتب من الأدراج وعباها قرارات وأنذارات يعني وأخوي مدرس من 14 سنة .
(من الأخر يعني هذي المديرة أن طلعت أونزلت معاها بكالوريوس وأنت كمان يعني مدرسة ومالها أي فضل وأكبر عقاب بتعاقبكم به وش بيكون ح درسي 24 حصة بالأسبوع هذا اذا كنتي مادرستيها نقل ماتقدر تنقلكي وبالنسبة للتقيم اللي تكتبة نهاية السنة اذا كنت قريبة من بيتك وما ودك تنقلين من المدرسة يعني ماله قيمة تبلة وتشرب مويته واذا كنتي بعيدة وتبغي تنقولين صح بيأثر على عملية النقل في أي حركة نقل بس اذا طفشتيها في عيشتها بتعطيكي تقييم حلو علشان تبغى تفارق خلقتك ههههههه)
يعني وسع صدرك وداومي يعني يأرض أنهدي ماعليها قدي ولا تحاولي تعدلي فيها
عيشيييييييييييييييييييييييييييي وكبري دماغك .
أي حركات بالمديرة من تطفيش ندلك هههههههههههه
وألف سلامة على قلبك المديرة هههههههههههههههههههههه
أنا طولتها وهي قصيرة اسف على القصور هههههههههههه

اسمحي لي اقول لك:
مديرتكم ذي صاحبة ألفاظ سوقيه،،والمفروض ماتجلس بمكان حساس مثل الإداره"اذا ذي المديره،،من وين بيجي الصلاح للبنات؟؟!!"
اقول ياعزيزتي...
احلى شي بالدنيا الصفط...ولاتسوين اي شي على حسابك..يعني قالت صورو الاوراق برا"لاتصورين اجطلي،وحطيها تحت الامر الواقع.."شحال لو هو على حسابها التصوير..الله يعز الحكومه",,,وهي بالنهايه بتخضع للأمر الواقع..وماراح تقدر تشكيك لأحد لأنك تسوين اللي يلزمك به عقدك وعملك"وعملك مايلزمك تكدين عالخلق والأوراق والحبر طرح تحت رجولها"....
ياقهرييييييييييييي،،نفس حركات مديرة خالتي...نفس الطينه ومع كذا خالتي معطيتها بولباس..وهذا هي ماشيه وماشاالله مثبتينها..لأنها تسوي اللي عليها وبس..
والله يوفقك قلبوووو...
كثرت حكي صح.....ههههههههههههههه،،
تشاااااااووو

الاخت العنود
السلام عليكم ورحمة الله وبركاته
اسلوب التعامل
قولي الها احنا مدرسات مثل بعض(اشك انها تغارمن اصحاب التخصصات العلميه للقدرات التي
منحهم الله عزوجل وتبي تثبت انها احسن منكم ويمكن تقدير تخرجها جيد او اقل )
الحل
1 اهدي لها هديه مخصوصه 0طيب شنطه 0 طقم اقلام 0 حلا خاص لها تكبررين راسها فيه اول يوم في الدوام(اشياءالي طفالها والمساعده والمشرفه تلوين العاب) وخليها تميز لوبمحايه
والهديه تزيل مابالنفوس خلك سياسيه + امدحيها عندصديقاتها القريبات والبعيدات وصدي عنها
انتي مخير في مايصلح حسب المناسبه اعزميها في بيتك اوملاهي او عروس هي فقط
(!!!!من غيرضعف اوخوف!!! ) والكرم يقرب القلوب ويستر العيوب
حتي الحيوانات

الاطفال عندي يرمون
بقايا اللحم للقطط تصدقيق انها تجمع عند الباب من بعد العصر الي الغرب تنتظر الاطفال لوتسمع اصوتهم تجي مره ثانيه

ولاتجلسين عندها واستفيدي من نقلات الكلام في مدحها وخلي صديقتك تجيب لك النتيجه

ولي طلب تعلمني بالنتيجه برساله لاني قلل ادخل على الموقع




اما التصوير قولي ممنوع تصوير الاسله في الخارج اعطيني ورقه خطيه بذلك تمسكينا كرت عليها لوجات موجهه ممكن تعرضينها عليها الموضوع اذحبيتي
ومدرسات الحاسب عمله نادره هي الخصرانه