السلام عليكم ورحمة الله وبركاته
بنات كيف حالكم
الله يفرج همي وهمكم قريب ان شاء الله

لو سمحتو أبي أحد يفهمني

اتصلت ع الخدمة المدنية اسألهم عن النقاط قال لي نقاطي 80 واخر وحدة ترشحت من اللغة العربية 84 طيب كيف وأيام المكرمه النقاط كانت موقفه على 82 وكسور

غير كذا صديقتي نقاطها 82 وترشحت في هالمفاضله الله يوفقها ويتمم لها على خير يارب وهذا يقول 84 وشلون كذا وش هالخرابيط

والله احس بقهر مو طبيعي قلت خلاص قربت وتأملت يطلع اسمي على الرغم من قلة الاحتياج بس مالله كتب الحمدلله على كل حال

ادعو لي يابنات الله يفرج همي وهمكم والله احس بغبنة مو طبيعيه

ربي لك الحمد كماينبغي لجلال وجهك وعظيم سلطانك

طيب احتمال صديقتك زادت نقطتين اذا ماكملت عشر سنوات متخرجه فهمت عليا وبالنسبه للنقاط الكل مصدووووووووووووم وحنا قسم الدراسات مثلكم وقفت نقاطنا عند 83 وقت المكرمه والحين ارتفعت الى 84 على مستوى المملكه وحتى كل المناطق مانعرف كيف وليه ؟؟؟؟؟؟؟؟؟؟؟؟؟

والله ياذا النقاط انها بتهبلنا ماامدانا نفرح ونقول هه قربنا الا طااارت!

حبيبتي
صديقتي متخرجه قبلي بسنه يعني كملت 10 سنوات العام الماضي يعني مااتوقع انضافت لها نقطتين هالسنه والله أعلم
هذا اللي مخليني أستغرب!!!
انا العام كانت نقاطي 78 والسنه هذي صارت 80 ﻷني كملت 10 سنوات انضافت لي نقطتين

الله يفرجها عليك وعلي وعلى كل البنات المظلومات يارب

السلام عليكم

يا عزيزتي صديقتك رزقها وجاها لا تضايقين نفسك ربي كاتب لك رزقك واكيد بوقته بيجي احنا ماعلينا الا الصبر وربك كريم وما تدرين الخيره وين والنقاط هذي تزيد وتنقص على حسب الترشيح في المناطق يمكن المناطق الي صديقتك مقدمة فيها نقاط المقدمين عليها قليل وانت المناطق الي مقدمها عليها نقاطهم عالية فما عليك الا الصبر وبالتوفيق للجميع يارب

تسلمين عزيزتي
والله انا فرحانه لصديقتي ودوم ادعي لها بتمام فرحتها وتوفيقها وتيسير امورها
بس مستغربه من سالفة النقاط واختلاف الاراء حسيت اني تايهة فيها

الله يوفق الجميع يارب ويرزقنا جميعآ من حيث لانحتسب

لكم خالص شكري وتقديري لاهتمامكم بالرد علي