السلام عليكم ورحمة الله وبركاته

تحيه طيبه للجميع .. وبعد

انا عسكري في آحد الآفواج بالحرس الوطني

والحقيقه فكرت كثيرا في تقديم استقالتي

والبحث عن وظيفه حكوميه ولا أعرف الطريقه الأفضل

بحثت عن وظايف في ديوان الخدمه ولم يتوفر الا خريج

كليه تقنيه او ثانويه تجاريه وانا خريج ثانويه عامه ..

البعض يؤيد قراري من اصدقائي والبعض الآخر يرفض

بسبب شح او قلة الوظائف الحاليه وابي رأيكم ونصيحتكم

لمن لديه الخبره الكافيه وسبب فكرة الاستقاله

ابي اشتغل واعمل واكد حتى آحلل راتبي

البعض يذكر لي انها فرصه وانت مرتاح راتبك يوصلك

ولكن يعلم الله اني محتاج اعمل الليل والنهار

حتى اكسر الروتين الممل للعطاله المبطنه

تمنياتي للجميع بالتوفيق والسداد

ولا تنسوني من دعائكم

طيب خلك ع الوظيفه وطقطق ع التجاره ...


شف لك اي اسسسم من هلك واستخدمه ^_^ .. والله يوفقك

نصيحه لاتفكر بالاستقاله

الوظيفه الحكوميه شبه مستحيل تلقها خصوصا المدنيه

البكالوريوس الحين يدخلون عسكريه بسبب شح الوظائف وانت تقول ابي افصل والمشكله ان شهادتك ثانوي

نصيحه لاتجيب العيد في نفسك وتتحسر

وحاول تشتغل بالتجاره البسيطه واالله بيفتح لك باب رزق

الله يوفقك ويسعدك

المعاش = اللي يعيش
وهو معناه الراتب
وزي ما قالوا الاخوان
خلك على وظيفتك مع التجاره افتحلك مشروع واشتغل فيه

يارجال هذي فرصة انك تدخل التجارة

لو تفتح محل صغير

أو تشتري ليموزين وتكد عليه

ولا شريطي في المعارض

ولا سمسار عقار

مادامك اغلب السنة فاضي

اغلب اللي يعملون في الأفواج عندهم تجارة خاصة , يعني مزبطين اوضاعهم
لاتفكر بالإستقالة ابداً بل استفيد من الراتب كـ دخل ثابت , ومنها شوف لك تجارة خاصة طقطق عليها
الله يوفقك

أقول إركد وخلك عاقل

وإحمد ربك


قال إستقاله قال