شغله شريفه,مصافحه اولى,قصيده هزليه

محمدالروقي · #1 (**permalink**) 12-05-2008, 05:01 AM

اقدم لكم هذه القصيده وهي بقلمي اتمنى تعجبكم وهي قصيده كاريكاتوريه هزليه يعني

.
.
يابو مطر سجيت لين القمـر غـاب
وسريت فكـري بالليالـي الكسيفـه
واصبحت من فكري مصوب ومنصاب
العلـم قدامـي والايـدي كفيـفـه
اليا قفـل بـاب تكشـف لنـا بـاب
بيبان مفتوحـه والانفـس ضعيفـه
(اهل اللحى والدين هم اهل الارهاب
ولا الغنا والرقص شغلـه شريفـه)
تصويت لاهل الروك والبوب والراب
هاذي هي الاولى والاخرى وصيفـه
ارسل لهم ياشيخ لعيـون الاحبـاب
احـلام واوهـام العقـول الخفيفـه.
وهذا قديم الباسـه اشمـاغ وثيـاب
حتيش لـو انـك هدومـك نضيفـه
لازم تطق البوت والجنـز والكـاب
حنـا تـرا للغـرب دولـه حليفـه
يمكن لبست الثوب مسكين لاسبـاب
طفـران ومفلـس تـدور وظيـفـه
واليا بدينا الصيف جمعت الاصحـاب
كلن يجيـب الفيـن ماهـي كليفـه
ترا السياحه مابهـا شـي ياشـاب
وان قصـرت قطتـك روح لخليفـه
والبنت مابه شي من فعلهـا عـاب
صار اسمهـا ريهـام قبلـه منيفـه
تبغا لهـا سـواق للسـوق جـلاب
وطباخـةٍ تطبـخ لابوهـا رغيفـه
وان طبت الاسواق لا ريح الاطيـاب
كـلٍ يطاردهـا يبيـهـا وليـفـه
عباة كتف وكحل ولثامهـا حجـاب
انا اشهـد ان البنـت والله عفيفـه
ولابد به جـوال ذاالحيـن ينجـاب
لعيـون راعيـن القلـوب الوليفـه
شوف الولد هذاك نظراتـه اعجـاب
وهـذاك لا مابيـه طفـران شيفـه
وهذاك بـوي فرنـد للقلـب نهـاب
له بالغلا بالقلـب فـوق النصيفـه
وفـي بيتنـا دش ٍ وفديـو ودولاب
دولاب فـي افـلام حـب ومخيفـه
وافلام عنف وجابوا انواع الالعـاب
وتبغـا لهـا كلبـه وقطـه اليفـه