[align=center]< ابتسامه من القلب

[align=center]السلام عليكم ورحمة الله وبركاتة [/align]


أتمنى أن الجميع بخير وأسئل الله أن يجعل مسائكم وصباحكم أجمل كل يوم عن يوم


من زمان كتبت موضوع في نفس القسم هذا وكنت اتحدث فيه عن فصلي من العسكرية


وكان اسمه خمس سنوات من العطاء وفصلوني بنصف ساعه ( أظن كذا سميته )
هذا رابطه https://www.btalah.com/t281530.html


المهم الحمد لله بمنّه وفضله وكرمه خلال الثلاث سنوات الماضيه توصلت الى تسويه معاهم
( يعني جبت واسطه ) وسويت 99% من اجراءات الاعاده للخدمه العسكرية


أمي أنبسطت وزوجتي ( وولدي لو انه كبير شوي كان انبسط ) وانا اللي ماعاد توسعني الدنيا من الفرحه والله


أنتوا تعرفون 3 سنوات عاطل توظفت فيها 4 شهور بشركة تأمين وطردوني لاني ماجبت التارقت


اصلن انا فاشل في المبيعات المهم ولا حصلت غيرها كلهم نفس الحكايه خل اوراقك او قدم على الويب


المهم انا من زمان كان عندي قرض من بنك سامبا وكنت شايل همه كثير لين جا الليوم الاسود
طلبوني في جلسة عند وزارة التجاره على اساس نتفاهم


رحت الجلسه سألني المستشار القانوني ليش مادفعت شرحت له الموضوع وعلمته اني برجع للعسكريه وراح اعطيهم من الراتب كل شهر مثل اول


رفض الوكيل الشرعي حق البنك وأصدروا فيني قرار سجن راح يكون القرار فعال خلال اسبوعين


وجلست اتطلب الوكيل قلت له خلني بس ارجع للعسكريه لان عندي موعد نهاية الاسبوع


قال يـ تدفع 113000 الف( مئه وثلاثة عشر الف ) خلال اسبوعين ي انك بتنسجن


بصراحة ماعلمت أحد عشان مااحطمهم ،، لاكن والله أحسه ظلم المفروض يقبلون اعادة جدولة وياخذونها اقساط ، عاطل من وين يجيب ميه وثلاثطعش الف بسبوعين ؟؟؟؟؟؟ مع اني قلت لهم مابقى شي وارجع


تغير مجرى الرياح ،،


ويمكن حتى موضوعي حيتغير قسمه ،،،


شكرا لكم جميعكم ،، شكرا لأنكم قريتوا هذا الموضوع


طموح ولاكن ،،،،،،،،،،،،،،،،،،،،،،،،،،،،،


[/align]

آهلا فيكـ في سعودية....

لاجديد (نفس القديم) من فين راح تسسددهم اذا سمح الله دخلت سجن

برااااااا الجو غير
عمومااا,,,,,,,
ماعندغير دعوة طيبة لك

[align=center]يمكن لو مافي ذمتي أحد

او كذا


كان رحت أشوف الجو برا

لاكن مثل ماقالوا طاح الفاس بالراس

أشكرك ي عزيزي على دعوتك وطيبة قلبك

شكرا كثيرا [/align]

اخوي والله انا اكلمك من غرفتي وشوي واصيح من الهم البنك يطلبني وكل يوم يرسلون رساله ويهددون انهم رفعوها للشؤون القانونيه وكل يوم تهديدات عمري الان 28 بدخل 29 الناس مجمعين وكونو نفسهم و فلوس ومتزوجين وعيال وانا بدال لا يصير عندي مبلغ مجمعه المبلغ الي جنيته بحياتي بالماينص بالسالب مطلوب للبنك , وحياه ولابريال افكر بالهجره قال ايش اكبر مصدر نفط بالعالم واغنى بلد ياشيخ طيييير شعبك رايح بعينها وربي خايف على هالعجوز الي عندي لا يصير فيها شي هي الي بقت لي ,, والا انا بالطقاااااااااااااااااااااااااااااااااااااااااااق

ما اقول الا الله يفرج عني وعنك وكل مسلم وعليك بصلاه التهجد وعنده الله الفرج

عندي لكم حل ان شاء الله ينفع

اذا انت من قبيلة وهالقبيلة عندها صندوق قول لهم يدفعون لك المبلغ واشرح لهم وضعك بالكامل

وان شاء الله انهم يساعدونك

موفق ان شاء الله

اسال الله العظيم رب العرش العظيم ان يفرجها عليك ويقضي دينك

والله ان الدين هم على القلب انا بنت علي 1500 (الف وخمس مية ريال) ولاني عارفه كيف اسددها وعارف البيت اللي مافيه اب صعبه عيشته

مااقول الا الله كريم وتنفرج علينا

لو بيدي شي ما اخليك

لكن ما لك مني ومن الاخوان الا الدعاء ان الله يسدد لك دينك

ويفرج عنك ويرزقك من حيث لا تحتسب

نصيحه الايام الجايه استغفر بعد الفجر 1000 مره

وباذنه تعالى ما تشوف الا الخير

الله يفك ضيقتك وييسرها

الله يكون بعونك اخويَ والله كثير طاحو بهالمصيبه اللي انت فيها مالك الا الدعاء واحنا بندعي لك ~ ان الله يفكك من هالمصيبه اللي انت فيها~
هذا حالنا يالسعوديين حياتنا سجون وتسديد فواتير وتسديد فلوس و وو الخ~
بلد البترول قال~ بلد الفقررر المسؤولين مصعونا تمصيع الله لا يبارك فيهم

دعواتي لك استغفر وقل هذا الدعاء اللهم اغنني بحلالك عن حرامك