ســلآم عليكم أنا عندي مقابله شخصيه لوظيفه مشغل حاسب آلي

تفاجات والله يوم جتني الرساله المهم ماني عارف شي عن المقابله

بسالكم عن طبيعة المقابله الشخصيه وش الأسئله إلي تجي فيها

وهل فيها إختبار عملي على الحاسب الآلي

الله يرحم والديكم أي شخص يمتلك معلومه عن طبيعة المقابله

يحطها هنا لأني في حاجتها والله

طيب وين المكان؟ هو على حسب المكان اذا في اختبار تطبيقي او لأ.

المكان شقراء والوظيفه في جامعة شقراء مشغل اجهزه المهم نبي
معلومات عن طبيعة المقبله الشخصيه لمشغل الأجهزه

بيرلز شكرا لك وعلى تفاعلك بارك الله فيك

بس أنا إختبرت وخلصت وعندي موعد مقابله شخصيه ولآاني عارف شي عن المقابلآت

أول مره في حياتي بخش مقابله شخصيه

ابي أعرف طبيعة المقبله وش الأسئله إلي تجي فيها هل فيه تطبيق عملي على الحاسب

الف مبروك وانا اخووك

اسمعي وركز معاي

اهم شي خلك كاشخ وواثق من نفسك وتكون مرسومه على شفاتك ابتسامه خفيفه

بيقولك اول شي تكلم عن نفسك

قله اسمك ووين ساكن وعممرك ومؤهلك
بس لاتتكلم كانك رجل الي ههههههه

تكلم كانك تسولف مع واحد ومهم

احيانا يحاولون ستفزونك انت حاول تهدي الامور

واحيانا يقاطعونك بالاسئله ويسالك سؤال وانت توك بادي بالاجابه للسؤال السابق

خلك ثقيل وجاوب بشويش

بيقولك متى تبي تبدا العمل قله الحين اذا الله اراد

بالنسبه لطريقه الكلام خل صوتك موزون يعني لاهو خافت ولا مرتفع

حاول ماتسكت ابدا

يعني كل المقابله خلها كلام لك

لما تخطي بمعلوممه وهو يصححها لك لاتقاطعه خله يتكلم لين ينتهي


هذا اللي اعرفه واللي تعلمته من المقابلات

والله يوفقك ياخوك ودعواتك لي انا

^^
أخوي متعب الله يبيض وجهك سلمت ياصاحبي وماقصرت

نبي الإخوان إلي جربو المقابله الشخصيه لمشغل أجهــزه هل فيه تطبيق عملي أم لآ

يارب فرجك يارب

الله يوفقك
ماأتوقع فيه تطبيق عملي ولامره سمعت بمقابله فيها تطبيق عملي
اذا هم نفس جامعة المجمعة كل المقدمين على الوظائف يقابلوهم نفس الاشخاص يعني ماهم مختصين بوظيفة معينة
قبلوني بشقراء وسحبت عليها من شفت ترتيبي بالاربعين عرفت ان مالي مجال
على العموم الله يوفقك ويسهل امورك واهم شي الثقة وانا اخوك وعدم الارتباك وتذكر انهم مجرد بشر
وبشرنا وش يصير معك

جزاك الله خير يالشمالي وننتظر بقية الإخوان

ما هي طبيعة عمل مشغل الاجهزة ؟