قبول مبدئي من رياده

مفهيه بتركيز · #1 (**permalink**) 15-01-2013, 01:42 AM

السلام عليكم ورحمة الله وبركاته:
جتني اليوم رسالة قبول مبدىي من رياده على مشروعي
ويطلبون حضور اللقاء التعريفي بعد 15 يوم في موقع الفرع ماحددوا الساعه ولا قالوا اجيب معاي شيء ولالا ولاطبيعة اللقاء
علما باني كنت متحمسه لمشروعي مشغل نسائيا لانا بقريه ومافيها الا مشغل واحد بس ولكم عليه بس حطموني اهلي يقولون مشروع فاشل وخساير وقهروني احس حماسي رااااح
مدري وش اسوي اروح للقاء ولا لا وايش اخذ معي من مستندات

العضو محمد · #2 (**permalink**) 15-01-2013, 03:20 PM

وعليكم السلام ورحمة الله وبركاته

أتصلي على ريادة واسأليهم عن المتطلبات.

غالباً ما يطلبون شهاداتك وخبراتك.

انصحك تحضري لأنك مو خسرانة شيء.

شكراً

طموح السحآب · #3 (**permalink**) 25-01-2013, 07:07 AM

وعليكم السلام ورحمة الله وبركاته ...

اختي انت فهمت غلط ..!

اللقاء التعريفي عبارة عن اجتماع في قاعة مناسبات فيها مديرة ريادة والاساتذه للفرع النسائي

يعرفوك بنفسهم وليش انشأت رياده وايش اهدافهم وان عندكم اي استفسارات يردوا عليها

وبعد هالقاء بتجيك رساله تفصيلية باليوم والتاريخ والوقت المحدد للمقابلة ...يعني المقابلة ..غير اللقاء التعريفي !

ومعليش ما بقول راي في تحطيم اهلك لك ..بس بسالك سؤال واحد وانت فكري فيها !

فيه احد منهم تاجر او له خبره حتي يحكم علي مشروعك انه فاشل او ناجح !

طالما درستي المشروع تمام وتعرفي ان منطقتك بحاجه له اتوكيلي علي ربك

ولا تخلي احد يحطمك وهو ماعنده خبره في الموضوع واقص يدي ان بكره ما قالوا لك تكفا شغلينا عندك

عاطله فقط · #4 (**permalink**) 25-01-2013, 07:19 AM

اهلك زي اهلي وزوجي حطمني كلهم يقولون مو صاحيه بس بتتورطين في الديون والمشاكل

مفهيه بتركيز · #5 (**permalink**) 28-01-2013, 04:38 AM

انا كذا فهمت انه لقاء مع جميع المتقدمات صح علي ولالا ولقائي الثلاثاء وشكرا لك طموح سحاب وان شالله ينجح مشروعي وماسلف احد ابد خخخخخخخ
الله يرزقنا من واسع فضله وهذي هي التجاره تبي قلب جامد ولازم نقوم ونطيح

شوفو لنا حل · #6 (**permalink**) 04-02-2013, 02:21 PM

ماشاء الله حلو
انا ابقدم هاليومين بس سوالي يوم قدمتي وش سويتي دراسة جدوى ؟
عندك محل ؟
اضافة الى كم جلستي تنتظرين القرض
ويارب يفتحها بوجيهنا

مفهيه بتركيز · #7 (**permalink**) 09-02-2013, 12:54 AM

والله يالغاليه للحين انتظر القرض باقي المقابله الشخصيه والدوره حسب كلام مديرة رياده من تاريخ التقديم الى استلام القرض يبيلك 10 شهور عالاقل الى سنه بالكثير
يعني ليلهم طويييييييييييييييييييييييييييييييل لكن وش ورانا ننتظر والله كريم

يالله انك توظفني · #8 (**permalink**) 13-02-2013, 04:15 AM

مرحبا

وش صااار عليكم انا قدمت على ريادة اليوم بالنت متى يردون لنا

ووش قالوا بالمقابله ياليت توضحون اكثر

مفهيه بتركيز · #9 (**permalink**) 14-02-2013, 01:49 AM

الحمدلله مر اللقاء التعريفي على خير لقاء يعرفونك بالمعهد واجراءات التقديم وخطواته
وبعدها بعشره ايام المقابله الشخصيه مع الديره ووحده ثانيه تكلمي فيها بحماس واصري على مشروعك وبيحطون قدامك عثرات بس تجاوزيها والله يوفق
انا مقدمه بشهر 2