قالو لنا الاخوان حتكون مطابقة في 5\5\1434
ولالالالالاشفنا شيء وشهر خمس خلص ويبدا شهر 6 ونشوف هل في جديد ام كالعادة

انا عن نفسي والله ما عاد اصدقهم قسم بالله انا معهم من عام 1431 ه وهذا انا وياكم كل نهايه شهر يقولولي اول الشهر واذا اتصلت قالو الشهر الي بعده وهكذا والى يومك هذا يقولون من بدايه الشهر محرم وانا اتصل يقولون بشهر 2 واتصلت قالولي لالا خلاص بشهر 3 اتصل ولما اتصلت يقولون ماوصلنا شي اتصل بشهر 4 ياحيل الله نتصل بشهر 4 ولما صار نهايه شهر 4 اتصلت قلتلهم ها بشرو قالو اتصل بنص 5 ههههههههه والله العظيم استهبال ولعب ومسخره على كيف كيفكم واتصلت عليهم بتاريخ 14-5 قلتلهم ها اتصلنا بنص خمسه بشر وش صار تتوقع وش قالي


انا ما ابغا احطمكم لكن هذا الي صار قالي اتصل بشهر شعبان يمكن يصير مفاضله قلتله انت شخص ماتستحي على وجهك ولا وزيركم يستحي اصلن

وهذا وجهي اذا احد يصدقكم مره ثانيه وهذا انا جالس اشوفلي بالقطاع الخاص اشرف وابرك من الحكومه لا بارك الله فيهم وعلى شبابي الي ضاع بانتظارهم قسم بالله مليت وتعبنا فاقول ياجماعه لا تشوفون منهم خير اتركوهم واتجهو للقطاع الخاص ترا العمر يمشي والله محدن حاس فينا شكرا لكم

وش رايكم نسحب عليهم وننتظر المفاضلة التعليمية القادمه

وانسوهم

صدقوني ادرية تعليمية افضل واريح من الغير تعليمية

خلوني اتابع المباراة بسسس

اخواني عندي استفسار لكم وياليت تفيدونا

انا اللي اعرفه ان اي شخص قدم على الخدمه المدنيه ( جداره ) له ثلاث جهات :
1- اما يكون مدرس
2- او يكون اداري في مدرسه

3- ............ هذا اللي ماندري عنه هل يكون اداري داخل نطاق التربيه والتعليم يعني يكون موظف اداري في اي اداره من ادارات التربيه والتعليم ..
او انه يكون موظف اداري في اي قطاع اخر ( المواصلات - الماليه - الزراعه - المياه ) على المرتبه السابعه ؟

وفقكم الله

^^^
خريجي الكليات العلمية على المرتبة السابعه ويكون اداري بأي وزارة بس والله مامنها فآيدة الادارية

ياشباب واحد من الشباب بكالوريوس صحي متخرج من عام 1432
وقالو لهم الوظائف لازم نوظف ونخلص كل سنة بسنتها وهو فعلا وظفوهم كلهم وخلصو منهم وقالو الحين يبدوون بخريجين 1433 ولكن المشكلة السنة تبي تخلص ولالالا سووو مفاضلة ولالالا مطابقة وش السبب
العلم عند الله
انا مريت الديوان بجدة قالو لي بالحرف الواحد كل شيء من الرياض
ياليت اللي بالرياض بسال واحد ثقة متى مواعيد المطابقات للبكالورويس الصحيين والاداريين
والله يوفق الجميع :

^^^

انا باالعكس افضل المادة ما دام اني مداوم مداوم ,,

ولا اخفيك من يوم ماتخرجت تقدمت على عدة وظائف ولا اعجبني العرض فقدمت على البنك وعجبني العرض وانت تعرف الكرف اللي بالبنك من 8:45 الى 4:45 ,,

والحمدلله على كل حال