30-07-2013, 08:18 AM
|
 |
عضو سوبر
|
|
تاريخ التسجيل: Jun 2011
المشاركات: 422
معدل تقييم المستوى: 228721
|
|
ماشاءالله حلو التجمع من بعد هالغيبه @@
كل عام والجميع بألف خير وصحه وسلامه ,,
رجعت بالصدفه للمنتدى اشيك ع الاحوال واتذكر الذي مضى ^,^
يااااااااااه ذكريات ياأيااام الترشيح والتعيين وحوسته , وكمان تعرفت على اخواات من هنا ونعم فيهم .
من يوم مابدأ رمضان هالسنه وانا اذكر حالتي برمضان الماضي دايم هنا بالمنتدى صحيح قعدنا على اعصابنا هذيك الفتره بسبب بعد المطابقه عن المقابله وبعدها التوجبه كانت حرب اعصاااااااااااب و التجمعات اللي هنا كانت هي اللي تواسينا وكنا خطوه بخطوه مع بعض.
صراحه المنتدى هذا لها فضل كبير بعد الله جمعنا بـأخوات وصحبة دنيا ,
سبحان الله عدت سنه تغير كل شي,
احس اني كبرت عشرين سنه خخخخخ , اثر الوظيفه تشيب وتخلي الوحده تصير عاقله
انا احس اني صرت عاقله وهاديه واصبح فيني حكمه ووقار 
, وانا هناك كنت اقول لازم اذا رجعت اروح لمصحه نفسيه 
عشان اقشع مخلفات وذكريات هالسنه اسوي ترميم لنفسيتي اللي تدمرت هناك 
حسبي الله على الوزاره وحسبي الله على اللي كان السبب
ليه ماحطوا كل وحده بديرتها ,, ادري بتقولو ليه قبلتي من البدايه , لان بختصار مابي وضعي يصير مثل وضع الخريجات القديمات سنين وهن ينتظرون,
الله يفرجها على الجميع ,,
ولين الحين مو مصدقه اللي صار سبحان الله كانت تساهيل من الله لانه كاتبها لي مع اني بالبدايه رفضت كنت اقول ماراح اقدر اتحمل وابوي رافض ولما رحنا هناك اول سبوع ندمنا وكم مره بغينا نرجع بس مدري وش كان يردنا 
نصيب وقدر من الله ,
وكان فرق شاسع طول عمرنا عايشين بجده فجأه رحنا لمنطقه صحراويه مافيها شي ولاخدمات تبعد عنا اكثر من 1500 ك
هناك حسيت اني بسجن كبير, وابوي كان بيتجنن ماتأقلم بالمره لاهو ولا أمي , وكل شوي يقول يالله نرجع , بس انا جاء براسي عناد غريب انقهرت جيت لين هنا وبعدين نرجع و قلت نكمل المشوار دام تورطنا وجينا لان ادري ان الوظيفه ماتتعوض خاصه بوضعنا احنا الوظائف شحيحه والحال لأردى
الله يفرجها على كل العاطلين ,
وكان عندي امل بالنقل وصبرت ابوي انها كم شهر ونرجع نهائي,,وعدته اذا ماجا نقلي اترك هالوظيفه لابوها عيشه قشرا .
طبعا بعد مارجعت من ذيك الديار البعيده <<حاسه اني جده تحكي قصه لحفيدتاتها 
المهم ولين الحين مو مصدقه اللي صار من اول رمضان وانا اتأمل حالتي كيف كنت وكيف صرت ,
والحمدلله يارب ان جاني نقل ورجعت قربت من جده ,
, انرميت في منطقه صحراويه كلها عج وغبار والناس نفوسهم شينه مثل جوهم الله لايبلانا .
انقطعنا هناك عن كل شي لا ناس زينه ولا جيران عشنا لحالنا بعزله اعوذ بالله ,كنا مثل المفقودين .
والمعلمات اللي معي بالمدرسه الله يستر عليهن بس , الحمدلله اني افتكيت .,
مشاكل وحش وغيبه ونميمه ؛ مدري كيف هالناس عايشين الله لايعودها من ايام ,
صراحه تعقدت من مجتمع المعلمات وخاصه اهل هذيك المنطقه ,
وبذكرلكم اللي استفدته من حياتي هناك وقررت اغير من نفسي بسببها / لان الطيب مايعيش بهالزمان *،*
والامور اللي ان شاءالله بتجنبها في علاقاتي خاصة بالمدرسه الجديده اللي بروح لها ,
امور كثير صارت وتجارب فعلا تستحق وقفه ,
خلوني اكمل لكم قصصي ^^ بس في لقاءاات اخرى .
بحكي لكم اشياء تضحك واشياء تبكي .
الحمدلله على كل حال .
ياليت كل وحده تذكر وش تغير فيها خلال هالسنه خاصة كلنا تشحططنا واغتربنا بكل ديره 
فتاة الشرقيه\ كنت من متابعينك ودايم مواضيعك مفيده وشيقه الله يجزاك خير , لما دخلت المنتدى كان فيه اسماء معينه ابي اعرف وش صار عليهم وانتي منهم.
الله يوفق الجميع وييسرها لنا كلنا .
|
العرض العادي
