[align=center]السلام عليكم ورحمة الله وبركاته

اريد المساعدة والمشورة منكم يا اخوان

انا طالب جامعي وابشركم تخرجت هذا الترم الحمد لله

حالياً انا متفرغ وعندي مبلغ 10.000 ريال

ومن فترة طووويلة افكر اسوي لي مشروع صغير كبداية انطلاق

لذلك قررت وتشجعت من مواضيع الاخوان الله يجزاهم كل خير السفر الى الصين بعد اسبوع من الان

اتجاهي هو اكسسوارات الجوالات والاجهزة اللوحية

وشراء كميات صغيرة من كل نوع ( مثلاً 100 كفر مشكل للجالكسي - 50 شاحن ... وهكذا) طبعاً مو من المصانع لانها تتطلب كميات كبيرة


الاسئلة :

1- هل يكفي 5.000 ريال تذاكر (من الرياض) + سكن من الرخيص النظيف + وجبات خفيفة ؟

2- اذا كنت اريد شراء كميات صغيرة من كل صنف كما ذكرت من وين احصلها ؟

3- بالنسبة للشحن انا كميتي صغيرة وخفيفة لانها اكسسوارات كم يكلفني؟

4- اذا كلفت البضاعة 2.000 ريال. هل يكفي الـ 3.000 ريال الباقي من المبلغ للمترجم + الجمارك + المواصلات + الشحن + مكتب التخليص؟

5- هل نسبة الجمارك 5% على سعر البضاعة الكلي؟

6- انا لا املك سجل تجاري وش الحل ؟ هل هو الزامي ؟



طبعاً انا مصمم ومطور وان شاء الله باصمم متجر الكتروني
لذلك تصريف البضاعة يكون عن طريق متجري والمواقع والمنتديات الاخرى وغيرها من الطرق

الحمد لله عندي خبرة في التسويق الالكتروني

آسف على الاطالة لكن اعذروني انا مبتدئ وما استغني عنكم ابد

وشكراً[/align]

وعليكم السلام ورحمة الله وبركاته

هلابك أخوي أنا ودي بنفس فكرتك وأتمنى الرد من الخبراء في المنتدى الغالي

بس أحب أفيدك فيه إنه رحلتك إلى هناك بتكلفك كثير

أنا أفضل إنك تشتري من بعض المواقع الصينية تشكيلة وهم يرتبونها لك في كراتين ويشحنونها أرخص من روحتك إلى هناك يعني توفر مبلغ السفر والسكن والمعيشة وباقي الأشياء بس الأهم اللي مو متأكد منه إنه الجمارك تأخذ مبلغ 5% من قيمة الفاتورة إذا كانت الأغراض بتكلفة أكثر من 3000 ريال أو إذا كانت الأغراض بكميات تجارية
وأعتقد تطلب سجل تجاري
هذي حسب موقع الجمارك

كمان تقدر تخفض قيمة الفاتورة عن طريق نفس الموقع اللي تشتري منه عشان تقل عليك تكلفة الجمرك

عالعموم أي إستفسار تحت أمرك على جوالي رقم 0545026013

أنا كانت لي تجربة شراء أغراض من موقع صيني بتكلفة 5000 ريال

جزاك الله خير اخوي

لكني افضل الذهاب لاختيار الانواع والاشكال والالوان والجودة وغيرها

وانا اذا حاولت اقتصد في المصروف بالنسبة للسكن والاكل هل تكفي 5.000 ريال مع التذاكر ؟

وكم سعر التذاكر من الرياض؟


شاكر لك،،
وبإذن الله باتواصل معك وما تقصر

والله يا أخوي أنا ما قد سافرت عشان كذا ما أقدر أفيدك

لاكن تذكرت مره شفت موقع يرتب رحلات للشراء من الصين يطلعون قروب بتكلفة رمزية خليني أدوره لك وأرد منك

تسلم

في انتظار الموقع

الله يرزقنا جميعا

انا ما انصحك تبداء بهذي الطريقة ابد


اشتر من الصين وانت بالسعودية


وشوي شوي وباذن الله تتيسر الامور

واذا بغيت ارتب لك مع شركات بالصين عن طريق الايميل يرسلون لي كتلوجات وارسلها لك ابشر

موفق اخوي

السلام عليكم
اخووي انا السعودي الله يسعدك اذا ماعليك امر ابي الكتلوجات والمواقع هذا ايميليaaaa431@hotmail.com

انا توي راجع من الصين فقط تذاكر وفنادق ومواصلات ومترجم كلفت قرابه 30 الى 40 الف

طبعا من غير الاكل والطلعات الخ

نصيحه مبلغك لايكفي مبلغك هذا زيده بطريقه برمجتك وتطويرك مثلا

او اشتغل وساطه او في اي مكتب تجاره عامه او مقاولات او عقارات

علشان تكسب خبره ثم تزيد المبلغ وتطلع هناك

30 و40 الف جدا كثير ليش التحطيم الله يهديك

اولا حتفرق معاه المده اللي حيجلسها
+ السكن اللي حياخدو اذا كان فندق او شقق وعلى ذلك تترتب الامور الاخرى

اخوي راح للصين فترة المعرض يعني الاسعار عندهم مرتفعه
سكن ومواصلات واكل وراح تقريبا مدينتين غير غوانزو
وجاب اغراض شخصية لنا مع العلم عددنا 6 اشخاص تيشرتات وملابس داخليه واكسسوارات
واغراض اخرى باعها كلفه تقريبا حدود 20 الف علما ان فترة جلوسه اسبوعين فقط



1- هل يكفي 5.000 ريال تذاكر (من الرياض) + سكن من الرخيص النظيف + وجبات خفيفة ؟

التذكره حتكلفك اذا اخذتها مخفضه بـ 3000 + السكن والاكل هذا يتحدد على عدد ايام جلوسك في الصين

2- اذا كنت اريد شراء كميات صغيرة من كل صنف كما ذكرت من وين احصلها ؟
ماعندي خبره ولكن من خلال البحث في منتدى العرب المسافرون حتلاقي اجوبه لاستفساراتك اكثر

سوق (نافن طاشا) في قوانزو

3- بالنسبة للشحن انا كميتي صغيرة وخفيفة لانها اكسسوارات كم يكلفني؟
اذا كانت الشحنه معقوله ممكن يدخلوها انت وحظك ( اخوي ماخذ ملابس كثير اخذ شنطه صغيره والاغراض كلها حطها في شنطه كبيره ومااحتاج شحن من ضمن الاغراض اساور وحروف اخذت شنطه كامله الاساور حول 1000 اسورة والحروف من كل حرف 100 ملون و100 فضي وعليك بالحساب )

4- اذا كلفت البضاعة 2.000 ريال. هل يكفي الـ 3.000 ريال الباقي من المبلغ للمترجم + الجمارك + المواصلات + الشحن + مكتب التخليص؟
المواصلات خلك اقتصادي واستخدم المترو اسرع وارخص لك

5- هل نسبة الجمارك 5% على سعر البضاعة الكلي؟
ماعندي خلفية عنها

6- انا لا املك سجل تجاري وش الحل ؟ هل هو الزامي ؟
برضوا ماعندي خلفية


فكرة اخرى ممكن تناسبك ممكن تكلفتها تكون اعلى بشي بسيط
عندك دبي في السوق الصيني كتجربة في البدايه تجيب لك بضاعه بمبلغ بسيط وتجرب امورك وربحك فيها
يعني مثلا كتذاكر سفر الصين ب3000 ودبي ب1100 يعني كذا انت وفرت 1900
وعندك فلاي دبي بـ 877 طبعا ذهاب وعودة يعني حتوفر عن رحلة الصين 2123 وعن الخطوط 223
السكن مثلا لا تسكن في دبي روح للشارقه فيه فندق Al Jazeerah Hotel سعر 15 ليلة بـ 2300

وكل مانقصت فترة اقامتك قلت مصاريف السكن تذكرة الخطوط + السكن 15 ليلة في الشارقه = 3400
وتذكرة فلاي دبي + السكن 15 ليلة في الشارقة = 3177

يتبقى معاك 6600 هذي انت بشطارتك تقسمها بين المواصلات والشراء والاكل
وكل ماقللت المدة اتوفر لك مبلغ اكبر

مثلا لو قللت من 15 يوم الى 10 ايام في نفس الفندق حيكلفك 1600 حتوفر 700 ريال تستفيد منها في شي ثاني

والله يكتب لك اللي فيه الخير