السلام عليكم ورحمة الله وبركــاته ,,,

يشرفني انزل لكم اليوم رواية بقلمي

وهذي اول مره انزل فيهـا رواية من قلمي اتمنى تنـال اعجـابكم

وانتظر الدعـم منكم ,,,,

الرواية تتكلم عن اشياء كثيره منها (( ضروف عائله تعاني بطش اخوهم الاكبر , حب ولكن هل يكتمل ,

خوفي من اخي وحبي لابي , , , وغيره الكثير ))

اخليكم معها ويارب تنال اعجابكم ورضـاكم ,,,,

__________________________________________________ ________________________


كنت لا افهم معنى الحب
ولا اهتم به
ولا اهتم واشعر باحساس من هم واقعين فيه
هكذا كنت
حتى وقعة فيه برغبتي انا وبجنوون عشق لا استطيع وصفه
ولكن لم اكن اتوقع انه سيسلب مني عمري وحياااتي
احببت نعم احببت وتمنيته لي وصار لي بعد عذاب ومعناه عشتها لحظة بلحظه
هذه قصتي :
اسمي نوره ابلغ من عمري 21سنه

عائلتي :
اخواني الذكور يبلغ عددهم اثنين الاول سالم وكان قاسي جدا
والثاني فيصل وكان يخاف علينا حتى من الهوى
اخوتي الثلاث وانا الرابعه الاولى هنادي وهي متزوجه ابن عمي طارق ولديهم طفل
والثانيه سحر مخطوبه لولد خالتي
والثالثه انا نوره
والرابعه اختي التي تبلغ من عمرها 12 سنه وكنا متعلقين فبعض ونحب بعض ولا يخبي اي شي عن الاخر

تزوجت وانا بعمر 21سنه بعد عناء طويل وحب تعبت من حمله علي حتى تحقق واكتمل

اخليكم مع حياتي منذ الصغر :

ماشاء الله

روعةةةةةةةةةةةةةةةةةةةة

ابداااع الله يعطيك العافية سلمت يدااك

لجزء الاول
منذ كان عمري 12 سنه وانا اتردد على بيت عمي محمد وكنت متعلقه جدا ببناته وكنت العب معهم ولا اتركهم ابد
بنات عمي ياحبني لهم ريم وكانت اقرب الناس الي حتى من اهلي
ورغد المجنونه والجريىه
ومريم كانت صغيره وهي ابنة السنتين
كنت اتواجد لديهم من بعد ما ارجع من المدرسه مع ريم
وكان يجبنا اخوي سالم ويهزء فينا لا تاخرنا ويضربني وشلوتات على كيفكم لما ندخل السياره طبعا من الخوف منه كنا كلنا نركب بلمقعد الخلفي ولا وحده فينا
تركب معه قدااام سواقه بجنون ويزعق واذا احد يمشي قدامه على مهله يسب ويلعن فيه
ريم كان اي شي ياثر فيها واللي يصارخ عليها تبكي وتخاف منه
انا تعود خلاص يصارخ علي بكيفه بلاخير بينطم ويسكت
اذا ردينا البيت واخوي سالم كان جدا قاسي القلب حتى انه يزاعق على ابوي وامي واخواتي
وماكان يوقفه غير اخوي فيصل لبى قلبه يخاف منه ويرد عليه ويسكته ولا يتضارب معه
وبعد ما يهدى البيت ويطلع سالم يرد فيصل ويغير جو البيت ويرد الضحكه والهدوء وكنت اكثر وحده من اخواتي يحبها ويدلعها
وكنت بعد ما اتغدا يوديني بيت عمي ويروح
ظلية على ذا الحال حتى صار عمري 15 سنه مسكتني امي يوم اروح ويوم هم يجون وغطتني عن اولاد عمي محمد
اولاد عمي محمد ثلاثه نبيل ومساعد وفهــد
وكلهم كانو مثل اخوي فيصل حنوني جدا على اخواتهم
كلهم متزوجين الا فهد تو خلص دراسته

وكنت كل مابي اروح انس تسوي لي سالفه مافي يابنت كل يوم طلعه ورده ما يصير
اقولها يمه ابي اقعد مع ريم اذاكر وكنت وقتها اول ثانوي وابي انجح بتفوق وابي اصير دكتورة ناجحه
امي ما شاء الله دكتوره طيب دكتورة وش
نوره : دكتورة اطفال
امي زين ولله لا غير اخوك سالم ينتف شعر راسيك
نوره:لا ماعليك اخوي فيصل اقوى واحد في العالم بيوقفه ويبعده عني
امي :ايه هين بس مو مكبر راسيك غير فيصل
زين روحي وردي بعد المغرب
نوره :فديت حنان الام ابشري من عيوني
وانا طالعه من باب البيت اخوي سالم بوجهي وين رايحه ياوجه المصايب وبكتبك بعد
على وين
نوره:كلمت امي بروح عند بيت عمي اذاكر مع ريم
سالم اقول عن الدخله والطلعه وردي البيت
نوره:العبره تخنقني ولا قلت بروح وعصيته بيضربني مايرحم ذا
الا شوي واخوي فيصل جاي يالبى قلبه
قال انا بوديه ودامها كلمت امي وابوي اطلع منها انت
اخذني بيدي وبيوديني بيت عمي
سالم يناظر وهو مقهور من فيصل
واول ما وصلت قال فيصل اذا بتردي اتصلي علي انا بجي اخذك
نوره : من عيوني ياقلبي
وانا داخله وطالعه السلم وعيني بلكتب حقتي ومنزله راسي
افكر بسالم اذا رديت وش بيسوي فيني
وفهد اخو ريم نازل بسرعه ويصك فيني
واطيح واقعد اتشقلب لما نص السلم
فهد :بسم الله علييك ياربي اسف والله نازل بسرعه ومستعجل وماشفتيك كنت اسوي الثوب
نوره: ايي رجولي انت ما تشوف الدنيا ماهي طايره ايي بطني وفعيوني الدموع
فهد :متاخر على الدوام ماعليه خليني اوديك المستشفى والل جد اسف
نوره : لا ما يحتاج يمسك يدي ويساعدني اقوووم والطرحه والبرقع والطرحه طايحه وشعري منثور
فهد:جد اسف اختي نوره بس لزوم اوديك
نوره :لا لو فيني شي ماكان وقفة وخر يدك بس مابي اروح تفكر بينها وبين نفسها لو راحت سالم بيحرم عليها الروحه لبيت عمها
فهد :يجمع الكتب وينادي ريم وتجي
ريم : وش فيك نوره مين مسوي فيك كذا
فهد انا والله ما كان قصدي تصادمنا ببعض
ريم : وجع ان شاء الله دبابه ماهي قادره توقف
نوره:اناظر وجه فهد بعيونه ندم ودمووع وكان حنوون حيييل خلاص ريم يلا نطلع ما شافني (بذي اللحظه بدا قلبي ينجذب له )
فهد :تبون شي اجيبه
ريم:ايه يا ياحبي جيب بيبسي وجلكسي نوره تموت فيها خليها ترضى عليها
فهد :طيب من عيوني
نوره: يلا نطلع اييي يارجلي
بعد ماطلعنا وقعدنا بالغرفه وريم جايبه ثلج تحطه على رجولي وبطني تعورت وانتفخة
وفهد جاي على باله انى قاعدين بالمجلس ولا بصاله
فهد : يدق الباب ويفتحه ويدش بيحط الاغراض ويروح مايدري انى بالغرفه
يناظرويشوفني وريم تكمدني بثلج
وينقلب وجهه ويتغير لونه
ويرمي الاغراض وينحرج احسبكم بالمجلس وشفيكم اليوووم علي
نوره:ماني قادره اتحرك واغطي نفسي
ريم:اطلع برا
فهد: يطلع ساكت وميت احراج
نوره :ميته خوووف وقلق وقعد ابكي من الاحراج
قعدنى شوي وبدينا نذاكر ونسولف ونضحك ونتقهوى
وانا فبالي فهد انجذبت له ولحنان قلبه
اذن المغرب ورد فيصل اخذني وانا امشي بشويش سالني فيصل وقلت له بالصار وكان جدا هادي فيصل
وقال خير ان شاء الله واخذني ووداني المستشفى وقال انا بقول انك وانتي نازله من السياره مشيت انا وعباتيك تعلقت بالباب وطحتي
انا استانست من اخوي لانه يخاف علي ولايبي اسالم يحرمني من شي ابيه واحبه
رديت البيت بعد صلاة العشى وانا مربطه لما نزلت من السياره شافني فهد وانقهر وعصب على نفسه وانحرج وجى لفيصل يعتذر
فيصل : ما صار غير الخير ولا تجيب طاريها لاحد عشان سالم وما يبهذلون نوره
فهد :ان شاء الله وجد اسف واعتذر لها
نوره : بديت احب فهد لحنانه علي وحسيت ان قلبه مثل اخوي فيصل ومع مرور الوقت والسنين صرت اشوفه ببيت عمي واحبه اكثر واتعلق فيه اكثر
وصرت اتمناه مثل اي وحده تتمنى شاب حنون يسعدها ويحبها
الجزء الثاني :..
صار عمري 17 وانا باقي ما صارحته بحبي خايفه ومرتبكه ولا حتى كلمت ريم عنه وقلت لها اني معجبه باخوك
وهو ما بين شي ابد ولا اهتم ويشوفني مثل اخواته
قلت خليني اكتب رساله واحطها بغرفته وانا رايحه يمكن يحس فيني ولا يمكن يحبني ولا يبي يصارحني والافكار تاخذني وتوديني
رحت اليوم الثاني ومعي الرساله وناويه اخليها بغرفته وكتبت الرساله وانا فيني هم الدنيا كلها
ميته خوف خايفه يجي العكس
مع جيت ريم ودخلتها علي
ريم:وش حبي اليوم مانتي على بعضك ماتعود تخبي عني شي قولي الا بخاطرك حبي
نوره:وش دعووه ياعمري وش بيكون فيني بس انتي تعرفي مشاكل البيت ووجع الراس
تعبت والله
ريم:ياعمري هونيها وتهون كل بيت فيه مشاكل وماتنتهي ياعمري
نوره:الله يسمع منيك ياارب
ريم :تعالي نقعد مع امي احسن نغير جو وسوالف
نوره :لا ريم ابيك بشي اول بقوله لك
ريم :ايه ادري ان تحت راسيك شي يلا قولي حبي انا اسمعيك
نوره :ريم امانه افهميني انا كل يوم اتعذب وابي ارتاح وابي شي بقلبي يتحقق ويصير ولا بيفهمني غيريك وماودي تفهميني غلط
ريم:خير ياعمري وش عمري قلقتيني
نوره بتصارح ريم الباب ينفتح اخت ريم رغد
رغد :يا بنات يلا تعالو طفشنا لحالنا
ريم :شوي وبنجي
رغد :لا الحين
نوره: تضحك مجامله يلا نطلع بعدين نكمل
ريم :اوك يلا طلعنا
وهم نازلين الصاله باب البيت ينفتح فهد ومساعد
فهد :درب يا بنات
البنات يدخلون المطبخ
فهد ومساعد طالعين الدور الثاني
نوره:تناظر فهد وبعيونها عشق وحب
ريم :تناظر نوره وفهمت عليها وحست عليها
بعد ماراح مساعد وفهد اخوان ريم
رغد تطلع وريم تمسك نووره
ريم : تحبينه ؟
نوره : قلبها ينبض جسمها يرتعش الخوف فيها
ريم : تقفل باب المطبخ نوره قولي لي تحبين فهد
نوره :بكل خوف والدموع تنزل وتبكي
ريم: تضمها تقول قولي ياعمري واوعدك يضل بيننا
نوره: ايه بس والله ماصار شي بينا ولا هو يدري
ريم:عيب عليك يانوره تقول كذا انا اعرفيك انا اعرفك واختيك وفاهمه عليك ان شاء الله يضل بينا واحاول قد ما اقدر اجمع بينكم
نوره: تبدلت الدمعه لابتسامه ويطلعون يقعدون مع امها ورغد
ويسولفون ويضحكووون
وردت نوره البيت
نوره:تفتح باب البيت والمشاكل قايمه بين سالم وابوها ويصارخون على بعض
سالم :متى تموتون كلكم وافتك منكم
نوره :جتها الجرائه وتكلمت ان شاء الله انت ونفتك منك
سالم يناظرها وجاى عليها بيصفقها نوره تقع من الخوف وتبكي
وكان فهد جاييعطي عمه اغرض من ابوه وسمع الصراخ
وسالم يضرب بنوره ويشوت فيها
يدخل فهد ويدفه وكان فيصل مسافر الدمام يتدري على عمله الجديد
ويبعده عنه ويطلعه برا البيت ويجي يقوم نوره ويسلم على عمه وقعد معه حتى يهدا البيت ويطمن عليهم
فهد يفكر بنوره لانها تعورت
قعد لما هدى البيت ورد البيت ولا قال لابوه بسالفه
كل الا بتفكيره بيت عمه واللي يصير فيه والعذاب اللي تشوفه نوره واخواتها
نوره:تقول بخاطرها ياليتني انضرب كل يوم ويفكني فهد
يرد سالم وبعيونه شر ابوه يوقف قدامه ويتصل بشرطه ويسجنه بعقوق الوالدين
فهد يتصل بفيصل ماقدر يتحمل وقاله الا صار
فهد: مساء الخير
فيصل :مساء الورد ياهلا وغلا
فهد : فيصل
فيصل: هلا فهد فيه شي
فهد: ايه لزوم ترد قريب اخوك سالم يضرب بهلك ويهين بابوك وماغير فكيت اختك نوره من بين رجوله بغى يموتها والحين خوك سجنه عمي
لزوم ترد وتضل جنب عمي وماتتركه ابد حتى تلاقي عمل برياض
فيصل:وشلون يصير كذا والله لاغير اذبحه
فهد:خلاص انسى الاصار وتعال قريب لهلك ولا عاد تتركهم
فيصل : اوك انا جاي باكر بر بسيارتي
فهد: على مهلك بطريق
فيصل:اوك ويقفل(يفكر باهله وبيموت قهر ولا يبي يجيب لهم طاري اتصل على نوره وقال انا جاي باكر العمل ما ناسبني بعيد عنكم
نوره ياحياتي او بس على مهلك واللي فيه راحتك سوه
اليوم الثاني نوره تروح بيت عمها وريم تشوف وجهها
ريم : وش ذا نوره
نوره: عادي اخوي كان يمزح معي وقرصني هههه
ريم :وش ذا القرص حرام الله لا يوفقه
نوره: امين يارب جعله يجي بيد عسكري مثل صدام وتبكي
ريم تاخذ كمادات وتخفف وجعها
نوره :لو مو فهد كان مت بيده انا لساني يبي له قص وش خلاني ارد عليه
ريم:فهد هاااه
نوره :وجع اقول لا يكثر تفضحيني
ريم :ان شاء الله قريب تكوني فبيته
نوره: هاااه وش
ريم : ايه يكلم امي وتخطبك له
نوره تاخذ اغراضها وتطلع من الخجل وتبكي
نوره ترد البيت وكلها تفكير بفهد واخيرا بيتحقق الا ابيه واخذ واحد مثل كله حب وحنان
وباليل تتصل عليها ريم تقول كلمت امي وبتشوف اخوي وتكلمه يااارب يصير يانوره
نوره تقفل الخط وماهي مصدقه
وتنتظر الصبح بلهفه

الجزء الثالث :..
فيصل يتصل على ريم الفجر ويقولها انه جاي من الدمام بس امي وابوي لا يدرون عشان لا يقلقون والظهر ان شاء الله بكون برياض
نوره اوك حبيبي وعلى مهلك بطريق حبيبي
فيصل: ان شاء الله ياعمري والله يحقق منا قلبيك وروحيك
نوره:امين ياارب
الصبح يطلع والاوضاع بدت تتعدل وتهدى
ويتصل ابو ريم على اخوه ابو نوره
يقول وش رايك نفطر العايلتين سوا
ابو نوره ايه والله ياليت مشتاقين لبعض
ابو ريم ان شاء الله اخوي
على الفطور
ريم :اول وحده تجي لنوره كيفيك ياعروسه
نوره :هااه
ام ريم : يازين الدلع بس لايق على هله
ام نوره : قومي ياعروس الفطور يلا
نوره: بخاطرها انا بحلم ولا علم وش فيه وش صاير
ريم تقعد معه فهد اخوي يبيك كلمته امي وبيطير فرحه
نوره :هاااه جد
ريم : اقول قومي يلا جيعانه يلا نفطر
فهد واخوانه وعمه وابوه بالمجلس يفطروون والحريم بدور الثاني يفطرون
والفرحه تعم المكان والضحكه ترد روح البيت وتنعش جدرانه
فهد: وهو يفطر جواله يدق
ابو فهد: خل جوالك صامت وافطر ولا قوم برا رد
فهد: هلا فيصل
معك احمد صاحب فيصل
فهد :مين احمد صاحب فيصل رقم ولد عمي ذا
احمد: انا صاحب فيصل وراد معه من الدمام
فهد وفيصل وينه ليه ما اتصل هو
احمد : سوينا حاادث وانقلبت السياره واحنا بطريق
فهد : دقيقه ( يطلع برا البيت ) انت من جد تتكلم وفيصل وش فيه ما يرد
احمد : فيصل تعبان شوي من الحادث بس ياليت تجيبو عمي ضروري
فهد :طيب جايين
فهد يدخل على عمه وابوه ويقول فيصل حجزه المرور صدم سيارة واحد وهو الحين بالحجز وما بيفكونه الا بحظورك عمي
ابو فيصل : يلا ياوليدي فيصل بخي طيب
فهد ايه بخير
وهم بطريق فهد يوقف قدام مستشفى بدمام
نازلو كلهم وفهد يبكي من داخله لانه كذب عليهم ولان فيصل هو الا متاذي
دخل المستشفى ابوه الطوارئ لقاه احمد
يضمه ويبكي
ابو فيصل : رجوله ثقلت والخوف ملى قلبه ويقول وين ولدي
يدخلهم احمد فيصل سادح وينتظر ابوه وكانه يبي يوادعه
ابو فيصل ولدي
فيصل ما يتحرك يناظر ابوه وبصوت خافت يبه اخواتي وامي اخواتي وامي
الدكاتره على راسه لا تتكلم اهدى
ابو فيصل مصدوم
فهد قعد يبكي
عمه صبر ويناظر مصدوم
فيصل : يبه اخواتي وامي يبه اخواتي وامي وي
يوقف الجهاز ويتوقف نبض القلب
ويموت فيصل
ابوه تجنن ويصارخ عليه
فهد يروح ودموعه على خده يكمل اجراءات الدفن والوفاة
الحريم ينتظرون متى يرد فهد وابوه وعمه يبونهم يتكلمون بالخطوبه
يرد فهد بدموعه على خده
ابو فيصل نار بوسط القلب ما تنطفي ودموع حارقه
نوره تنزل بعد ما سمعت بكى ابوها
تشوف شماغ فيصل بيد ابوها نزل البيت كله
يناظرون وش صاير وش فيها
مين زعلك يبه ليه تبكي وش جايب شماغ اخوي بيدك
ابوها
اخواتي وامي كلمت اخوك قبل موته
وتحولت الضحكه الا بالبيت الا دمووع ما توقف
دفنوا فيصل
وقام العزاء وتاجلت الخطوبه لفهد ونوره
نوره : فقدت شي غالي علي واخذ قلبي معه شلون افرح معاك يا اخوي
الجزء الرابع:....
بعد العزاء بيوم ابو فيصل يتجه لشرطه ويطلب فك ولده سالم
ويفكونه ويرد البيت
سالم يبكي اخوه بدموع العين بس دموع القلب كلها حقد على البيت كله
مرة شهور على وفاة فيصل وسالم مستغل الوضع تمام مطلع الطيبه كله ومسوي الاخ الحنون بعد اخوه
استغل تعب ابوه وخلاه يسوي وكاله بجميع املاكه له بحجة انه الشغل واقف واخذ الوصايه على اخواته
بعد سنه جى فهد واهله يبون يخطبون نوره لفهد وكلهم الاثنين يحبون بعض
ابوه سالم كبر وموت فيصل هد حيله وضعف ومرض
وصار على كرسي متحرك والام ما عادت تتحمل شي من عقب ولدها
فهد : كيفك يا سالم
سالم: هلا
عمه: كيف اخوي
سالم :بخير ما قلتو لي وش سبب الزيارة الحلوه ذي
فهد : كانك ما تدري يا سالم انى جايين
سالم: الا ادري بس ابي اسمعها منك
عمه : جايين نخطب نوره لفهد
سالم: ماهي موافقه
فهد يتفاجئ ويسكت
والحريم هناك متفقين بس ما يدرون وش اللي يصير عند الرجال
عمه : الحريم عند اهلك وموافقين
سالم: بس انا ماني موافق وانا اعرف مصلحتها اكثر
عمه: بس احنا متفقين وابوك موافق وانتهى الامر بس تاجل لوفاة اخوك فيصل
سالم :هذاك اول وكل شي تغير وانا صرت مسؤول وماحد يقدر يقولي لا
فهد:خلاص يبه مافي لا قسمه ولا نصيب
سالم : زين انك فهمتها
عمه: سالم لا تتمادى على اهلك وتاذيهم ترى مانرضى فيهم
سالم: انا المسؤول عن كل شي واعرف مصلحتهم والحين انا ولي امرهم واعرف وين هو مستقبلهم
يذهب فهد وبرفقته ابوه الى الصاله وينادي ام فهد هيا امشي انتي والبنات مافي نصيب
ام نوره وش فيكم ليه كل هذا الصراخ
العم لم يحصل نصيب وسالم ماهو موافق بصفته المسؤول عنهم
ابو فهد: سالم فكر زين وردي لي خبر
سالم : اخذة الراي من الحين
ام سالم : احنا متفقين من اول يا سالم بس تاجلت شوي عشان اخوك فيصل الله يرحمه
سالم : خليك ساكته انا اعرف مصلحة اختي ووين مستقبلها
نوره تتابع ما يجري وهي بحظن ريم تبكي باسى
فهد :على العموم خلك اخت لك الا خلقها خلق غيرها
نوره:تنصدم من ما سمعت من فهد لم تكن تتوقع انه سيتخلى عنها بسهوله
سالم : بيجي نصيبها واحسن منك يلا توكل انت واهلك ولا عاد اشوفكم هنا
ابو سالم يتابع ما يجري بهدوء ولا يستطيع حتى الكلام نظرا لما هو فيه ويكتفي بدموع القهر والاسى
يذهبون بغضب كبير لما جرى من سالم وفهد لا يهمه ما يجري لايدري مافي قلبها له من حب وعشق لا نهاية له
سالم :يطلع الدور الثاني يبعد امه عن طريقه ويضرب نوره كالعاده وبقسوه
ولا احد يردعه ويوقفه عن ضربها من كان يوقفه قد مات
وسالم يحمل بقلبه لاهله الغضب لما فعلوه به وسجنوه لعقوقهم
نوره:تاخذ نفسها وهي بالمها وتذهب غرفتها وهي تتالم من الضرب وقسوة اخيها
نوره تتصل على ريم
نوره : قولي له اني ابيه يجي ياخذني
ريم :وشلون اقوله وهو الحين ماحد يقدر يكلمه وبعدين ليه تتالمي وتبكي
نوره :سالم ضربني وبغى يموتني ودف امي عني وتبكي نوره بقووه وتتالم وتفقد الوعي
ريم :يجن جنونها وتصارخ بالهاتف نوره نوره انتي بخير ردي علي
يمر فهد من امام غرفتها ويسمع ريم تصارخ
يفتح الباب
فهد: ريم وش فيك تصارخي
ريم :لحق يافهد نوره كانت تكلمني واغمي عليها سالم كسرها وضربها وضرب خالتي
فهد: يمتلك اعصابه ولا يدري ما يفعل
ريم : فهد اسمع نوره تحبك وبجنون من زمان لا تتخلى عنها تصرف
فهد تسكنه العبره وندم على ما قال الا خلقها خلق غيرها
يذهب الى بيت عمه وكله غضب ونار مبرمه بصدره عندما عرف ما جرى لنوره
يذهب الى بيت عمه ويقرع الباب بقوه هائله
فهد: سالم افتح اذا انت رجل ليه تضربها
سالم ينزل ويفتح الباب بكل شجاعه يبحث عن المشاكل
سالم : وش تبي انت هنا ما قلتلك انت وهلك لاشوفكم
فهد : يسحبه خارج المنزل ويقفل باب البيت على اهل عمه
وينهال بضرب المبرح القوي على سالم
يحاول سالم التخلص منه ولا يستطيع ويضربه
فهد: فيصل راح بس اخوانه باقي موجودين وينهال بضرب
سالم لا يستطيع الحركه فهد مسدحه ومثبته
يطلع ابو سالم على العربه المتحركه وينظر لفهد وبناته وهم يبكوون على نوره وما اصابها
ويبكون على امها التي والقاه طريحة على الارض ولم تستطيع ان تتحرك
ابو سالم : فهد اتركه ابعد عنه
فهد اتركه ياعم لي اوقفه عند حده
ابو سالم : يتحرك بالعربه فتسقط ويوقع على الارض
فهد يترك سالم ويذهب لمساعدة عمه
فهد:عمي انت بخير
ابو سالم :ارجع ياولدي هذا ما ينفع فيه شي ونوره لك
فهد : ما راح اخلي احد ياخذها غيري ياعم
ابو سالم هي لك خذها وخذ اخواتها وخالتك وطلعهم من هنا
سالم : فاقد وعيه لما لقاه من فهد فلقد انزل غضبه فيه
فهد: يساعد عمه ويدخله البيت يناظر عمته يلاقيها طايحه تبكي يذهب لها ويساعدها على النهوض
ويطلع الى الخارج ويلاقي سالم يحاول النهوض من التعب والالم يذهب اليه ويدفه على الارض
وياخذ مفتاح عرفة السائق ويضع سالم فيها ويغلق عليه الباب بالمفتاح
فهد يرجع الى بيت عمه وبداخله الدموع لما اصاب اهل عمه خصوصا ان فيصل اوصاه باهله قبل ان يمووت
يكلم عمه ويستاذن لدخول على نوره
فهد: عم ابي اشوف نوره
ابو سالم خذ خالتك واطلع شوفها وطمني عليها مثل ما تعرف ماقدر اطلع فوق
فهد : يلا خاله يمسك بيدها ويساعدها لطلوع ولكن لا تستطيع فقد كسرت رجلها من الطيحه
ام نوره : اطلع يافهد شوفها ماقدر اتحرك
فهد يناظر عمه
عمه : اطلع وش تتنظر شوفها لايكون فيها شي
فهد يطلع وبسرعه ويقرع الباب
فهد : نوره انا فهد
نوره :لا ترد ( فاقده الوعي )
فهد: يناظر من الباب (خايف يكون مانتبهت)
يناظر فهد ويلاقي نوره بيده سماعة الهاتف وفاقدة الوعي
وكلها ضرب من سالم
فهد : يقترب من نوره ويناظرها ولا يمتلك نفسه
فيرمي براسه على يدها ويبكي
ويحاول ان يصحيها
نوره : تفتح عيونها تناظر فهد وتبكي لا تخليني ابعده عني
فهد يتصل بلاسعاف للقدوم حالا
فهد: الحين اتصل بريم تجي
يخبر ريم ما حصل فتاتي بسرعه
لمساعدة بنت عمها
ريم : ياجعل يدينه بالكسر ياجعله بالموت
فهد :اتركي الدعوي الحين لاحقه عليها
غطيها جايه الاسعاف
نوره : تبكي وبداخلها فرحه لان فهد لم يتخلى عنها
الاسعاف تاتي
فهد :هنا لو سمحت
المسعف:تفضل قدامي
يدخلون الغرفه ويحملونها
المسعف: وش كل ذا الضرب اختي
ريم: اخوها لا بارك الله فيه جعله بالموت
فهد:يناظر ريم وقتك غلط اسكتي
المسعف: هذي انكسرت يدها وعندها رضوض قويه يلا ساعدني ننزلها الاسعاف
ريم : الله يكسر يدينه وجعله يموت مكسر كله
فهد : وبعدين يلا قدامي خلي اخوي مساعد يجيبيك المستشفى
ريم : طيب
وهم نازلين
ام نوره : تصارخ بنتي بنتي ولا تستطيع الحركه
الاب: يضع يداه على وجهه ويبكي كان يتمنى ان يكون ابنه غير ذاك الشرس الذي يراه
يضعون نوره بلاسعاف ويرجعون ياخذون الام معها
يصلون للمستشفى
الام تتلاقى العلاج اللازم
ونوره لم يسمحوا لها بطلوع لاصابتها البليغه القويه
الدكتور : لو سمحت
فهد : هلا دكتور طمني
الدكتور : الام كسر تحتاج راحه اما نوره فلازم تقعد عندنا فيه عنده رضوض قويه وكسور
تضل عندنا وترتاح
فهد : الله يعطيك العافيه دير بالك عليها
الدكتور : تفضل معي لازم تطي الشرطه خبر
فهد: طيب تفضل
الدكتور يكتب تقرير ويستعدي الشرطه
االشرطي : انت اخوها
فهد: لاولد عمها
الشرطي : مين مسوي فيهم كذا
فهد: اخوها
الشرطي : منوو ؟ اخوها
فهد : ايه اخوها وضرب امها بعد
الشرطي : وينه فيه
فهد: مسكته وحبسته بغرفة السائق وقفلة عليه
الشرطي : تعال معي
يذهبون الى المنزل
فك الباب
فهد : تراني ضاربته واخاف يردها لي
الشرطي : دقيقه يستدعي اثنين من رجال الامن
افتح الباب الحين
فهد : الله يستر (يفك الباب)
سالم : يناظر من فك الباب وهو بقمة التعب والارهاق
الشرطي: انت سالم
سالم : يناظره بتعب ايه
الشرطي : تضرب اخواتك وامك ما تخاف من الله
سالم : يناظر فهد والشرطي ويبكي خذني من هنا
فهد يتفاجئ بدموع سالم وتعبه
الشرطي : تعال معي يمسكونه ويقومنه
سالم :يقترب من فهد طلعت احسن مني وفيك خير لهلي وانا ولدهم ومافيني خير
فهد: ماتوقعتك كذا تسوي فيهم
سالم:ابوي طاح شفته طاح من على عربته وهو يدافع عني
فهد : ايه طاح يبي يبعدني عنك ابوك حن عليك ولا رضى فيك وانت رضيت فيهم الذل
سالم : يبكي ويذهب مع الشرطي الله يخليك ودي اشوف ابوي
الشرطي : لا ما تشوفه كافي اللي سويته فيهم واختك بين الحياه والموت وباقي تبي تشوفهم
سالم : ينهل بدموع والصراخ ويضعونه بدوريه باتجاه القسم ثم للمستشفى ثم السجن
بدات الامور تتغير وبدا الحال يختلف فلقد حس سالم انه فعل شي لا يصدق

ننتظر التكملة ويارب ماتكون من اللي كل كم اسبوع جزء يخلون الواحد يمل

يعطيك العافية فالانتظار .

الجزء الخامس:.
بدات الامور بتحسن كبير فلقد ذهب سالم لسجن والحكم عليه بثلاث سنين لما فعله باهله واخته
فهد: عم
ابو سالم : هلا ياولدي
فهد : سالم ياعم
ابوسالم : شنو فيه صار فيه شي ؟
فهد: لا ياعم بس حكموه ثلاث سنين سجن
ابو سالم يبكي بصمت الله يهديه ويرده لي مثل اخووه
يلا عم اوديك لنوره المستشفى تشوفها بتقعد اسبوع هناك
ابو سالم : ايه تكفى ياولدي تسوي خير
فهد يحمل عمه بين ذراعيه ويضعه بسياره لرؤية نوره
ريم ترافق نوره لحبها لها :.
ريم : ياقلبي انتي يانوره ياجعله يدينه بالكسر ليه يسوي كذا
نوره : الله يسامحه ويرده لنا مثل اخوانا مانبي نخسره
ريم : بعد كل ذا وتسامحيه شكل يده وضربه عدلو المزاج خخخ
نوره:انتي رايقه ريم اقوليك اخوي
ريم : ايه ايه خلاص عرفت تخيلي فهد يكفخك ذا
نوره: اقولك تشب ما يسويها
ريم : يمكن تشتاقي لضرب بيوم هههه
نوره: وجع ان شاء الله
ريم : فديتيك ياعروسه وجهها مورم ههه
نوره: تضحك اقوليك اسكتي
باب الغرفه يقرع
فهد :ياريم تعالي خذي عمي
ابو سالم اقولك ادخل معي سلم على عروستك
فهد : هااه
ادخلني يلا
ريم :ياهلا بعمي
فهد :هلا فيك
ريم: انا قلت عمي مو انت
فهد: هين ياريومه بتردي البيت
ريم: يمه خفة تناظر نوره ليه سالم مثلا
نوره:وجع انطمي
فهد: ريومه سكتي
ابو سالم :يقترب من بنته يضمها ويبكي
نوره :خلاص يبه هذا انا بخير
ابو سالم :ليتني مت قبل ذا اليووم واخوك حكموه ثلاث سنين
نوره: الله يهديه يبه
ريم : تناظر فهد وبعينها الدموع فهد طلعني من هنا
فهد: طلعتي حساسه غريبه وينك ووينها هع
ريم : وجع ياخوي العزيز
فهد: شخباريك اختي والف سلامه عليك
ريم: اختي؟؟ تراها بتصير زوجتك
فهد : ريم انطمي
نوره: بخير الله يسلمك الله يسلمك ويخليك
فهد :شوي وارجع عم اشوف الدكتور
ابو سالم :خذ راحتك ولدي
فهد :دكتور ؟ شخبارك
الدكتور :هلا بخير
فهد:شلون صحة نوره
الدكتور : لاتمام وبتطلع اليون ان شاء الله
فهد:الله يعطيك العافيه وتسلم ما قصرت
الدكتور:الله يعافيك
فهد : يلاعم بتطلع نوره
ريم: صدق
فهد ماكلمتك كلمت عمي (وحده بوحده)
ريم : هين اوريك
نوره : ياحرام فشلني
ابو سالم : الله يببشرك بالخير ياولدي
يطلعون من المستشفى وهم ذاهبين للبيت
نوره:تفكر باخوها سالم وما يحصله
ريم :وين وصلتي نوره
نوره:افكر بسالم
ريم: بشنو بضرب ولا
نوره :وجع لا افر فيه وش يسوي الحين
ريم:اقوليكاتركي الحنان الزايد وخليه هناك يتادب وانتي تري ملكتك بعد بكرى خليك زاهبه
نوره: هااه طيب
يصلون للبيت وتبدا الاسرتين بتجمع وترجع الامور كالعاده واحسن بكثير فقد تقررت ملكت فهد ونوره
وتمت الخطوبه والملكه
وقد قررت الاسرتين ان الزواج سيكون بعد شهرين
الجزء السادس:.
تتم الملكه ويتم عقد القران
فهد: يتجه لنوره للجلوس معها ومشاركتها الفرحه
وتعم الفرحه العائلتين
اليوم التالي
نوره تلبس عباتها وتستاذن من ابوها وامها وتطلع من البيت
نوره :ابوي امي ممكن اطلع اسلم على صديقتي مريضه وتنومة
الاب والام :ممكن بس لا تتاخري
نوره :ان شاء الله لا يحرمني منكم
نوره تتجه مع السائق وينزلها عند بيت احد صديقاتها
وتدخل عندها وتستاذن منها على انه بحاجة سائقها لذاهب لتفقد اخيها سالم
لم تمانع فسمحت لها وذهبت معها لخوفها عليها
نوره : يسلموو روان
روان:الله يسلمك روحي بس ما كانه صعب تشوفيه
نوره:الا صعب بس ودي اشوفه واطمن عليه
يصلون للقسم المحبوس بداخله سالم
تذهب الى نفس العسكري الذي اعتقل اخيها
نوره :سالم عليكم ياخوي
الشرطي:وعليكم السلام اختي كيف اساعدك
نوره: انا نوره اخت اخوي سالم انسجن هنا عشانه ضربني انا وامي
الشرطي:يتفاجئ
نوره:ابي اطمن عليه
الشرطي:تطمني اختي هو بخير وتغير كثيرر حتى صلاته وقرانه ما يفارقهم
بس بالمسجد
نوره:طيب اقدر اشوفه
الشرطي :طيب بس وانا معك
نوره :طيب بس اشوفه
الشرطي: يذهب لزنزانة سالم
الشرطي : سالم لك زياره
سالم : يقف باستغراب لي انا
الشرطي :ايه لك تفضل
سالم :منو طيب
الشرطي: تفضل معي وتعرف
سالم يدخل المكتب ويتسال نفسه منوو جايني
يناظر واذا نوره امامه وصديقتها بجانبها ونوره تبكي
ينصدم سالم ويثبت بمكانه ولا يتحرك وعيناه تذرف الدموع لقد ندم سالم على كل ما فعله باهله
تقترب منه نوره وتضمه وتبكي وتصرخ وتضرب بيدها على كتفه
نوره:ليه ياخوي تسوي فينى كذا وانت سندنا
سالم: يلتزم الصمت ويصرخ من البكاء
نوره: انت لنا بعد اخوي فيصل
سالم يبعد نوره عنه ويرجع لزنزانه
ويرمي نفسه بداخلها ويظل يبكي نادما على كل شي لقد تاثر عندما راى ابيه يدافع عنه من فهد وسقط من العربه
نوره:ابي اتنازل عنه
روان:مجنونه لا خليه يقعد
نوره :بتنازل ابي اتنازل اخوي عنه مسامحته ليوم القيامه
الشرطي:خير ياختي استريحي (يطلع الاوراق اللازمه وتوقع عليها نوره وتتنازل)
نوره: بشوفه قبل اروح
الشرطي : ينزلها لسالم
وهو واضع راسه على السجاده ويبكي بقوه
نوره : رد لنا مثل فيصل
وتذهب نوره من السجن للبيت
الجزء السابع :.
اليوم التالي نوره تنتظر اخيها كما كانت تنتظر اخيها فيصل
والعئلتين مجتمعتين لتنظيم امور الزواج
ريم:نوره شنو فيك انتي ما تقعدي وكل شوي تطالعي برا ولا بالجوال منتظره احد
نوره :لا ولا احد
ريم :اكيد ؟
نوره : خليك معي اهلي بالمجلس
ريم :انتظرك لا تطولي
نوره تتنظر اخيها بلهفه فلقد اطلقوا سراحه بعد تنازلها
يضرب جرس الباب بتكرار
الكل طلع لصاله ؟
تفتح نوره الباب
نوره تصرخ بصوت عالي وتحتظن سالم
يحتظنها سالم ولكن هذه المره بحب واشتياق
ويبكي معها
الكل يتسال منو هذا الشكل تغير والوجه ابتسم
يتقدم فهد يتاجئ بسالم
سالم يترك نوره ويقترب من فهد
سالم : فهد شلونك
فهد: سالم كيف طلعت
سالم : لا تركت سالم بسجنه وجيتكم بروح فيصل يحتظن فهد ويسلم عليه ويبارك له
يدخل سالم للبيت ويناظر من حوله وهو متفاجئين به
يقترب من ابيه ويجلس عند قدميه
تنزل دمووع سالم بغزاره ويبكي ويصرخ
سالم : بعد كل ذا اللي سويته تطيح من عربتك عشان تدافع عني ويظل عند رجل ابيه يبكي ويرتمي لامه ويبكي
لقد تغير سالم وتاثر بما فعله ابيه لجله فلقد حس انه يحبه ويخاف عليه
سالم : ايه ومتى الزواج بيتم
صار سالم يركض من مكان لمكان لسعادة اخته وقد تغير الشي الكثير فيه
فصار مثل اخيه فيصل يحب اهله واهل عمه
سعى سالم لتمام الزواج
ويشارك اخته فرحتها
فصار لا يفارق فهد ويساعده بزواجه من اخته
اكتملت السعاده بتغير سالم
فصار يخدم ابيه وامه وباقي اخوته ويسعى لراحتهم ورضاهم
حتى اتى يوم الزواج
وتمت فرحة العائله باكملها
وانتهى حزن وعذاب رافقهم بعد موت اخيهم فيصل
واكتملت فرحة نوره وتحقق حلمها وحبها الذي كانت تتمناه
فقد عانت وتعبت من هم حبها وخوفيها من ان لا يتحقق
عاشت عمرها وتهنة بحبها وعمرها
وعاشت فرحتها واجمل ايامها
__________________________________________________ ___________

اتمنى انها نالت اعجابكم وان تنقل باسمي
بقلم اخوكم /عبدالله الشمراني

الاجمل والاروع مرورك خيتو عـازفة
لا عدمة طلتك الباهـية
_____

خيتو حلمي الحمدلله نزلتها كــامله اتمنى تكون نالت اعجــابك
لا عدمة طالتك الجميله

رووووووووعة ماشاء الله

يسسسسسسسسسلمو اخوي على القصة الجميلة

الله يحفظك ..

ماشاء الله تبارك الله.
قلم مميز
اتمنى لك التوفيق ان شاء الله