"الشريان" لـ12 ألفاً من خريجات "المتوسطة": التوظيف قريباً http://sabq.org/i8ufde
---------------
بنات وش رايكم نروح نترزز جنب الشريان ونشكي له سالفة القياس والتعقيد اللي كل سنه يسوونه لنا ... ونشكي له حالة البكالوريوس الغير تربويات اللي مهمشينهم
وش رايكم ...

اليوم جلست اتابع البرنامج بنات كبار بالسن خريجات ولا احد معبرهم والحين نزلت بشاره انه التوظيف قريب .. ياحظهم ماشاء الله

يلا بنات خل نروح نترزز ونبكي ونقولهم مانبي قياس

الله يسعدك وانا اول وحده معك خلونا يد وحده ونشتكي من القياس وقلة التوظيف وكثرت البطاله

وانا معكن والله حرام لزم صوتنا يوصل مثلهم ماسكتو ع حقهم طالبو فيه وقريب
بياخذوه
فخلونا نوصل صوتنا لهم

ياليت خلاص ..كل مال الوضع يزيد اكثر من اول
لو انهم موظفين الخريجين والخريجات مازادت الاعداد
بهذي الكم الهائل...
الله يفرجها يارب..وانا ودي اليوم قبل بكره تنحل مشاكلنا
مليت من كلمة عاطله..ودي اسمع كلمه غيرها

لزم نتحرك اذا بغينا الوضع يتغير مانجلس نشكي وبس
لزم نوصل للبرامج المشاهده الي لها صوت مسموع
علشان قضيتنااا تنحل

ليش ما نرسل كلنا لداود الشريان لمن يشوف العدد كبير بيتهم ويطرح الموظوع في الاسبوع الجائم

شفت الحلقة و أعجبوني والله صراحة أخذوا حقهم وخلوا الجميع يعرف بمشكلتهم رغم التكتم عليها من سنوات
وكذلك كان فيه مقابلة قبل فترة مع أمل الشاطري في صباح السعودية وتكلمت عن البديلات
صراحة بطلات والله هم والبديلات ومعاهد المعلمات أظهروا مشكلتهم بالقوة هم اللي رفعوا تظلم
أما احنا الغيرتربويات ما أدري وش أقول ....لنا الله

منذ مبطي قالوا بيوظفوهم
شكله تسكيته لهم

من جد هيا نرسل كلنا نبغى نتوظف ومانبغى قياس