ساعدوني رغم صغر المشكلة

ابتلشنا · #1 (**permalink**) 12-01-2013, 01:15 PM

سلام عليكم
اخواني انا موظف في شركة خاصه وراتبي الأساسي 2700 ريال ، و 500 ريال بدل مواصلات
اليوم الشركة عطتني تفويض اروح اخذ شيك من شركة
ورحت انا ما قصرت ، وحسب علمي آن اي واحد يخدم الشركة بسيارته الخاصه ، يعبي بنزين ويجيب الفاتوره بتاريخها ، وماقصرت جبت الشيك وعبيت سيارتي بنزين ،
وعطيت السكرتير حق المدير اللبناني
وقال السكرتير اوكي ارجع مكتبك الين يوقع المدير لك على الفاتوره
ونزل السكرتير بعد نص ساعه لي بالمكتب وقالي المدير يقول انت تستلم بدل مواصلات ، لذالك ما وقع لك على الفاتوره !
انا ما همني الـ 14 ريال حق البنزين ، ولكن الظلم هذا اللي حصل ما احبه ،
للمعلوميه في التأمينات الاجتماعية مسجلين الأجر 3375 والأساس اللي انا استلمه 2700 ، وبدل المواصلات 500

ايش الحل برآيكم
هل بدل المواصلات يعني اخدم بها الشركة ؟!
هل اخدمهم بسيارتي الخاصة دون مقابل ؟!

الى متى واللبنانيين ماسكين مناصب وهم ظالمين !

المعلوي المتألق · #2 (**permalink**) 12-01-2013, 05:06 PM

حبيبي انسى كل شي وسوي اللي بقول لك علية وهو افضل شي تسوية انك لاتستخدم سيارتك وقول لهم السيارة صارت تالفة بعدها هم يدبرون لك سيارة وصدقني ماراح يسوي شي الا بيقول لك تم .

ابتلشنا · #3 (**permalink**) 12-01-2013, 05:49 PM

اقتباس:

المشاركة الأصلية كتبت بواسطة المعلوي المتألق

حبيبي انسى كل شي وسوي اللي بقول لك علية وهو افضل شي تسوية انك لاتستخدم سيارتك وقول لهم السيارة صارت تالفة بعدها هم يدبرون لك سيارة وصدقني ماراح يسوي شي الا بيقول لك تم .

حبيبي انا لست مندوب للشركة كما تتوقع ،
انا موظف استقبال ، ولكن فوضوني استلم الشيك هذا لان الشركة اللي عندها الشركة قالت مانسلم الشيك الإ لشخص سعودي
ورحت بسيارتي الخاصة وعبيتها بنزين بـ14 ريال وخذت فاتوره ، وعطيتها السكرتير يعطيها المدير علشان يوقعها واروح اصرفها من المحاسب لكن رفض يوقعها !!

فارس سهم · #4 (**permalink**) 12-01-2013, 08:51 PM

وعليكم السلام ورحمة الله

هم فوضوك على انك تقدم خدمة للعمل ؟ او الشغلة داخلة ضمن عملك ؟
إذا الجواب السؤال الثاني, حسبي الله عليهم

اقتباس:

للمعلوميه في التأمينات الاجتماعية مسجلين الأجر 3375 والأساس اللي انا استلمه 2700 ، وبدل المواصلات 500

انت وقعت العقد ومكتوب المبلغ 3375 ؟
و المبلغ هذا قبل خصم التأمينات او بعد ؟

والله يعينك ويوفقك

ابتلشنا · #5 (**permalink**) 13-01-2013, 10:23 AM

اقتباس:

المشاركة الأصلية كتبت بواسطة فارس سهم

وعليكم السلام ورحمة الله

هم فوضوك على انك تقدم خدمة للعمل ؟ او الشغلة داخلة ضمن عملك ؟
إذا الجواب السؤال الثاني, حسبي الله عليهم

انت وقعت العقد ومكتوب المبلغ 3375 ؟
و المبلغ هذا قبل خصم التأمينات او بعد ؟

والله يعينك ويوفقك

انا وقعت العقد الراتب الاساسي 2700 وبدل النقل 500 ريال فقط
طبعاً هم اللي يدفعون حق التأمينات مايخصمون من الراتب اي شيء
يجيني راتبي 3200 كامل
حتى بطاقة تامين صحي مافيه

وراء الوضائف · #6 (**permalink**) 13-01-2013, 01:18 AM

شف أسمع أول مره مشها لهم المره الثانيه قلهم بالخط العريض أبي بنزين والله العضيم أن فيه أجانب بشركات

على 5 و 10 ريال

النقطه الثانيه والمــــــــــــــــــــــــــــــهمه هي بدل المواصلات : بدل المواصلات يشمل فقط حظور الموضف من
البيت لشركه فقط لاغير ماله دخل بأي شغل ثانيــــــــــــــ

الأشغال الثانيه لو كان مافيه بنزين وسياره : يصرف للموضف بدل تنقلات , وكثير من الشباب يرفض بدل التنقلات لأنه دائماً مايتناسب مع الأعمال المطلوبه ومع أصلاح السياره
يعني يعطونك مبلغ قليل ويقولو لك البنزين عليك وأعطال سيارتك عليك والأفضل أنك ترفضه وتقول أصرفولي
سياره من عندكم

وفقك الله أي أستفسار أنا حاضر

اخر حبه · #7 (**permalink**) 13-01-2013, 04:37 AM

اه بس من هالاجانب ودي اطعنهم

الشعلان · #8 (**permalink**) 13-01-2013, 10:57 AM

بنسبة لراتب المفروض تستلم ادنى شي اذا راتبك 3375
ادنى شي تستلمه بعد خصم التامينات 3071
راجـع الشركه دامكـ ساكت ما بتاخذ شي
منهم وراجع بدل السكن يمكن منزلينه عنك
بنسبه لبدل المواصلات اللي تطـالب فيه بكل بساطه رجع لهم التفويض ولا تقبل اي معامله
الا بتكفل الشركه بمصاريف البنزين
واذا اللي قبلته خـارج عن المسمى الوظيفي معناته انت قبلت بعمل مو من حق الشركه تتكفل فيه وحاول ترفض اذا باقي جتك معامله

ناويها عسكرية · #9 (**permalink**) 13-01-2013, 04:56 PM

اقتباس:

المشاركة الأصلية كتبت بواسطة الشعلان

بنسبة لراتب المفروض تستلم ادنى شي اذا راتبك 3375
ادنى شي تستلمه بعد خصم التامينات 3071
راجـع الشركه دامكـ ساكت ما بتاخذ شي
منهم وراجع بدل السكن يمكن منزلينه عنك
بنسبه لبدل المواصلات اللي تطـالب فيه بكل بساطه رجع لهم التفويض ولا تقبل اي معامله
الا بتكفل الشركه بمصاريف البنزين
واذا اللي قبلته خـارج عن المسمى الوظيفي معناته انت قبلت بعمل مو من حق الشركه تتكفل فيه وحاول ترفض اذا باقي جتك معامله

+1

هذا الكلام الصحيح

-------------------
اخوي ابتلشنا
بنظام وزارة العمل الجديد راتبك الاساسي بعد خصم التأمينات يجب ان لا يقل عن 3000 ريال
انت متأكد انهم معطينك بدل مواصلات؟؟

زكريا صالح · #10 (**permalink**) 13-01-2013, 02:22 PM

السلام عليكم
انا اشتغلت بشركتي 3 سنوات
طلعت بسيارتي يمكن 15 مرة ولامره طلبت مقابل هم كانوا يقولون لي بعض الاحيان جيب فاتورة بنزين
واحيانا انا ماارضى اخذ شي لان المشوار مايسوى حتى 3 ريال لان الاماكن قريبه من الشركة
شغله ثانية هم مااجبروني اطلع لكن انا من باب احسن علاقتي معاهم عشان وقت الزيادة والبونص
يذكرون هالمواقف

وانت الله يهديك عشان طلعت مره تبغي فلوس
واللي يقول الاجانب مايسكتون حتى عن 5 ريال
انا اقوله احنا السعودين غير الاجانب نحب نخدم مقابل شكرا
مانحب نخدم مقابل فلوس
مااتكلم عن خدمات تزيد عن المعقول