اتوقع والعلم عند الله اليوم بتطلع النتايج

توني الحين مسكر السماعه من الوزارة


قال لي بالحرف الواحد


مابعد وصلتنا النتايج من المعهد


قلت كم يبي لها

قال انتم متى مختبرين ؟؟

قلت نهاية شهر ثلاثه

قال قريب بتوصل للوزارة

قلت اذا وصلت بتحطونها ع طول ع الموقع
قال لا تقعد اول ماتجي في الصادر الوارد بعدين تمر باجراءات حول الاسبوع

ثمن نعلنها في الموقع


سلامات وش فيهم غيرو كلامهم ولا الدعوه طقطقه !!!

[align=center]ما عليك منه ما يبونا نزعجهم و ندق عليهم ... فحبوا يصرفونك يا غالي ... انا مكلم الثلاثاء الماضي وقالي الموظف النتايج وصلت قلت الي اختبرو ١٤٣٤ قال ايه وصلت وموجودة في الوزارة ... وسالته متى الاعلان قال قريب قلت متى بعد شهر قال لا اقل بس متى مدري ؟ وقلت لكم اني شديت معه شوي قلت له ظروفي وقال ان شاء الله ((( خلال ))) الاسبوع القادم ... يعني هالاسبوع بحول الله ... خذ العلم مني الرجال الي رد علي هو الصادق [/align]

ياخوان لاتسألون الا الاخ محمد الز بيدي هو اخصائي التوظيف لبرنامج الدبلوماسيين . اذا قال ماوصلت فهو ابخص . ولاتكثرون الاتصالات اتفقوا واحد منا يتصل كل يوم ويعطينا الخبر حتى ما يحقدون علينا .

بعدين انا قلتلكم النتايج بعد ماتطلع من المعهد تروح للامير خالد مساعد وزير الخارجية يراجعها ثم يحولها للتوظيف ويحددون موعد مقابلة المعهد ثم مقابلة نائب الوزير او مساعد الوزير . فالدعوى فيها متاهات وتحتاج وقت .

[align=center]فهد الي رد علي الـ***ـــدي اعتقد وقال لي خلال هالاسبوع !! وبعدين تروح لمدير الموارد البشرية يعتمدها وبعدين بتروح للامير خالد يعتمدها نهائي بس لمجرد الاعتماد ماراح يسوي بها شي !! ان شاء الله بالكثير الاربعاء بتطلع النتايج[/align]

الامير خالد مسافر من الاربعاء اللي راح ولا رجع للحين

معناها الاسبوع الجاي اجل

الا اذا صار معتمدها من قبل يسافر

[align=center]الموظف قال خلال الاسبوع الجاي بتنزل في الموقع ... اجل بالعقل بيقول بتنزل الاسبوع الجاي والامير ما اعتمدها ... اتوقع تم اعتمادها وخلاص[/align]

سبحان الله والحمدلله ولا اله الا الله والله اكبر

احد دق اليوم


هههههههه احس طفشناهم .. يستاهلون ليش يلطعوننا


وصلتني معلومه في الحياة الدبلوماسيه مستقبلا تقول

في حال انك كنت ملحق دبلوماسي في الخارج ولم توفر السفاره لك سكن فلايسمح لك بالسكن الا في فنادق لاتقل عن اربعة نجوم

لعدة اعتبارات من بينها انك تمثل حكومة خادم الحرمين الشريفين

وايضا لاعتبارات أمنية حيث ان هالفنادق السكن فيها أأمن من السكن في شقه على سبيل المثال فأنت لاتمثل نفسك انت تمثل السفاره والفندق فيه حماية اكثر


على كذا اللي يفكر انه بيوفر من راتبه في الخارج وبيسكن بشقه ولا استديو يغير تفكيره عساه يصفا له اخر الشهر مبلغ يطقطق به