عليكم السلام ورحمة الله وبركاته

شوف يالمطيري موضوع تاجير المعدات موجود بس بل الفترة الحالية قل لعدة اسباب منها كثرة السيارات

وركود المشاريع وصارات بالواسط الى وصلت الواسطة ماتنفع في بعض الاحيان وصار فيه نصب في قضية

الشركة اللي نصبة على 6000 شخص بي واهمهم انه يشتري صندوق قلاب وياجرونه له بي4000 ريال

وانا صيحتي لك لو ماتوفرة لك فرصة تاجير على شركة وانت تبي شغل المعدات فيه اكثر من مشروع حسب ا

لمنطقة اللي انت فيه

ممكن في

1-اخذ الاسمنت من المصنع وبيع في المنطقه اللي انت فيه

2-اخذ الاعلاف من طبرجل وسكاكا والقصيم وبيعه في المنطقة

3-قلاب وشغله متعدد

4-شيول وشغله كثير

5- ويتات الماء او البنزين


اتمنى اني افدتك واي سوال تحت امرك

بيض الله وجهك اخوي انا بخاطري راس تريله وصندووووووووووق يقولون الاقبال عليه كثير

وبنفس الوقت انا عرض علي مشروع ايجار صندوق اني اشتري الصندوق 70000 الف وااجره على عن طريق مكتب بـــــــ 3500 على مدار 3 سنوات
انا من سكان الرياض
ياليت تفيدني يالغالي واسف على الاطاله

أقل سعر لإيجار معدة هو 10 آلاف لا أحد يضحك عليك إلا إذا كانت دينا صغيرة فممكن

اخوي نصيحتي لك موضوع القلاب انتبه من الشركات ترا لا ضمه ولاضمير

وانا من خبرتي البسيط جدا واللي اسمعه القلاب كثير العطلات والبخصوص البستم اللي في الصندوق

طيب ليه ماتاخذ لك سيارة مرسيدس ال بي موديل 90 نظيفة ممكن تكلفك 100الف تقريبا

وتاخذ لك تيدر وتشتغل بل الاعلاف لو مامشت معك فيه الاسمنت لو مامشت معك تشغله بايجار بي نقل

البضايع لو مامشت تبيع التيدر وتشري قلاب

بس لو ضامن انك تقدر تدخله في شركة شتره ولا تردد

انا جاهز بس ابي احد يدلني الطريق فقط لاغير

اخوي اذا بتشتري باص انا استأجر منك ب1500 بالشهر

طبيعة الشغل في محل ورد وكوش يعني بأذن الله السياره راح تكون نضيفه

العرض للجميع

اخوي الطريق اللي أنصحك فيه شغل الأعلاف او الأسمنت او نقل البضائع وايذ انت ضامن احد يدخل سيارتك في شركة اشتر قلاب


او عندك الشيول وحط عامل عليه وحسابه يومين


هاذي نصيحتي لك وانت روح للسوق واسأل عن أسعار


السيارات او فكر في مشروع ثاني ايذا انت متردد في شغل المعدات


والقرار الاخير لك

باختصار


موضوع مكاتب التاجير


كلام فاضي


واغلب ها المكاتب تشغل المعدات لحسابها بطريقة غير مباشرة

وهذا مثال

انت عندك معدة واجرتها عن طريق المكتب ب16.000 ريال الشهر والمكتب ياخذ 2500 ريال شهري من الايجار

وش سوى المكتب

جاب لك شغل

طيب صار هو مشغل معدتك لحسابة بما انه ياخذ 2500 ريال كل شهر وهو لا عنده معدة ولا متحمل متابعة ولا اصلاح اعطال ولا جاب سواق ولا وفر سكن ولا نقل ولا شي فقط جاب الشغل للمعدة

الافضل انك تتفق معه من البداية ان ياخذ 2500 ريال فقط من اول دفعة ايجار كاتعاب تاجير او تامين عقد اما انه يشاركك في المعدة واجارها هذا ضلم واحتيال


بالنسبة للعقود


اذا عندك بكلين موديل جديد انا اضمن لك تشغيلة بالطائف باذن الله ب16.000 شهريا ولمدة 5 اشهر باذن الله

( قلا بات 6 )12.000 شهريا

الشغل مو جود لا تخاف بس اهم شي لا تسلم معدتك لغيرك انت تابعها بنفسك وانت اللي دور لها عن شغل


واهم ما في شغلة تاجير المعدات العلاقات خلك دبلوماسي وسو علا قات مع العالم وباذن الله بتعين خير


ثانيا لا تبخس الناس واكرم اللي يجيب لك شغل عشان يتحمس ويكرر التعامل معك


وصدقني ما راح تكون علا قات اذا ما انت بنفسك رحت يم المشروع اللي شغالة به معدتك وتعرفت على مهندس المشروع وعرفته على نفسك


وكررت الزيارة اكثر من مرة


وما راح يضرك شي لو سويت عزيمة او اهديتهم تمر او ماء زمزم او عسل


موفق اخوي

اشكر الجميع على الافاده وابدا رااااااااااااااايكم

واطمع بالكثير من ارائكم الطيبه

لاهنتوااااااااااااا