انا من القصيم وتعينت في الجنوب تحديدا رجال المع ، راح اذكر لكم قصتي ، بس طويله مرره

بسم الله الرحمن الرحيم

انا من القصيم ومتزوجه ولله الحمد وعندي طفلتين ، طلع تعييني في المكرمة الملكيه بعد معاناة لان اسمي طلع مع الدفعه الثانية ولما طابقت وطلعت أسماء الي عدوا المطابقه ما حصلت اسمي طبعا انصدمت واتصلت استفسر وأفادوني أن بعض المطابقات ارتفعت نقاطهم بعد ماطابقوا بحجة أن بياناتهم كانت فيها أغلاط وبعد التعديل ارتفعت بس الحمد لله طلع اسمي مع الدفعه الثالثة ثم وجهوني لرجال المع في الجنوب الصراحة خفت وين انا ووين الجنوب توكلت على الله ورحت وقابلت ومشت أموري طبعا بالطياره لأبها ثم بالسيارة لرجال المع وكانت فيه عقبة اسمها الصماء كأنها قطار الموت خطيرة جداً نزلنا معها وبحثنا عن شقه ننام فيها لان مقابلتي بكرا الصباح رحت وقابلت وكل شئ تمام ورحت للمستشفى عشان الكشف الطبي وخلصت ورجعت لمطار أبها ثم القصيم طبعا قطاعات رجال المع اربع وكانوا يحذرونا من قطاع كله جبال واوديه وعقبات اسمه قطاع حسوه كنت حاطته في الترتيب آخر شئ وكنت انتظر رساله من إدارة رجال المع للقطاع الي وجهوني له والصدمة أنهم وجهوني لحسوه ، خلاص بكيت ما تحملت وخصوصا أني اطلعت ع المنطقة من خلال اليوتيوب ضاق صدري كم يوم ثم خلاص ، بحثت عن رقم مديرة المدرسة وكان مجمع ب ، م ، ث واتصلت عليها وطمنتتي كثير وارتحت وصار فيه سكن معلمات في نفس المدرسة

أكمل باقي القصه فيما بعد ******** راح يكون فيها الاكشن

الله يخلي لكم أولادكم ويحميهم يارب . بس والله أحس الأولاد أكثر من يتشتت وهم ضحية الغربة الله يعينكم وياهم ولا تزعلون من كلامي .
الغربة صح بتعلمنا الاعتماد على النفس وتحمل المصاعب والاستقلالية . بس للأسف على حساب الأولاد . ايش نسوي ، كله من الوزارة طايحة تشتيت في المعلمات وأسرهم اللي في الجنوب بالشمال واللي بالشمال في الجنوب . يعني مرة صعبة عليهم يعينوكم قريب من بيوتكم وحتى لو بعيد مو لدرجة الوضع الحالي .

ما أقول غير الله يعينكم ويعجل بنقلكم ويلم شملكم .اللهم آمين

امييييين يارب
و عقبال تعينا في أماكن قريبه و نقلنا في مناطقنا

بنات تابعوا اكشن دفا الثلج من قالت انها تعينت في رجال المع
وتحديد قطاع حسوه وانا متاكده انو عندها كومة مغامرات ههههه
لاني طلعت جبال حسوه مره وحده مع اهلي لمن طلعنا نشوف المدرسة
وبغيت انهبل من الخوف ننتظرك ياحلوه : )