أين حقوق المطلقاات؟

فتاة خجوله · #1 (**permalink**) 14-01-2013, 05:23 AM

السلام عليكم

كنت اتمنى من مجلس الشورى يناقش القضايا اللي اهم من قيادة المراه للسياره
اهم القضايا اللي تخص بحقوق المطلقه والارمله والمعنفات
وتوفير وظايف نسائيه غير مختلطه للعاطلات

http://

حُلُمي التدريس · #2 (**permalink**) 14-01-2013, 05:40 AM

ومن قال يهمهم أمر المرأة

المرأة مالها إلا رب العالمين ولا المسؤولين عندهم شعار

(جعلها لي ولوالدي)مرادف ل(كلن يحوش النار لقريصة)

كل واحد مُرَفّه ومرفِّه عياله وبناته والباقي يقعدون بمشاكلهم .

طيور بلا أجنحة · #3 (**permalink**) 14-01-2013, 08:38 AM

في هذا الموضوع بالذات التعنيف وكذا

يذكرني بحقوق الانسان الي تطبق على دول برا

اذكر خالتي لمى عاشت بأمريكا سنتين كانت تقول حقوق الانسان هناك يعني لو تضربين ولدك جو مسكوك ليه تضربين ولدك .. يعني حتى ضد تعنيف الام نفسها على اولادها الي يمكن تكون زهقانه تقوم تحط حرتها فيهم .. شئ عجيب لفتني نظامهم وهذه من اسباب ان اطفالهم ينشئون موهوبين وماعندهم عقد لانهم لا يعنفون نهائي يعيشون في بيئة تحترمهم من يطلعون على الدنيا ..

يعني حتى في الشارع لو رجل يقول لزوجتة كلمة تجي حقوق الانسان تمسكة .. والله شئ رهيب

هذا النظام لو ييطبق عندنا راح تتغير شخصياتنا 180 درجة بنصير اوادم عندها احترام لذانها كبير وبيتغير تفكيرنا ونظرتنا للحياه ..

انا عجبني حقوق الانسان هذا ياليتة يطبق عندنا بنفس اسلوب برا ..

حفيد هتلر · #4 (**permalink**) 14-01-2013, 08:40 AM

مطلقاات!!!!!! أنسى الموضوع لأنهم ماراح يعملوا حاقة ( ربنا معاكم) الله فوق هو الرزاق

رميزان · #5 (**permalink**) 14-01-2013, 10:57 AM

اقتباس:

المشاركة الأصلية كتبت بواسطة طيور بلا أجنحة

كانت تقول حقوق الانسان هناك يعني لو تضربين ولدك جو مسكوك ليه تضربين ولدك ..

يعني حتى في الشارع لو رجل يقول لزوجتة كلمة تجي حقوق الانسان تمسكة .

حقوق الانسان عندهم تركز على حماية الحيوان اكثرمن حماية الانسان والله انهم نصابين لو كانو يراعون حقوق الانسان كما يدعون لما هاجمتنا جرائدهم ووسائل اعلامهم بخصوص قضيةالخادمة البنقالية الي قتلت الطفل الرضيع يطالبون بالعفو عنها يعني يتعاطفون مع مجرمة عمرها فوق العشرين
ويتجاهلون الطفل الرضيع الذي لم يبلغ العام ثم اين تعاطفهم مع الاسرالسورية الذي نشاهد مجازرهم بين الفينة والاخرى عبر شاشات التلفاز كذابين منافقين لم تعد سذاجتهم وفبركتهم تنطوي على الشعوب فرقعات اعلامية ليس اِلا
من ناحية موضوع الارامل والمطلقات يشهد الله اني من الناس الي يحزن عليهم الله يكون بعونهم ويجب على من يمثلهم الاستمرار في مناقشة مواضيعهم ومعاناتهم من خلال الاعضاء الحريم المعينين في مجلس الشورى اذا فيهم فائدة / شكرأ لك وللاخت صاحبة الموضوع

ابو زهرةة · #6 (**permalink**) 14-01-2013, 11:25 AM

اقتباس:

المشاركة الأصلية كتبت بواسطة الجبنون

الرجال ما اخذوا حقوقهم بياخذوها الحريم

ايه بس رددوا ياليل مطولك

صدقتت .. !

ابو زهرةة · #7 (**permalink**) 14-01-2013, 12:18 PM

اصلا الشورى ما عندهم غير هالسالفه قيادة المرأة وقيادة المرأة ,
يحبون المواضيع التافهه , ما يتناقشون في مواضيع جديا وتفيد الشعب
صراحة اللي شدني للموضوع , توفير وظايف نسائيه غير مختلطه للعاطلات
وين ما اروح اما بالاسواق او المستشفيات القا اختلاط , قبل كم يوم ..
كنت بشتري غرض لاختي من (مكياجي) حصلت بنت يمكن عمرها 17 تقريبا
تشتغل بالمحل , انا احسب ان المحل خاص للبنات , ولا طلعلي واحد اجنبي طلع
المشرف عليها يعني عن جد انقهرت !!

يعطيك العافيةة على الطرح $

هاجس الروح · #8 (**permalink**) 14-01-2013, 01:07 PM

وعليكم السلام ورحمه الله وبركاته

والله شوفي اختي من هالناحيه انا معاكي واوافقكي 100% واعتقد انو مواضيع المطلقات والارامل هما اكثر ضرر

ومن ناحيتي ماعمري شفت احد يتدخل او على الاقل يناقشون موضوع المطلقات ابد ويعتبرون المطلقات حاله

استثنائيه خاصه وكلن يعرف اسباب الطلاق على شى مايسوى حتى والله وياماسمعنى هالشى خلال خمس

سنوات الاخيره كثره الطلاق ...

اما بخصوص الاختلاط ماقول الا حسبي الله على وزاره العمل واللي يشتغلون معاهم حسبي الله عليهم والله

لو يدري ابومتعب انه فيه اختلاط ان يجلدهم واحد واحد والشى اللي يقهر انو صاروا يمنعون البنات اللي بوضع

الاختلاط بلبس الحجاب على الاقل تستر على نفسها وياما رحت الايام اللي رحت للسوق وشفت بلاوي اضطريت

ماعاد اوديهم محلات افضل لي وافضل لهم وبعدين والله يازين الرجاجيل يوم يروحون للاسوقه ويشوفون مافي حريم

قسم بالله شى يشرح الصدر لكن مع هالاخلاط هالحين القلوب ماتت ماعاد فيه شى اسمه استح

اما بخصوص موضوع قياده المراه للسياره والله لوتعض الارض مستحيل يسوقون دام فيه ابومتعب وسمو الامير

سلمان والامير محمد بن نايف لايفكرون او يتجرئون يفكرون بها وخاصه الناشطات واللي مسوين حملات

تحصلهم ورى الشمس هالحين هاذي حكومه محافظه مو اي كلام يمشيها يمين ويسار

الشعلان · #9 (**permalink**) 14-01-2013, 01:19 PM

للاسف الكثير من الاشياء اللي تغيب عنهم
ويتجهلونها
فيه اشياء اهم من الاشياء التافهه اللي ينقشونها
بس للاسف الكل يتجاهل حق نــاس هم اولى من غيرهم
طالبوا حت تعبوا وللاسف مافي اي استجــابة
الايتام , ذوي الاحتياجات الخـاصة , المعنفات , المطلقات و و و
غيرهم الكثير وذولي اولى من كــل شي
الكثير منهم مطرود وماله ماوى ولا بيت
والكثير منهم شايل الحمل على ظهره ولا عنده اللي يشد ظهره
والكثير فاقد السكن والدخل اللي يحسن حياته
للاسف اشياء كثـيرة يتجهلونها
ومـا اظن بيوم يلتفتون لها
ما اقول غير
الله يزيد من يتجاهل حق المحتاجين فقر