12-01-2013, 08:34 AM
|
 |
عضو جديد
|
|
تاريخ التسجيل: Aug 2012
المشاركات: 3
معدل تقييم المستوى: 0
|
|
حبيبي عليك بالخضرة وخاصة بوقت الصيف والله تطلع فلووس بالهبل
انا اعرف واحد بدأ بمبلغ 500 رايل فقط كل اللي سواه كان يروح سوق الجملة ويشتري شحنة جح ( بطيخ ) كان يبيع الشحنة في ثلاث أيام فقط كان يطلع من الشحنة الوحدة مبلغ 150 ريال مكسب صافي في اليوم بعد خصم قيمة البنزين والمصاريف الثانية على فكرة خوينا هذا كان يدور بسيارته على المحلات وعلى العمال يعني بدوون محل وايجارات وكهرباء وبهذلة
يطلع في الشهر ما شاء الله عليه حوالي 3000 ريال صافي ربح
علما انه كان يشتغل من السبت الى الاربعاء فقط اما في الويكند كان يطلع معنا في الاستراحة ويفرفش عن نفسه شوي لا وبعد كان يقدر يخلص الشحنة في يومين ولكن خوينا كان يدرس جامعة ولما يخلص دراسة ينام الى المغرب بعدها يستلم شغله
يعني انت لما تجيب لك شحنتين وتوزعها على سيارتين راح تطلع 6000 ريال شهري ربح صافي
باذن الله ولو تزود على البضاعة شوية خضرة طماطم وخيار وبصل ...... وهذي سهلة توزيعها وخاصة على البوفيات والبقالات تشتري جملة وتبيع مكسب ثلاث او اربع ريال على الكرتون او السطل
حبيبي والله الشغلة فيها فلوووووس تعرف وش معنى فلووووس الا ذهب بعد يا شيخ
صح انها متعبة شوي ولكن ما فيه شغل بدوون تعب والاحسن انت مدير نفسك لا احد يحاسبك ولا احد يخصم عليييك
توكل على الله وجرب مدة شهر فقط ومو شرط يكون في فصل الصيف عندك الشتاء بعد فيييه سوووق والخضرة مرغوبة بكل وقت وخاصة شهر رمضاااااان لا يفوووت عليك
وبالتوفيق حبيبي والله يرزقك رزق الحلال ويبعد عنك الحرام
|
العرض العادي
