05-08-2013, 06:46 AM
|
عضو نشيط
|
|
تاريخ التسجيل: Apr 2012
المشاركات: 176
معدل تقييم المستوى: 1702
|
|
ارجع لموضوعي طبعا تخصصي انجلش
كنت شايله هم السكن ومحتاره اسكن في حسوه نفسها ولا في منطة الشعبين اللي هي تعتبر مركز رجال المع ، جمعت اغراضي من ملابس ومن ادوات مطبخ ومن كل شي وحطين العفش في السياره وشحنها لابها واحنى رحنا بالطياره ، وصلنا ابها وخذنا سيارتنا ونزلنا لرجال المع قبل المباشرات بيومين جلسنا ندور شقق مفروشه بالسنه حصلنا لاكن عدم وصخه وقديمه وصعب بسكن فيها سنه خذنا باليوم وجلسنا ندور ورزقنا الله بشقق مفروشه توها مخلصه وكان الحجز بالهبل وسرى عليها وكلهم نفس وضعي معلمات او معلمين معهم زوجاتهم خذ رقمنا صاحب الشقق وقال بتصل عليكم والحمد لله اتصل وكان عندهم شروط الايجار سنه دراسيه في الاجازات لازم نطلع منها لان الايجار راح يكون باليوم بحكم انها منطقه سياحيه قلنا مو مشكله وخذناها بسعر مبالغ فيه نوع ما ، الحين لازم ندور سواق وحصلنا بعد جهد واحد محترم وقمه في كل شي الله يحفظه واتفقنا معه احنى 8 معلمات بصراحه انا ماقدرت اصبر ابي اشوف مدرستي وشبيت ع زوجي ومسكنا الطريق سيارتنا صغيره ، يالله يالله يالله جبال عقبات اوديه طريق ضيق لو كفر السياره لف شوي طحنا والقبر ع طول ، طبعا ماقدرت اوصل للمدرسه لان الوادي كان يمشي من المطر ولازم سياره فيها دبل وكنت اشوف المدرسه من فوق الجبل طبعا بعد مساعدة واحد من المنطقه جزاه الله خير ونصحنا اننا نطلع من الجبال قبل غياب الشمس لان الطريق متاهه ، رجعنا وضيعنا من كثر اللفات واخر شي وصلنا الشقه بعد معاناة ، جينا الحين ع اول يوم دوام نصحى من الساعه 4 الفجر ونتوكل ع الله وبناتي اخليهم عند ابوهم لانه ماخذ اجازه شهر ، سجلت بنتي في الروضه في نفس مدرستي بس بنتي الثانيه حضانه ماقصرت معنا مديرة الروضه عطتنا غرفه بس احنى نجيب الحاضنه ع حسابنا قلنا مو مشكله ، خذتهم معي مره نجرب الوضع طبعا وصلنا المدرسه والبنات في حاله لايرثى لها دايخات مع الجبال وبنتي الصغيره استفرغت ( تكرمون) ماقدرت تتحمل الرقيات والنزلات والعقبات والجبال قررت اني اشوف لي حل ودورت ع حاضنه قريبه لسكني وبمساعدة زوجة سواقنا حصلت وحده ثقه واتفقنا معها وصرت احط بنتي عندها وارتحت كثير ، جاء اليوم اللي راح يغادرنا زوجي ويرجع للقصيم بحكم عمله ، طبعا كنا اول ماطلعت اسامينا مسوين قروب للمتعينات في رجال المع فيه بنات من القروب جو وسكنوا معي في الشقه ، راحت الايام صار الطريق طبيعي تعودت عليه لاكن نبي من يجيب لنا مستلزماتنا من اكل ومن ادوات .. الخ البقالات هناك ماتوصل المطاعم ماتوصل ، لقينا رقم مقيم عربي يشتغل توصيل طبعا كان استغلال جدا لاكن مجبرين وكنا نتعب من الموضوع هذا ، تعبت مره علي بنتي كلمت زوجي اتصل ع السواق وطلبه يودينا للمستشفى وماقصر ، كانت وسيلة النقل متعبه لحد كبير ، وكان زوجي يجينا بين فتره واخرى وكنت انزل في الاجازات لاهلي ماقصر معنا سواقنا يودينا لمطار ابها ويستقبلنا ( الله يجزاه خير )
- مقتطفات:
المدرسه كان فيها سكن معلمات لاكن القريه ريفيه وتفتقر للخدمات حيث لايوجد بها مستشفى وبها بقاله واحده فقط ولا يتوفر بها الا اللي يعيشك لبكرا ( الله يديم النعمه ) ولا يوجد خدمة النت والمنطقه مرعبه بسبب القرود الشرسه والحشرات والثعابين والعقارب ، واغلب من سكن في السكن عزباوات وكل خميس وجمعه يروحون لاهلهم بحكم قربهم من رجال لمع وفي حال سكنت معهم راح اضل وحدي.
لولا الله ثم السائق لعانينا معاناة اكبر ( الله يخلي له اولاده ويرزقه مع كل مكان ).
المديره كانت جدا متعاونه وقمه في كل شي ، الطالبات قمه في الاخلاق ونقدر نقول كانهم جيل الطيبين ، على طبيعتهم.
المنطقة اشبه ماتكون غابه ، طبيعتها تجنن ماكنت اتوقع في السعوديه اماكن زي كذا لاكن تفتقر للاهتمام.
كانت الاجواء شبه ممطره طوال العام.
ستكون لي عوده لاكمال قصة غربتي
التعديل الأخير تم بواسطة دفا الثلج ; 05-08-2013 الساعة 06:53 AM
|
العرض العادي
