السلام عليكم

والله مادخلت هنا الا اعتبركم اخوان واخوات لي يعلم الله

وحبيت افضفض لكم عن اللي بخاطري والا بأنفجر

انا عندي اخوان واخوات والحمدلله عشره وكلهم بوظايف الا انا

علما اني متخرجة بأمتياز بس ماحالفني الحظ بالوظيفة

بس مليت وتعبت مذله واهانه تصوروا ان اخواتي يحسسوني اني انا فقيره بينهم

كلهم يستلمون فوق الثمانية الا انا لاحافز ولاوظيفة بس الحمدلله زوجي مو مخلي علي قاصر

وهم يعرفون بها الشي علما ان زوجي افضل من ازواجهم لابالراتب ولابالوظيفة وتعامله معي غير

والحمدلله

ماخلوا شي ماقالوه واطنش بس مع ذلك كلامهم يحرق قلبي وابكي واتحسر على حظي اني ماتوظفت

والله ابغى الوظيفة مليت من تجريحاتهم الساخره

اهلين اختي ,
حاس في معاناتك يعلم الله , وانتي ما شاء الله معاك شهادة جامعية تفتخري فيها
وغير كذا قولي لاخوانك واخواتك ان الرازق الله سبحانه وتعالى انتي ما بيدك شيء ! لو انك جالسه وما دورتي وظيفة صح يعيبو عليك وانا برضو بعيب عليك , لكن .. هذا ما حصل اللي حصل انك دورتي وتعبتي وشاغله بالك ومتعبه نفسك , وما لقيتي وغير كذا لو انهم ناس واعيين ما كان عابو عليك لانهم عارفين انك دورتي وما لقيتي .. ! الله يصلحهم
اكثري من الدعاء والاستغفار ,
اسئل الله ان يرزقك من حيث لا تحتسبي ..
تقبلي مروري اختي الغالية

الله يرزقك ويوفقك ويعطيك علي قد نيتك امين

والله استغرب كلامك اختي مشكلتك نفسية انتي مش بحاجة فلوس متزوجة زوجك مو مقصر معك

اجل ليش تبغين وظيفة احمد ربك وقولي الحمدالله كلام خواتك لايهمك


صراحة شكواك غريبة

اختي مو سالفة موظفه او غير موظف
احمدي الله واشكريه ان عندك زوج مو مقصر عليك بشيء !!
لكن اللي لازوج ولا اب ولا وظيفه هذي وش تسوي ؟؟؟؟

يلا الحمدلله على كل حال

الله يرزقني من فضله ويعوضني خيرا ياكريم

ماعليكِ منهم
دام زوجك مو مقصر معك وحالتكم المادية زينة فهاذي نعمة بحد ذاتها