السلام عليكم ورحمة الله وبركاته
من فترة اتابع المنتدئ الرائع وتقريبا قريت كل المواضيع في هذا القسم
وتاكدت من ثلاث اشيا . . . . .
الاولا . مابه احد مرتاح الكل شقيان بحياته والكل يناظر لنعم الغير ويندب حظه

ثانيا . . الكل يجهل ان الحلول بيده بس غافلين عنها بشكل

ثالثا . . اكتشفت انو حنا عجولين نبي كل شي بسرعه ونبي كل شي زين لنا مع انو كل شي مقسم وكلنا معرضين للحزن وللفرح بس نظرة التشاؤم طاغيه علينا . . .

انا حبيت اذكر لكم تجربتي لعل ان شاءالله تنفعكم
في اول دخخولي للجامعه والفرحه بالمكافاه كانت لاتوصف والمشكله انها كانت تطير في اسبوع وساعات اقل من اسبوع
بعد فتره فكرت لووقفت بكره بين يدين ربي وسالني وين وديتها وفي ايش ضيعتها وش اقول في اكل في شحن في خرابيط الله المستعان

ولله الحمد قررت اطلعرمن مكافاتي 200 ويبقى لي 650 شهر بعر شهر وربي اللي خلقني صرت احس ببركتها ومكافاتي صارت تبقى معي لشهر وشهرين ويكون عندي فايض وزياده
بعد فتره قررت ازيد المبلغ وخليته500 ويبقى لي 350 المفروض بالنسبه للمكافاه
لكن وربي يكون في رصيدي الف وزود علما ان المكافاه 840 وساعات تجيني فلوس مدري من وين يا يكون سلف ورجع لي وهو كان في النسيان ولأذكره يا والديني يعطوني مبلغ محترم
وربي الصدقات عالم اخر مايحس بها الا اللي يجربها
توفيق من الله في جميع الامور . . رضا الوالدين . . توفيق في الدراسه . . حب الناس لك . . تفريج هم بعد ماكنت في حال الله العالم به

والان ولله الحمد صرت اجمع من الناس لبناء مساجد لكسوة شتاء لمشاريع كثيره ولله الحمد والمنه والان حاليا راح افتح حساب ثاني لفصل التبرعات عن بعض وكل هذا من فضل وربي

اغتنموا الفرصه قبل فوات الفوان واللي يقول ماعندي ترى الحين الصدقات لها اوجه كثيره
مثل اطفال جمعية انسان وهم ايتام وجمعية مراكز تحفيظ القران كلها ع رسايل نصيه وب10 ريال خصصوها لكم اسبوعيا

والله ماطرحت الموضوع الا ابي لكم الخير واختم كلامي بايه من كتاب الله
(ان الذين يتلون كتاب الله واقاموا الصلاة وانفقوا مما رزقناهم سرا وعلانية يرجون تجارة لن تبور * ليوفيهم اجورهم ويزيدهم من فضله انه غفور شكور )


دمتم بود . . . . .


د