[align=right]
السلام عليكم ..

الفكرة ماهي فكرتي بالأساس و هي متداولة ، و لكن بحكم إقامتي في دول غربية لعدد من السنين ، اتضحت لي هالفكرة ، و كذلك سبق و أن رأيت برنامج الثامنة يتحدث عن التستر و طرح فكرة جميلة عن التخلص من التستر.

أولا / أسباب التستر:-
الرغبة بالربح المريح.
صعوبة إدارة المحلات وقلة الخبرة.
عدم جدية العمالة في حال وضع لهم راتب.
و غيرها من الأسباب.


ثانيـًا الحل:-
ما أزعم أني جبت شي ما جابه الأوليـن ، و لكن لعلها فكرة بسيطة تجعل غيري يفكر فيها و يكتب الله له رزق فيها لو وجدها صحيحة.

ليه ما يصير فيه مؤسسة تهتم بإدارة المغاسل مثلا؟ و تصير فرانشايز بدل ما هي محلات منفصلة؟ بحيث إدارة العمال و رواتبهم من هذي المؤسسة ، و تشرف عليهم و تراقبهم !! و تعاقبهم ، و تسفر و تجيب .. مثله مثل أي سلسلة مطاعم مثل ( شاورمر ) !! كان بإمكانه يأجر محلاته و خلصا !! لكن لأن عنده إدارة قوية و قوانين قوية استطاع أنه يسيطر أو يحد على الأقل من السرقات ..

سلسلة المحلات هذي ليه ماتكون تحت إدارة شخص واحد بموظفينه و هو يصير المورد للمواد الخام ، مثلا لو قلنا مغسلة ملابس ، تصير تحت إدارته عدد من المغاسل و يورد لها بنفسه الصابون و التوانكي و غيره و هو الي يجيب لهم العمال !!! ويصير السعودي صاحب المؤسسة هو الي ياخذ 30 أو 50 أو الي هو في المية. و الباقي للمالك الأصلي.



و ممكن تصير مثلا عدد من المغاسل تحت اسم مؤسسة معينة ، و يكون لها موظفينها الي تبع المؤسسة. و كذلك البقالات ، يكون فيه رقابة عليهم و إدارة من قبل هالمؤسسة ..


أتمنى اتضحت الصورة ، و طرحتها لتداول الفكرة لعل أحد ممكن يستفيد منها ، ربي يوفقكم و ييسر أمركم و عقبال ما نشوف أموالنا تدور داخل السعودية مو تتصدر بالمليارات برا السعودية.
[/align]