[align=center]ما عندي جواب للأسف ... ودي اساعدك ...
[/align]

Follow up

ياخوان جبت افادة تخرج وسجل اكاديمي مختومين بحكم ان الوثيقة بتطلع يوم الاحد تتوقعون تمشي ؟
مع العلم ان السجل مو مكتوب فيه التقدير بس الرقم

[align=center]كلمت الوزارة انت بخصوص الاوراق و المستندات الي معك ؟ انت قدم و توكل على الله لان مالك خير غير كذا يا تقدم بهالاوراق يا تنتظر الوثيقه وهي بعد ما ينيتهي التقديم ... توكل على الله وقدم
[/align]

[align=center]اجل توكل على الله و قدم و ارفع كل الاوراق احتياطا كل السجل الاكاديمي + الافادة و باقي المعلومات و الله يوفقك[/align]

Follow up

السلام عليكم ورحمة الله

يؤسفني ما أشاهده من كثير من الإخوة هنا

وكما قلت لكم سابقاً

الطيور طارت بأرزاقها وأنتم لا زلتم هنا تصرون على النتائج

ولكنكم تعلمون حقيقة الأمر وهي أنكم لم تجتازوا المسابقة

ولا أتعجب إلا من البعض ممن يسوق فكرة الانتظار حتى ظهور النتائج

فيظهر كل اسبوع ويؤمل الآخرين ثم يصدقونه البعض وهكذا دواليك

ولا أدري هل هو بحسن أم سوء نية

وأرجو منه عدم مواصلة ترويج الأحلام الضائعة لأي سبب كان


أنا مثلكم تقدمت للمسابقة سكرتير ثان 1434 رجال ، واجتزت الامتحان التحريري والاختبار الشفوي

وقابلت الأمير أنا وأربعة أشخاص فقط في ذلك اليوم

وحتى الآن لم تظهر النتيجة

ولكني تقدمت لمسابقة سكرتير ثاني لهذا العام 1435 رجال ووصلتني رسالة بالقبول وتحديد

الاختبار في الشهر القادم

أرجو إغلاق هذا الموضوع وفتح صفحة تجمع المتقدين لمسابقة سكرتير ثاني لعام 1435

ولا أظن أنها ستختلف عن التي قبلها ولكن إذا جاد العاطي جاد عمر ولعلها ..... الله أعلم


ويكفي يكفي يكفي

[align=center]أخوي انا أولا متفائل

ثانيا مو شرط انك قدمت على مسابقة 1435 هجري و انقبلت مبدئيا و حدد لك موعد الاختبار يعني انك ما انقبلت

أنا مكلم الوزارة أمس و سالت الموظف المختص بالموضوع و قلت وش صار عليها ؟ قال للحين ماصار فيها شي

و سألني عن اسمي و قلت له و قال للحين ماصار شي فيها يبي لها وقت بس ... ويوم سأل عن اسمي قلت

له انت عرفت اسمي الحين ؟ اذا مو مقبول قولي عادي ابي ارتاح ؟ قال لا لا بس للحين ما صار شي و يبي

لها وقت ... يعني يمديه لو انا مو مقبول كان قال لي يوم عرف اسمي اني مو مقبول ما راح يخليني انتظر

و احرق اعصابي وهو عرف اسمي و يقدر يقول لي ايه او لا !!! اخوي وكل الله

وبقولك شي ... زميل لي في الوزارة ( ثقه ) ان كل الاسماء الي قابلوا الامير ارسلت للجهه الامنية و الوزارة

ما ترسل اسم الا مقبول عندها والا وش فايدة ترسل اسماء غير مقبولة ؟؟ بالعقل يعني !!

تفائل اخوي و وكل الله تعالى واذا هي مكتوبه لك بتاخذها ...

يعني بالعقل وش يستفيد الموظف يوم سال عن الاسم و يسكت و يصرفني و انا مو مقبول مثلا ؟

للمره الثانيه لا يعني قبولك في مسابقة 1435 هـ يعني انك غير مقبول في 1434هـ

و اعرف 3 اشخاص و انا معهم ما جانا اتصال ولا رساله ؟ هل معقوله انت و انا و 3 من اخوياي

ما قبولهم ؟ و انت اسال اذا تعرف احد من اخوياك مقدم معك على 1434 هـ شف بعد ما انقبل ؟؟

جب لي واحد انقبل نهائيا و باشر و داوم ؟ وانا متأكد ان ولا شخص جاه اتصال ولا رساله ولا باشر ولا

داوم في الوزارة من دفعة 1434هـ واذا بتلحق وسوستك ... خلك فيها ولا تخرب على غيرك يابوي

وعلى فكره بعد ... لو بمشي على وسوستك و كلامك الغريب يابعدي ... انا والي من تخصصي

المتضرر !! لان تخصصي غير مطلوب في مسابقة 1435هـ ابدا !!!! على الاقل انت عندك فرصه ثانيه

في المسابقة الجديدة !!! فيا تقول شي فيه خير و شي زين ؟؟؟ والا التجمع هذا يتعذرك و يتعذر كل

الي بتفكيرك هذا يا عزيزي بالعربي ( قل خيرا أو لتصمت ) واضح !!!!!!!!!!!!!
[/align]

هههههههه. انت ليش عصبت على الرجال خله يعبر عن رأيه
انا كلمت الوزارة وقالوا لي نفس الكلام وقالوا بكيفك تبي تقدم على المسابقة الجديدة ولا براحتك
بس اللي اعرفه ومنطقي ان الغير مقبول يقولون له وهذا امر حصل قبل كذا

من اجل ذلك مارسوا حياتكم الطبيعية
تحياتي