السلام عليكم ورحمة الله وبركاته

اخواني فيه عماله تفصل بيوت جاهزه اللي تجي بشينكو وش رايكم فيها

يعني يفصلك 5*4 ب 5000 وفيها ديكور

لو تعاملت مع مصنع مثلا وخليته يفصل وانا ابيع

هل هي فكرة مجدية وهل عليها طلب كثير بالسوق


هل احد له تجارب فيها

فكرة حلوة ..


بس وش شينكو


هذولن يجن على شكل بيت شعر


اذا تبيهن تلقاهن بحفر الباطن جاهزات وسعرهن حلو .

اخوي خلك معي


الشغلة بسيطة جدا


والغرفة اللي تقول تشتريها ب5000 تكلف فعليا من 3000 الى 3500 فقط

المطلوب منك 3 عمال حدادة وحوش فقط

المواد تيوبات حديد 2*4
الواح شينكو مسطح ومضلع
الواح عزل او فلين
ابلاكاش للارضيات
الواح خشب ديكوور داخلي

وكهربائي للتوصيلات الكهرب

والباقي كله توصيل وتلحيم وتشبيك فقط


بالنسبة للاقبال فيه اقبال من قبل الشركات تاخذها للمواقع المشاريع


موفق اخوي

انا ودي اعرف
كم تكلفة غرفه 4*4مع مطبخ صغير ودورة مياة وانتو بكرامة

من شان تكتمل الفكرة وتنجح

تحتاجي الي مكتب ودعاية للمنطقة الي انت فيها

موفق ولي رجعه

الله يعطيكم العافيه بانتظار عودتكم

اي منطقة موجودة هالخدمة
وممكن تعملوا ملحق خارجي بحمام؟
كم التكلفة؟
وهل تعزل الحرارة وتحافظ على برودة الغرفة جيداً خصوصاً في اجواء كالدمام؟
وجزاكم الله خيراً

ياسلام هذا الشي اللي من زمان ادور عليه طيب عادي لو اكون مسافره وبدال مااستاجر شقه تكون شقتي متنقله معاي

سوري اخوي صاحب الموضوع تطفلنا على موضوعك والعذر والسموحه منك

فكررررة رائعة ومجدية جدا جدا
انا لي فترة ادور شركة او مؤسسة تبيع البيوت الجاهزة سواء جديدة او مستعملة واقل سعر حصلته 20 الف ريال غرفتين ودورة مياه ( اكرمكم الله ) ومطبخ واطوال البورتبل 12 م * 6.5 م في الدمام وفكرت في مشرووع زي كذا لكن ما عندي اي خبرة عن المشروع من ناحية التكاليف اما من ناحية البيع فمضموووون جدا

ارجوا التفاعل بجدية ومن يقدر يوفر لي 6 بورتبلات بسعر معقول له عمولته
واعتذر من صاحب الموضوع ولكن حبيت اشارك واستفسر

بالتوفيق