[align=right]بعطيك نقاط اللي أنا متخذها ربما تنفعك

1-أول شيء إقتنع إقتناع تام وانت رايح للمقابلة إنك أنت مرشّح يعني قطعت 70% من طريق الوظيفه
يعني خلك مرتاح وواثق لاترتخي مرة ولاتشد مرة يعني لاتفكر بالحصول على الوظيفة وعدم الحصول
بكثرة بحيث ترتبك فإنت وطريقتك خلك مرتاح مرة

2- لاتنسى النقطة الأولى لأنها أهم نقطـــة لو إضطريت تدخل وانت ضامن انك ماراح تاخذ الوظيفة الاهم خلك مرتاح مو مشدود

3- خذ ببالك إن تقييمات المقابله الشخصية ليس بها أجوبة صح أو خطأ .. بل بنودها كما ذكرها أحد الزملاء .. الشكل الخارجي .. الثقه بالنفس .. حركات الجسد .. مخارج الحروف .. تزيد او تنقص وكلها تقيّم بلائق أو غير لائق ومنه :
[إهتم بمظهرك الخارجي , جلستك على الكرسي تكون معتدله ليست متمايله تبين عدم المبالاة او مشدود تنم عن عدم الراحة والتوتر ,الثقه مثلاً لو سألوك سؤال وماتعرف جوابه فيه ناس تسكت وتفكر وترتبك وفيه ناس ببساطة يقول والله ماعندي فكرة أو نظرات عينك وانت تتكلم ,حركات الجسد مثلا لغة الحديث وتحريك اليد والوجه مع الكلام , مخارج الحروف مثل المتردد والواثق تختلف ونبرة الصوت تكون واضحة لو قاطعك احدهم وانت تجيب ببساطة تقوله جايك بالكلام وتكمل إجابتك توزع النظر بينهم كلهم لاتستجيب للإستفزاز إلخ] وتذكر دآئما لاتتصنع خلك على طبيعتك فطبيعتك جيدة


4- فيه أسئلة تجي بالمقابلات وتتكرر بكثير من المقابلات تكون محضر لها جواب دور عن الاسئلة المكررة بالمقابلات وأعد لها جواب يكون أفضل وأذكر لك منها .. تحدث عن نفسك , ماذا تعرف عن الكلية اللي مقدم عليها او الجامعه مهم تجمع معلومات عن المنشأة اللي مقدم عليها , وسؤال صعب مريت فيه انا بجامعة عبدالعزيز هو إذكر نقاط ضعفك .. الخبراء يقولون إذكر نقاط على اساس انك تراها عيب فيك وهي حلوة مثل أدقق بالعمل كثير أو أو أنا ماني مقتنع وجاوبت مافيني نقاط ضعف .. وحولولي إذكر نقاط قوتك وفيه برضو ثاني ومريت فيه أنا وهو عندك سؤال بتسألنا عن طبيعة العمل .. حبذا لو تسأل ولو ماعندك عادي


5- لاانتهيت من المقابلة إشكرهم وانت مبتسم وانت طالعبرضو بثقه


ملاحظات:

قد يعرج بك بعضهم على اسئلة سياسية او دينية أو تيارات ثقافية .. إلخ .. لاتحرص تتعمق بهالمواضيع وتدخل نفسك بمتاهات وحاول تجيب بأقل إجابه ماقل ودل ولاتفتح مجال للتشعب





قبل أن أختم .. كمعلوماتي عن مشغل حاسب بتمر بإختبار عملي أثناء المقابلة مثل يقولك الكمبيوتر طافي شف المشكلة .. غالبا تكون المشكلة بالكيابل أو مثلا يسألك عن الهارديسك او البور سبلاي أو الرام وينه والمذر بورد


أو أصوات الاعطال المعروفه .. يصفها لك وتذكر له العطل





فإستعد للعملي ولاتراجع شيء قبل المقابلة بساعات خلك مروق وبشاهي وعادي وإعتمد على ثقتك ومعلوماتك وإتكل على الله
وإن أردت نصيحتي إدخل ثاني واحد أو الثالث


تجنب الأول لاتكون اول من يدخل على شان ماتكون انت معيار التقييم يبدؤون يقيمون عليك .. وتجنب الانتظار ولو إضطررت للإنتظار لاتفكر كثيرا بالمقابله لانك بتتوتر فخلص الامر بدري ولو رتبوكم وكنت متأخر لاتفكر بالمقابله حاول تشرد بذهنك بأشياء تريحك أكثر من التعمق بالمقابلة وبحال الشخص اللي الان عندهم يسوي مقابله وأكثر الاستغفار





ولم يبقى لي إلا أن أتمنى أنك إستفدت من طرحي .. والتوفيق لك بما تسعى له





[/align]