بسم الله الرحمن الرحيم

السلام عليكم ورحمة الله وبركاته


بصراحة مدري من وين ابدأ
حتى الموضوع مدري وين احطه لكن مدام انه قريب من التجاره قلت احطه هنا

المهم يا اخوان عندي ( حلا قهوه ) ماشاء الله تبارك الله شكل وطعم وخفيف
ينفع للـ كفيهات وينفع للمكاتب وينفع للبيت وينفع للسياره يعني خفيف ولذيذ
الي أبغى اقوله يا اخوان هل من الممكن يقبلون الشركات لو اعرضه عليهم ؟
يعني مثل د.كيف و جافا كافيه والكفيهات الاخرى .. يعني يعرضونه ويكون من
ضمن منتجاتهم ؟
ممكن ولا لاء ؟
واذا ممكن كيف الطريقه
هذا الي أبغى اوصله وان شاء الله ان المعلومه وصلت لكم
واعذروني على الأسلوب البدائي ..
والله يرزقنا ويرزقكم من حيث لانحتسب اللهم امين

ملاحظه : يوجد عندي صور ( للحلا ) عالية الدقة

والسلام عليكم ورحمة الله وبركاته

رفــع
ابي اشوف صورة الحلى >>>ملقوفه

لاهنتِ يافلانه
اعتذر الصور اتحفظ عليها العذر والسموحه
واللي يقدر يفيدني في الموضوع الله يجزاه الف خير

شوفي يا خيي كل شيء جايز والشغل المضبوط يفرض نفسه .. يحتاج منك تدور عليهم وتكون مغلفها بشكل مضبوط وتجلس مع الادارة تعرض عليه الفكرة والحلا .. وأسأل الله ان يصب عليك شآبيب رزقه ومغفرته

وممكن يحتجون عليك انك م عندك مكان تسويه غير بيتكم ,, الا اذاكان عندك مطعم او مكان خاص تشتغل فيه .. يعني ممكن يحتجون عليك بعد وجود التصاريح>> ضروري تنتبه لهالشغلة عشان م تكون عائق في طريقك..

وممكن يطلبون انهم يشترون منك الطريقة ..

موب قصدي اكسر مجاديفك ,, بس هذه افتراضات لازم تنحط في الحسبان عشان م تتفاجأ ..

والله يوفقك ويوفقنا ويرزقنا من واسع رزقة ...

بتوفيق لك

اخوي اتوقع اكثر عندهم مواقع الكترونية ويوجد فيها طرق التواصل واشوف اني هذه افضل طريقة للوصول لهم لان اظن ان الفروع صلاحياتهم محدودة والله اعلم
وفالك التوفيق

الطريقة بسيطة تسوين عينه من اللي عندك ثلاث حبات وتغلفيها مثلا وتمرين على المحلات اللي بشارع الثلاثين وغيرها وحطيت عندهم عينه واذا ناسبهم شغلك بيتصلون عليك وتتفقون سوا