الله يعطيك العافيه

الله يسعدك على هالموضوع ... والله كلام صحيح بلهجة جداوية


يسلمووووووووووووووو


قالوا حقوق المرأة قالوا


الله يعز نساء المسلمين دنيا وآخرة ويبعدنا عن كل من أراد بنا الشر وراء كلمة(حقوق المرأة)

يسلمووو

انا قاريه الموضوع دا بس ناسيه فين؟؟ يمكن بجريده على ما اعتقد

بس اعتقد كان الكاتب راجل مو ست والله اعلم

المهم انو الكلام اللي اتقال كلو حكم في حكم ..
الله يثبتنا على الدين ويعز الاسلام واهلو ..

احتراماتي

كفيت ووفيت

اعتقد ان الموضوع مكرر
وقريته في ذا المنتدى
بس ماقصرت الموضوع حلو

[quote=المرحبي;592299]

أرشحها تطلع في الفضائيات وتتحدث ..هذي أحسن حجازية تدافع عن حقوق المرأة السعودية

قال حقوق المرأة ... قال


ما يرفع ضغطي شي زَي كلمة حقوق المرأة .. وبالذات في السعودية .وهادي المشكلة طلعت متى؟ بعد 11 سبتمبر .... سبحان الله .. يعني كانوا من ألف وأربعمية سنه نايمين ... وفجأة كده صحيوا وقالوا: وه ياندامة .. إيش هادا؟ أتْـرِنُّو إحنا لنا حقوق؟! مادام كده ... الإنتخابات البلدية ليه ما نشارك فيها؟ وليه ما نروح هناك ونرقع بالصوت؟
يا أختي حلال عليكم البلدية كلها .. يعني إيش تبغوا تسووا؟ تحطوا ضوابط إصدار الرخص لمحلات الحلاقة مثلا؟ والا تناقشوا سفلتة الشارع اللي يودي على بيت أم إبتسام؟ والا ليه الشارع الفلاني ما فيه كوفيرة مغربية وكل اللي فيه مصريات؟ يا أختي ريحي راسك .. اذا كثير من الرجال ما سوُّوا حاجه ... بالله عليكي حتسيبي بيتك وعيالك وشغلك ... عشان تناقشي مشروع إنتخابي؟ هادا من تمام الفضاوه.
طيب قولوا لوحده زواج أختها الليلة: بلاش تروحي للكوفيره اليوم يا مدام وتعالي نناقش حقوق المرأة أو نحضر المجلس البلدي و نتخذ قرارات مهمة .. وأترك لكم جوابها .. إيش يكون
أما عن حقوق المرأة في السعودية .....
أخي العزيز، أصابع إيديك ماهي سوا هذا أولا
فياسيدي الست هنا لها حقوق وواجبات ما تتنازل عنها. مثلا: في بلدان كثير عربيه وأوروبيه تلاقي شحط طويل عريض جالس في الباص ....وقدامه وحده في الشهر التاسع واقفه على رجولها وشايله طفل تاني على كتفها ... إن الشحط يتحرك؟ .... أبدا...إن الثور يحس؟ ...........لايمكن. لكن هل يمكن يحصل هادا في السعودية؟ أبدا ...
قسما بالله العظيم إنها صارت معي كثيييير جدا، وقلتها بصوتي وسمّمعت كل الرجال: والله ماعاد فيه نخوة، لكن إنه واحد فيهم يتحرك والله مااااحصلت .
واللي يبغى يجرب ...... الطريق قدامو .... يا عمي العملية كلها دلع حريم في دلع حريم ...
ياليت كل الحريم يتدلّعوا مثل ماذكرت عزيزي
رايح أعطيكم بعض الأمثلة وقولوا لي مين اللي آخِد حقُّو بالكامل وزياده؟ وهل عندنا المرأة متساوية مع الرجل ... والا هي أحسن مِنُّو؟

قال حقوقالمرأة .... قال.

منظر عام
رجال محترمين زي الورد واقفين أمام صراف في بنك .. وتِجي أختنا في الله (اللي يقولو إنها مهضومة الحقوق) تتقدم للصرافمباشرةولا على بالها من الطراطير اللي واقفين من ساعات .. وبعضهم مستأذنين من عملهم. طيب ليه ما توقِّف تِمسك سِرا ورا عشرين بنغالي... وتلاتين باكستاني... وخمسين سعودي... واثنين معقبين معاهم شوية فواتير مقاس إكس لارج ... وإذا أحد كلمها وقال لها أتفضلي يا أختي ترد عليه وتقول: لا، معليش. المرأة زَيّ الرجال ......... خليني في الطابور ..... زَيِّي زيكم؟! .... ليش ما تقول كده؟! ...

كل مرة أروح للصراف وأنتظر إنه واحد يتنازل ويتكررررم والله ماصارت ولا حتى في صالة المطار، وحتى لما رحت لأخوي اللي هو موظف في الحجز وساعدني ، سمعت كلام من جاهل يقول عيني عينك صرنا وعلى باله اني صحبة مع الموظف لكني الحمد لله أحرجته قدام الكل وقلت له هذا أخوي
والا هي تماحيك وبَس! ونفس المنظر فيالجوازات .......... والأحوال .. والتأمينات..ويقدر أحد ... يقول إنه من ظهر أبوه .... يفتح فمه؟...على طول يسمع العبارة الشهيرة ..... ( عيب عليك ....إنت ما تستحي؟ ... هذه حرمة...إنت ما عندك أهل!)) ...ويضطرالراجل إنُّه ينكتم ويسكت ......بل إن المرأة تشفع للراجل جوزها عشان يتقدم على الرجال الباقين. في المطار .. مثلا .. ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة ... هه!
اقتصاديا
شوف الراجل... السبع... الغضنفر... المفتري...لُه ثوبين أو ثلاثة في السنة ... يروح بيها العمل، ويحضر بيها عزايم وزواجات، ويقابل بيها كبار المسؤولين، الخ، الخ، الخ. والمرأة بسلامتها ... بقيمة أدوات مكياجها فقط... تقدر تفتح محل خياطة رجالي محترم. وياريت تحط من مكياجها في البيت ...... لأ. دا بَس للخروج... وقيمة صباعروج والا علبة بودره تساوي قيمةجوال جوزها ...... وكمان ازيدك من الشعرقصر.. مو بيت... من حقوقها فستان لكل فرح... و مكياج... وكوافيرة...وجزمة ..........وشنطه. وكمان خُدواهادي ......... سابع بنت عمي ..... ملكة أختجارتنا .........ولازم هديه... واللطخ يدفع .....مو مهم الفلوس جات من فين .......المهم يدفع ....... والدنيا ممكنتنقلب على الراجل واللي خَلَّفوه علشان موضوع (مهم وحيوي) زي كده...
أصابعك ماهي سوا، كثير سيدات وأنا أولهم إن حضرت زواج أقارب في السنة مرة يكون شي طيييب وعلشان الواجب وبسس، وكثير سيدات ماعادوا زي الاول الظروف أتغيرت لأنه المرأة صارت في كثير من الأحيان مجبرة أو راضية إنها تشارك في مصاريف البيت والاولاد ورواتب الشغالة والسواق اللي بيقوم عن زوجها الباشا في كل مشاوير البيت، لا وأزيدك من الشعر بيت، أعرف كثير سيدات موظفات هم اللي بيصرفوا على بيوتهم وأزواجهم وأولادهم

قال إيه! حقوق المرأة.
نفسيا
الزوج مطالب يكون أربعة وعشرين ساعة رومنسي ومبتسم ، ولا يبقى جلف وإبن ستين في سبعين. ويعني إيه عنده مشاكل في العمل؟! والا أقساط متأخره؟! و الافواتير؟! والا مقاضي ما يعرفكيف يجيبها؟! مو مهم .. واجب عليه إنه يرجع من العمل للبيت مروِّق ومبسوط وبَس .... والست بسلامتها من ساعة ما يرجع من عملو .. وقبل ما يفصخ حوايجو: شوف بزورتك ( لاحظ ... بزورتك ) طفَّشوني ... إيش رأيك نغير غرفة النوم؟ التلفون ما فيه حراره .... جاتني رساله على الجوال يقولوا الفاتوره طلعت .. أَلحق سّدِّدو قبل ما يوقفوه عني الخدمه ...
أعرف كثييييييير سيدات موظفات وللأسف هم اللي بيسددوا فواتير أزواجهم وأولادهم وبيساهموا في تسديد إيجار البيت فياليت تتقي الله شوية .... ... ... ومع هادا كُّلو ..لازم يبقى رومانسي.
بينما هي وبكل سهولة تصحى بسلامتها في الظُّهر...وتجد الكارثة الكبرى....يوه ...ما عندنا صلصه...وبكل رقة تتصل...ألو ألو ...أبو خالد موجود؟ ممكن أكلمه لو سمحت؟ ألو ...... إيوه... أنا .. حتكون مين يعني؟... المهم ...... جيب معاك غدا ... ماهو إنت يا فالح نسيت تجيب صلصه معاك أمس. ولإنه موفاضي.. وقرفان من العمل.. يصدق المسكين إنه هو إللي نسي ويقول بكل شجاعة ..... طيب.
ياليتني كنت وحدة منهم، إلا وربي الواحدة حتى وهي موظفة وحسب أوضاع كثير من صديقاتي إنها تصحى من الفجر ويادوووب تلحق تفطر زوجها وأولادها وتروح على وظيفتها، وأكيد لازم تكون طابخة من الليل وإلا ياويلها من حضرة الزوج المحترم، إتقوا الله في النساء
وفيرمضان: تعبت ...أوف ....إنت داري عن حاجه؟ أنا أبغى خدامة... أنا خلااااااااص ....ومن ثالث يوم رمضان ....مقاضي العيدمن جده .........أختي جابت ملابس لها ولعيالها..إيش أقولك بس ... وخد مشاوير لليييييييييييل ... والراجل المسكين لما ينزل السوق مع مراتُه ما يقدر يشتري ولااااا شَي لنفسو، لأنو طول الوقت ماشي وراها من دكان لدكان، وشايل زنابيل إلين ما كتفو يتخلع. وهي تطالع فيه وهو يتطوَّح من ثقل الزنابيل .. ولا تقول لو فزعه .. حتى لو بالكِدِب. وآخرتها بعد ما يرجع البيت تقول لو إنها لِسَّه ما أشترت ملابس العيد!!!!!! وإذا فكَّر ينزل السوق لحالو عشان يشتري شي لنفسو ... على طول يكون مشبوه .. إيش ينزلك لوحدك وسط الحريم؟ ... طيب إنت مو كنت معايا في السوق .... أحد قال لك لا تشتري؟
بررررضه إفتراء لأنه ماهو كل السيدات زي بعض،
قال إيه؟ ..... حقوق المرأة.
شرعا
المرأة لها حظ من أبوها ..... وحظ من زوجها .. هادا غير أمها .. وأخوانها .. وأبناءها .. والراجل مطالب إنو هو اللي يصرف عليها مهما كان عندها فلوس.
حسب القرآن الكريم والشرع( الرجال قوامون على النساء) ولا يبخل عليها وهو كل يوم والثاني مسافر مع أصدقائه!!!!!
وثانيا: الرجال لازم يروحوا للمسجد خمس مرات في اليوم .. جمع وجماعات ..... حر وبرد .. ليل وصبح..لازم يروحوا .... بينما الست تصليتحت المكيف .... في غرفتها .. وأجرها زي الرجال تماما .....ياعيني .........يا عيني..والله الإسلام أعطاكمكتير ..... وياريتو يِبان فيكم.
مع إنه ديننا الحنيف أقر بأن صلاة المرأة في بيتها أفضل، لكني والله أعرف كثير سيدات وخصوصا في شهر رمضان يلتزموا بالصلاة في المساجد، كفاااية إفتراء

إجتماعيا
الستكل أسبوع تخرج عند صاحباتها وما ترجع إلا متأخره .. وطبعا جوزها هو اللي يوديها ويجيبها .. (يعني تبغاني أروح مع السواق في هادا الليل؟!) ... وسعادتها ما تبدأ تتمكيج وتسرح شعرها إلا بعد العِشا .... وكل شويه تقول :خلَّصت ..... وهي ما سوت شي لِسَّه ... والراجل الغلبان جالس على أعصابو يستنيها تخلص .. أخيرا تقول لُو: وي! إنت ما نزلت السياره؟ .. وَي ... هيا عشان لا نتأخر. المسكين يجري في الدرج (عشان ما يأخرها) .. ويشغل السياره ... ويستَنِّي بسلامتها مو أقل من ربع ساعة حتى تشَرِّف ... وطبعا ممنوع يقول لها: (إيش أخَّرِك؟) والا يا ويلو ... وبعد ما يوصلها .. يستحيل يغتنم الفرصه ويروح هو َّ كمان لأصحابو إلين هي تخلص سهرتها.. (وَه! كيف تروح؟! ومين يقعد مع البزوره؟).. والماكياج اللي حطتو للستات يتمسح نصو من الطريق .. والباقي بعد ما توصل البيت ... يعني الرجَّال ما يلحقيشوف مِنُّو شي.
هذا مايشمل كل السيدات في المجتمع، أغلب شرائح السيدات الموظفات الآن ما مداهم أصلا يتزاوروا من كثرة المسؤوليات اللي هي مكلفة بيها وأغلبها تكون أوامر وتجبر من حضرة الزوج، هذا إذا ماكان شارط عليها إنه بعد الزواج تنسى صديقات وزيارات، وبرضه أقول أصابع اليد ماهي سوا، بل اني أسمع وأشوف حكايات كثيرة عن حضرة الزوج إنه يطلع بر أو يروح لأصدقائه علشان مايفوت الكورة، أو علشان لعبة بلوت، ولا يرجع حضرته إلا وجه الفجر طبعا
وإذا بعد شهر أو شهر ونص جات لو عزيمه في زواج ... أو فكر يخرج ليله مع أصحابو .. وبلَّغها من بدري عشان ما ترتبط بموعد مع صاحباتها في نفس الليله وتخرب عليه .. (هو إنت ما تعرف تقر في البيت؟ كل ليله معزوم؟ شوفي يختي الراجل .. ما كإنُّو عندو بيت ولا بزوره)
للأمانة أعرف كثير سيدات الوحده منهم تتمنى الفكة من وجه زوجها وتترجاه يطلع مع أصحابه علشان ترتاح من نكده شوية

لكن مع دا كُلُّو .. برضهم الستات أحيانا نحس إنهم غلبانين .. يمكن عشان قلبنا طيب!
زي ماهو موجود سيدات غلبانين برضه فيه رجال غلبانين ، ولكن الحياة الزوجية أسمى وأرقى بكثييير من نظرة أغلب الناس لها، وختاما أرجوا من الله العلي العظيم أن يهدي ويوفق كل زوجين لكل مايحبه ويرضاه آمييين.