ودعى المتحدث الرسمي باسم وزارة التربية والتعليم الحاصلات على الدرجة الجامعية واللاتي سبق أن أضفن بياناتهن لنموذج جدارة على الموقع الألكتروني لوزارة الخدمة المدنية والراغبات التقدم للوظائف التعليمية للعام القادم (1434/1435 هـ ) لضرورة متابعة ما سيعلنه المركز الوطني للقياس والتقويم على البوابة الإلكترونية http://www.qiyas.sa ، وما ستعلنه وسائل الإعلام المختلفة حول المواعيد والإجراءات المتعلقة باختبار الكفايات للمعلمات.

بنات وش تفهمون من هالكلام ؟؟؟

مو الخنين قال المفاضله الحاليه ماراح يطبق لها القياس ؟؟ بينما الكلام اللي اقتبسته يوحي لي ان بيطبق القياس ابتداء من هذي المفاضله الحاليه!!!

والله انا اشوف من وجهة نظري ان القرار صدر في عام 34 اذن يطبق على خريجات 33 مو يقعدون يحفرون في اللي راح

المفروض يطبقونه اما على خريجات عام 33
أو على الجامعيات قبل تخرجهم مثل حقين الثانوي يختبرونهم قبل لا ياخذون شهادتهم

وش ذا احنا مايكفي سنين الانتظار كمان يبلشونا في قياس

احنا العاطلات سنوات ننتظر مالنا دخل في قياس

يالخوارزمي ياابن النفيس ياعلماء الذرة يا العباقرة يا المثقفين والمثقفات الي أيدتوا قياس على بالكم سهل زي الاختبارات الي اختبرتوها قبل

روحوا شوفوا مواضيع الشباب كيف يعانون من قياس الواحد يتخرج من الجامعه بامتياز ومايجتاز القياس إلا بعد محاولات دامت سنتين وثلاث وأربع

الحين لو اسوي مسابقة واجيب كذا سؤال لتجلسين انتي وياها تتبرطمين ماتعرفين الجواب مسويات فالحات

على بالكم من اول اختبار بتجتازينه انتي وياها الي أيدتوه؟

ع العموم احسبي سنوات التخرج مع سنوات اختبار قياس وشوفي كم بيطلع لك مجموع سنوات العطاله

ومبروك عليكم مقدماً سنتين عطاله زياده ويمكن أكثر

كوكبه حبيبتي ممكن الله يعافيك تفهميني ايش هي الية اختبار القياس ؟
يعني تطلع الاسماء ثم يجرون الاختبار ؟؟
او نختبر اول واللي عدا يدخل بالمفاضله ؟؟

أكيد بيعلنون مواعيد الاختبار والمكان وتجيبين معاك 200 ريال وتعطينهم وتروحين تختبرين وانتظري النتيجه

وإذا مااجتزتي الاختبار انتظري السنه الي بعدها يعلنون عنه وتروحين تختبرين مره ثانيه وتجلسين في هالمرمطه إلى ان تجتازينه

هذي المفاضله والتقديم هذا الي قدمنا عليه ماله دخل في قياس

لكن التقديم الجاي لازم تجتازين قياس وبعدها تقدمين

ربي يسهل ويعطينا على قد نيتنا يارب