السلام عليكم ورحمة الله وبركاته اسعد الله صباحكم
اول مشارك لي معكم في المنتدى الرائع

عندي فكرة مشروع وابغى منكم التوجيه والنصح والمشورة

أبغى أفتح محل بيع الاحذية المخفضة( اكرمكم الله )
الاسعار تكون( 10-15-20-25-30 )

((طبعا المنطقة او الموقع استثماري بدرجة كبيرة ان شاء الله ))
ولا يوجد له منافسين الا محل واحد والاسعار عندهم تبدأ من 35 وطالع
---------¯------------¯---------------¯------------------¯------------------¯-----------
يكون مساحة المحل لاتقل عن 4*6 ويكون فيها عاملين وفي المناسبات ثلاثة عمال
يكون المحل في البداية خاص الاحذية ومعا الايام يتطور قسم شراريب وقسم للشنط النسائية
او من البداية يكون المحل كبير فتحتين ويكون ثلاثة اقسام لما ذكرت اعلى
---------¯------------¯---------------¯------------------¯------------------¯-----------

المطلوووب // دراسة جدوى من الالف الى الياء


ايش المطلوب من رخصه ووو اجرائات الفتح
وكم يكون ممكن رواتب العمال
وكم تكلفة المحل المتوقعة رأس المال
ايضا احتاج لبرنامج محاسبة وكميرات مراقبة كم تكلف تأسيسها
والاهم من ذلك وين احصل محلات الجملة
)))ابغى محلات تحطيم اسعار والا استورد من الصين(((

هذا مالدي واتمنى منكم النصح والايضاح وشكرا

الله يرزقك اخوي انا ماعندي فكرة حبيت ادعي لك وارفع موضوعك

آمين ويالك ياخوي شاكر لك مرورك الكريم

بإنتظار البقية

- بالنسبة لرخصة المحل تطلعها من بلدية الحي اللي بتفتح فيه ويطلبون عليك (عقد الإيجار + كروركي الموقع + نموذج طلب فتح محل تجده عندهم + رخصة المكتب اللي أستأجرت من عنده).
- المحل (استخر وشاور كثيراً) قبل ماتستاجر ويفضل يكون بسوق تجاري أو بجانب محل مستلزمات رجالية أو خياط رجالي إن كانت بضاعتك رجالية (المهم بجانب محل ) قريب من نشاطك.
-الرواتب مالي علم فيها ولكن أعتقد بأن (من 1200 إلى 1500) ريال.
- كمرات المراقبة حصلت لي إعلان يسويها لك بـ2400 ريال على ما أذكر
(4 كمرات مع جهاز تسجيل) + تكريب كل كمرة ب200 ريال.

وأسأل الله أن يفتح عليك وييسر أمرك

كم راس مالك.؟

يكفي لكن المشروع اتوقع مردوده ضعيف

ليه ما تفتح سوبر ماركة .؟

اولا المنطقة مليئة بالتموينات
ثانيا ممكن تعطيني الحسبة او الطريقة التي حسبت بها وطلع المردود ضعيف ؟

انا بقولك شي حبيب قلبي

احسب كم البيع اليومي تقريباً
بعدين اضربه في 30

بعد كذا يكون طلع لك الدخل حق الشهر

وقتها احسب الربح كم بيكون تقريباً بين 10% الى 20% بالكثير
ودائماً في حال جيت تحسب الارباح حط في بالك بالبدايه بالدراسه اقل نسبه

بعد ما تعرف صافي الربح المتوقع

اخصم الاجار وراتب العامل وشف كم بيصفى لك

يعطيك العافية ياحيرتني وان شاء الله اني ماحيرتك
كلامك صحيح بس هذا كله يعتمد ع سعر البضاعة
وانا ماراح اخوض في هذا حتى اعرف كم اسعار الجملة او استيراد من الخارج واتمنى احد الاشخاص يفيدني في هذا الموضوع