طيب بسالكم الحين الي ينجحون من الاختبار هل بيفاضلون بينهم على المعدل والاقدمية ولا على درجتهم في الاختبار

شفت واحد من الشباب هوون يقوول أنوو اجتاز القياس
بس لسئ ما ترشح لأن نقاطه قليله ف جدارة
يعني بعد ما تجتازي القياس بيشوفو نقاطك

حسبي الله ونعم الوكيل

الخنين كاتب في تويتر القياس لجمييييييييع التخصصات

شوشو ولولوو يب أناا بعد شفته كاتب الاختبار لجميع التخصصات بدون استثنااء

بس المقصود هنا بموضوعي أن التخصصات هدي المحدده أنها ماتختبر الفترة ألاؤوولى
لها فترات تأنية

بس الكل رررراح يختبررر
الله كريم

انا سجلت فيه بس ابي اعرف طبيعه الأسئله
مثل القدرات او لا ؟؟

الخنين أكد أنها خاصة بالمفاضلات المقبلة
قياس: 3 مراحل لاختبار كفايات المعلمات
بدر الأحمدي (جدة)، واس (الرياض)


أعلن المركز الوطني للقياس والتقويم أن اختبار الكفايات للمعلمات ستكون على ثلاث مراحل خلال العام الحالي 1434هـ وذلك للخريجات المعدات للتدريس. وبين المركز أن المرحلة الأولى من الاختبارات ستكون في الفترة من 4 ــ 7 ربيع الآخر المقبل، حيث سيبدأ التسجيل لها بدءا من 30 صفر الجاري إلى 13 ربيع الأول المقبل، وستخدم هذه المرحلة عددا من التخصصات هي (رياضيات، علوم، فيزياء، كيمياء، أحياء، حاسب آلي، لغة انجليزية، مكتبة وبحث، إعاقة فكرية، صعوبات تعلم، توحد، عوق سمعي، تدريبات إعاقة، تربية فنية، علم نفس، علم اجتماع، علوم إدارية، مختبرات وتفوق وابتكار). أما التخصصات الأخرى فهي (التربية الإسلامية، اللغة العربية، التاريخ، الجغرافيا، التربية الأسرية، اقتصاد منزلي ورياض الأطفال) ستكون ضمن المرحلة الثانية في بداية شهر جمادى الأولى وكذلك ضمن المرحلة الثالثة.
وأفاد المركز أنه سيتم التعامل مع الأعداد الكبيرة من الخريجات في مختلف التخصصات، وذلك بناء على القرار المشترك لكل من وزارة الخدمة المدنية ووزارة التربية والتعليم بالبدء في اشتراط اجتياز اختبار الكفايات للمعلمات، بدءا من تعيينات العام الدراسي المقبل (1434/1435هـ)، وذلك بعد النتائج الإيجابية التي حققها تطبيق هذا المعيار على مستوى المعلمين الرجال للأعوام الخمس الماضية، وبما يتماشى من إعطاء مهنة التعليم الأهمية المناسبة لها. من جهته، قال المتحدث الرسمي في وزارة الخدمة المدنية عبدالعزيز الخنين عبر حسابه على موقع التواصل الاجتماعي (تويتر) أن اختبار كفايات المعلمات للمفاضلات القادمة وليس للمفاضلة الحالية التي انتهى التقديم والتحديث لها بتأريخ 13/2 /1433هـ.

يابنات أنا اختبرت القياس اللي أهلني للجامعة
وما احتاج مذاكرة ولا هم يحزنون اصلا وش بتذاكرين المناهج كلها
حشا والله لو كمبيوتر مارح يستوعب ابدا
كلها أسئله عامة ومن عدة مراحل ومن جميع المواد
يعني توقعوا الـ غير متوقع
صحيح هذا الاختبار غير بس كله قدرات
يعني انا ادبي جابوا لي من رياضيات اولى ثانوي!!

وفي كان معاي بنات دخلوا دورات قبل القدرات عشان يعرفوا ايش قصته ويجيبوا درجة عاليه
ومن هالخرابيط لكن ما استفادوا شيء ابدا! ضيعوا وقت وجهد وفلوس ع الفاضي
القياس يعتمد اولا على الحظ ثانيا على ثقافتك

في النهاية ما اقول غير حسبي الله
القدرات ظلمتني بالجامعة ونزلت نسبتي للحظيظ وخلتني ادخل قسم ماعاد فيه منه احتياج
والحين بنظلم مره ثانيه في قياس الوظييييفه

حسبي الله على كل من له يد في هالظلم
الله لايسامحه لادنيا ولا آخر
والله يوريه بعياله وبنفسه اللي قاعد يسويه في أبناء وبنات الوطن

طيب أنا بسألكم

أنا تخصصي لغه عربيه ومقدمة بجداره

لكني مو تربويه وما ابغى اتوظف مدرسه
ابغى اداريه

فهل ادخل الاختبار او لا

واذا ما دخلته ماراح يوظفوني ابد لا مدرسه ولا ادراريه

وانا سمعت ان الي ماتدخله تتوظف اداريه ويستثنونها من التدريس هل هذا صحيح

سامحوني على كثر الاسئله لكن هالاختبار المفاجيء حاسنا