السلام عليكم كيف حالكم جميعا بدخل في الموضوع على طول بفتح مكتب عقار ابي مشورتكم يا النشاما لا احد يبخل علي باي معلومه

ياجماعة الخير تكفون افيدوني

حياك يالغالي
طلع سجل تجاري للعقارات + مكتب + رخصة مكتب

وانا تحت امرك اذا تبي سجل للعقارات عن طريق النت ويجيك لحد بيتك اذا انت بالرياض
وببقاء لك رخصة من البلدية وبعدها ابدا بالنشاط

بالتوفيق

اخوي سلامص كفى ووفى


بس لا تنسى طباعة عقود وسندات صرف وقبض


موفق

مشروع مكتب العقار

1- مشروع غير مكلف نهائي
2- احلى شي فيه فلوس هااليومين تعال وسط سكن عمال اقصد حي كبير لعمال وخل معك عامل سوداني وعطه نسبه في العمل
يعني يجر شقه لعمال وقيمت العقد 500 ريال مثل ماهو معروف اتفق معه ان له 100 ريال وانت 400 ريال
وكذا راح يحبك ويخلص معك اما اذا بتعطيه راتب 1800 ريال او 2000 ريال راتب ويخدمك في كتابت العقود والمواقع النت مثل عقار ستي وغيرها لازم يكون متواجد بجانبه لان ابسط شي يسويه يجي زبون يبي شقه او دور ارضي يرد عليه يقول ماعندنا شي .. وانت جالس في البيت ماتعلم ايش يصير

وشكرا ..

الله يعطيكم العافية
طيب اخوي ممكن تشرح لنا شوي عن نظام العمل في مكاتب العقار
انا الفكرة تراودني من فترة قلت بفتح المحل بسجل مقاولات وتحته عقار
وراح ابداء من الصفر اول شئ ابحث عن الشقق واشتغل كسمسار شقق الين اتعلم على السوق
وأكون علاقات لي

لكن معلوماتي بسيطه عن العمولة وكيف اضمن حقي وهل عقود الشقق لازم تكون نماذج مطبوعة او ممكن على ورد وشعار المكتب او اوراق رسمية للمكتب
ياليت احد يفيدنا
عن الاسعار والعمولات وتكاليف التأسيس والتصاريح
ولكم الشكر والإحترام

مكتب العقار راس ماله قليل ولا يحتاج خبره

الخبره بتكتسبها من الممارسة وسهل الموضوع

كل مافي الامر انك تجهز المكتب من مجاميعه وتكون صادق وفي نفس الوقت انسان حرك

ومع الايام راح تلاقي نفسك تستاجر عماير كامله من اصحابها وتاجرها بزياده

يعني الشغلة مريحه ولا فيها خساره ابدا

توكل على الله واذا فتحت المكتب انا مستعد اشتغل معك بدون راتب بشتغل معك بالنسبة

الوه مساء الخير اخي هل فتحت مكتب عقار ، ام لا ؟
اذا تريد مساعده فابشر انا عندي خبره عن العقارات ، وادارة الاملاك ، والتثمين مايقارب 10 سنوات ولدي عصارة 10 سنوات وخطة استراتيجية تفيدك في حياتك ولا اريد الا الدعوة الطيبه والاجر .
واي استفسارات اواستشارات راسلني على ايميلي ehtraf3@gmail.com
فلدي استشارات ممكن تفيدك تحياتي لك وللجميع وهذا الكلام للجميع من مرتادي هذا المنتدى

يعطيكم العافيه جميعا واعتذر عن التاخير