انا ارغب باستخراج تقرير طبي من مستشفى حكومي عن قصر نظر ذهبت لمستشفى حكومي في منطقتي قال لي الدكتور لاازم تروحي الامارة تجيبي موافقه استغربت امارة عشان تقرير طبي عن حالة عيوني ؟؟!! الامر جديد علي المهم انا نفذت ماقاله لي اخذت خطاب ورحت لاامارة الاحساء وكتبت في معروضي موافقه ع تقرير طبي والسبب لدي قصر في النظر واود تحويل التقرير لمستشفى خالد المهم بعد انتظار وعناء ساعتين واكثر يجي رد الموظف المستهتر ساعتين مستلم الورق وعند قرب انتهاء الدوام يقول لاااخوي اعذرني ماانتبهت حنا بس لزواج واستقدام الخدم ؟؟!! صحيح الاماره كذا ؟؟ قال له روح للجنه الطبيه يعطونها تقرير

طيب انا ابعرف وين اروح مابي خربطه وحوسه روحي وروحي السياره مو متوفره ع حسابي دايم ابي اروح مكان واحد
وغير كذا اذ جبت تقرير طبي من مستشفى مغربي للعيون عادي يقبلونه ولا لاازم حكومي والحكومي غربال وبهدال كان الواحد يشحذ من مالهمِ وانا ابي التقرير بسرعه

استخراج التقارير الطبية تغير ما سار مثل اول تطلبه يجيك بلحظة، بس انتي روحي التاهيل الشامل وعلميهم بمشكلتك الصحية بعدين بيعطونك ورقة كشف تروحين فيها للمستشفى على ضوء ذلك المستشفى يرسل التقرير الطبي للتاهيل الشامل.

شفاك الله وعفاك.

انا مو من تبع التاهيل تبع الضمان الاجتماعي بس انا ابي تقرير فقط عن ضعف عيوني كيف استخرج التقرير

وهل يقبلون بمستشفى مغربي للعيون ..؟!! ومستشفى مغربي مختص للعيون ولا لازم مستشفى حكومي

اولن يا اختي الكريمة ...

المشكلة الي عندك في العيون مصنفة لدى التاهيل ويصرف لها مساعدة شهريا.
اما بخصوص التقارير الطبية فالذي اعلمه ان المستشفيات الحكومية لم تعد تعطي تقارير طبية الا لمن تطلبها منك جهة اخرى رسمية مثل التاهيل او الضمان.

ولكن الي فهمته منك انك تبغين تراجعين مستشفى الملك خالد للعيون اول شئ تعملينه خذي تقرير من مستشفى خاص الي تراجعين فيه دائما عن حالة عيونك وقدميه لامارة منطقة الرياض عشان يعطونك امر علاج على مستشفى الملك خالد، لان الي اعرفه ان اوامر العلاج على مستشفى الملك خالد ياخذونها من امارة الرياض بس. والله اعلم. مدري عن امارات المناطق الثانية هل تعطي اوامر علاج مثل امارة الرياض ام لا.

يعطيك العافيه اخوي بس اكيد راح يكون درجه معينه لمقدار الضعف عشان التسجيل بالتاهيل انا الضعف عندي 3.75
طيب انا الحين همي التقرير الطبي عشان اعالج عيوني لي اكثر من 25 سنه ضعيفة نظر