انا اخوي بالطواري يارجال انحشش بس والله كرررف كرررررف
روح المخدرات افضلك

ي اخوووي انت كمل اوراقكك في ذي وذي الي تجيك الاوله ادخل فيها الطوارى ع ما سمعت
انه اذا عديت الفحص خلاص انتظر الدورهــ انا مقـدم علـيهم وخلصت كل شي . قصدي الطوارى

المخدرات ما قدمت قلت لو قبلوني فاضي اسوي اوراق من اول جديد خلني انتظر الطوارى لمن تجي دورتي موفق اخوي

المخدرات خطر عليك وعلى اعيالك

الطوارى اهوون

شف ياصاحبي لكل قطاع سلبيات وإيجابيات سواء المخدرات أو الطوارئ

بالنسبه للطوارئ أغلب عملهم والمتعارف عليه ميداني فيه إداريين ولكن السواد الأعظم في الطوارئ عملهم

ميداني وإستلامات عباره عن مكافحة شغب حراسات إقتحامات

مواجهات مع عصابات مسلحه مسانده ودعم سواء في الحج والعمره وتأمين ملاعب وإحتفالات مؤتمرات

وأيضا مسانده ودعم في أي مدينه تحتاج لقوة دعم ومسانده هذا عمل الطوارئ المعتاد

ميداني وإستلامات هو نفس الروتين والإيجابيه الوحيده إلي في الطوارئ أرى إنها الراتب رواتبهم كويسه

بالنسبه للمخدرات فعملها متجدد وفيه نوع من التغيير والأكشن فيه نوع من الإثاره وتقدر تداوم بثوبك أو بأي

لبس وفيه تخصصات كثيره هذا غير الرواتب العاليه والمميزات الماليه وهاذي إيجابيات المكافحه

بالنسبه للعمل فيه ميداني إلي هو فرق ميدانيه إلى تباشر المداهمات والتفتيش فيه شرطه عسكريه فيه

بحث وتحري فيه مكاتب إداريين فيه أدله جنائيه فيه مطارات فيه في المنافذ تخصصات المخدرات كثيره ترى

ولكن غامضه نوعا ما أنا أرى المخدرات أفضل وفي الأول والأخير أنت مأجور إن شاء الله على عملك تسعى

لمكافحة فساد وآفه في المجتمع

وإلي يقلك المخدرات خطيره أول شي حط شي في بالك مارح تأخذ غير نصيبك وإن ماصابك لم يكن ليخطئك ومأخطأك لم يكن ليصيبك

وثاني شي مادري يعني هل الطوارئ ماهي خطيره ولآ الخطر فقط في المخدرات ؟؟ بالعكس خطيره

وفي بعض الأحيان الطوارئ تساند المكافحه يعني كلهم في الهواء سواء

بالتوفيق

صارت معي
كنت مقدم على الامن العام و المخدرات بنفس الوقت
و مواعدها كانت بوقت واحد و خلصت و انتظرت الدوره من القطاعين
جاني قبول بالامن العام و دخلت الدوره من شهر 6 الى شهر 12 و طلبوني المخدرات
والله اني كنت رايح للمخدرات و ودعت اخوياي اللي بالامن العام و طلعت الاربعاء و اتسخرت
و سألت و استشرت و رجعت حضرت مع اخوياي بالامن العام يوم الجمعه

لأسباب:
الامن العام مشكلتة بالتعيين
و دورته طوييييله 11 شهر اخذنا بالدوره
و دوامها تلبس عسكري و رواتبها اقل من المخدرات
لكن دوامها اريح بكثير من المخدرات

المخدرات مشكلتها عملها
كلنا نبي ندافع عن وطننا
و كلنا نبي الشهاده لوجه الله
لكن ياخي عملها خطر لك و لاهلك و لعيالك
انت دوامك على فئة من المجتمع يا انك تقتله او تقبض عليه
او ينهي حياتك لأن العصابات مرتبطة بالسلاح
و ضرب و مضروب بالسلاح طبعا
لا تستغرب لو يوم صرت متعاطي!!
لا تستغرب في يوم لو انسرق بيتك
او انخطف ولدك
او انحرقت سيارتك
او تم صدمك و انت تمشي على رجليك
والله اعرف وكيل رقيب انه ما يروح ولا يجي و حتى المشجد
الا و السلاح بمخباه
كل هالعنا عشان كم ريال او كم الف
لا والله اقعد بالامن العام ازين

::هذا كان تفكيري::

و الطواري والله اعرف 2 ماشالله
قدموا و دخلوا الدوره و تخرجوا
و حنا ما بدينا في بروفات التخرج
و ميزتها تعطيك رقم عسكري و رواتب من انتهاء ال45
غير التعيين اغلب الشباب عن اهلهم
بس يطلبون دعم للشرقيه احيان
على حسب تخصصك
و مسألة الدعم للملاعب و الاحتفلات و المناسبات
هذي شالوها عنكم قوة المهمات و الواجبات الخاصة

انت استخير و اسأل و استشير و وكل امرك لله
واللي تجيك دورتها اول ادخلها لا تقول بنتظر الثانيه






:::
:::
ارجوا التقييم

كل القطاعين حلوه وزينه
لاكن يا اخوي شف الاولى الي بتجيك ادخلها
لانك انا ميلوي للاكشن لاكن ما اعتقد اني ما راح ادخل القطاعات الي فيها اكشن ومداهمات لان طولي 169
وانصحك دامك استخرت اسال والدينك وشوف وش يقلوا لك
وبالتوفيق

الطوارى على حسب مكان تعيينك يعني لو بالرياض بتنكرف كل يومين ثلاث ايام تطلع مهمه
اما المدن الصغيره بتفلها بالطوارى ماراح تشيل غير هم الصفه الصباحيه والا غيرها مامن شغل
واحد من الشباب متعين بمدينة ماهي كبيره له سنه فيها ماتطلع بمهمة الا مرتين وماعندهم شي
وانتي استخير والله يوفقك

بالتووووووفيق

لا اله االا الله