السلام عليكم ..

ماهي شروط مهنة سائق الليموزين ,, أخي يريد التقدم لهذه الوظيفه في الرياض

من وين يحصل على السياره ؟ وكم بيكون راتبه الشهري؟

أتمنى الحصول على معلومات وافيه عن الموضوع .. جزاكم الله خير

يجي من يفيدك أن شاء الله

انتظر من يفيدني

الافضل انه يطلع له تكسي بأسمه ويبعد عن الشركات
اذا اشتغل صح يعني تقريبا من 6 او 6:30 الصباح
الى الساعه 10 او 11 ليلا بيطلع مايقارب 6000 ريال في الشهر
هذا فقط في الرياض اما اذا بيشتغل في الرياض ويكد
يوم او يومين في الاسبوع ( يعني يودي ركاب للشرقيه او اي مدينه )
بيتعدى 7000 ان شاء الله وفيه بعد نهاية الاسبوع طلاب العسكريه يطلعون
يوم الثلاثاء والاربعاء الامن العام وكلية الملك خالد العسكرية والقطاعات الباقيه
تقريبا يطلعون على الساعه 10 او 11 الصباح المهم الشغله فيها تعب والله يوفقه ان شاء الله
ويبارك له ..

برنامج تمليك سيارات الاجرة العامة
يعتبر هذا البرنامج من أوائل برامج دعم المشاريع الصغيرة حيث بدأ فعلياً أواخر عام 2002م ، ويتم من خلاله إتاحة الفرصة للشاب للعمل كسائق أجرة على أن يتم تمليك الشاب لسيارة الأجرة بعد إكمال سداد قيمتها والتي يتم تقسيطها على دفعات شهرية ميسرة .

ويقدم البرنامج للشاب سيارة الأجرة مجهزة بكافة المعدات ، ويستطيع الشاب تملك أكثر من سيارة في حالة إنهائه للسيارة الأولى ، وبلغ عدد الشاب الذين أشتركوا في هذا البرنامج منذ بدايته أكثر من 2500 شاب سعودي حول المملكة

شروط برنامج تمليك سيارات الأجرة:
1- أن يكون المتقدم سعودي الجنسية
2-العمر لا يزيد عن 55 عام
3- رخصة السير عمومي.
4- إحضار كفيل يكون موظف حكومي براتب لا يقل عن 7600ريال
5- أن يكون متفرغ أو موظف قطاع خاص لا يزيد راتبه عن 4000 ريال
6- أن لايكون لدى المتقدم سيارة أجرة مسجلة باسمه
7- دفعة مقدمة قبل استلام السيارة 6023 ريال

هنا الشروط في الموقع :
http://www.babrizqjameel.com/program...x?program_id=9


قبل يسوي اخوك أي شي خله يتأكد من الشروط
ويستخير ويتوكل على الله
ويأتون الشباب ويفيدونك اكثر ان شاء الله

من وين يحصل على السياره ؟

يحصل عليها من شركة تويوتا اذا بيطلعها من الرابط الي حطيته في ردي الاول
بالمناسبة اذا عجبته الشروط الي في الرابط وبيقدم بتلاحظ فيه اسفل الصفحة يسار
تقديم طلب اول شي يسجل بعدين يضغط على تقديم طلب ..

السياره بتكون جديده على يده واقساطها من 1100 وفوق وطبعا يسدد من
المبلغ الي طلعه من التكسي طول الشهر ..

والله يوفقه ان شاء الله

جزاك الله خير .. وفيت وكفيت

الله يهديك تبي تشتغل بالراتب ، اصلا شركات التاجير السواقين هم الي يدفعون للشركه مو الشركه تعطيهم رواتب

طلع لك ليموزين خاص فيك افضل لك واريح لانه الشركات تاخذ من السواق تقريبا 120 يوميا والباقي له من المدخول

فانت طلع لك ليموزين خاص افضل لك