اللهم تمم لكل مرشحه تعيينها على خير واجعل الوظيفه من نصيبها آآآآآآآآميييييييين

سبحان الله وبحمده سبحان الله العظيم

السلام عليكم و رحمة الله و بركاته

من فضل الله دعيت للمطابقة و طابقت و استلمت الورقة من الديوان.

واقول الله يتمم علينا كلنا و يرزق كل طلاب ولا يخيب رجانا

اليوم طقني الهاجوس و دخلت النظام بتأكد من بياناتي و احصل النظام مغير الرغبات التوظيفية من الجميع للتعليمي فقط طبعا غيرته للجميع.

تتوقعون يأثر بالترشيح؟؟؟ ولا لاء..

الله يسعدكم جاوبوني..

الله يوفق كل باحث و باحثة عن الرزق الحلال و يكفنا عن الناس ولا يحوجنا الا لوجهه الكريم.

السلام عليكم بنات ..

والف مبروووووووووك علينا الترشيح وعقبال المباشره والتعين القريب اللي يجبر الخاطر..

واخيراً حصلت التجمع << الحمد لله ع الاقل نتابع مع بعض ونفيد ونستفيد .

انا خريجة فيزياء مطابقتي كانت يوم الاحد..

والحمد لله ..طلبو نسخه وحده من الوثيقه مع الاصل للمطابقه .

ونسخه من الهويه الوطنيه او بطاقة العايله مع الاصل للمطابقه .

وخلاص ...

واستلمت سند المطابقه .. ووقعت عليه انا والموظفه المسؤله ..

كانت نقاطي العام 84.40 ...وهالسنه يقولون ارتفعت المفروض 86

والله اعلم .

اخترت / الشرقيه & الاحساء& الحفر &الرياض & الخرج & القويعيه.

ويااااااااااااارب تكون بالشرقيه قولو آمييييييييييين.

بنات طيب تعرفون متى يطلعون اﻷسماء مع المناطق والا نقعد ننتظر حتي يكملو الدفعات

لانو فيه دبلومات الكليات المتوسطه مستبعدينهم

ما اتوقع ينتظرون لين تخلص الدفعات و يتأخرون
لان وزارة التربية مزنووووقة ولو بيدها كان خلتنا نداوم اول يوم من الترم الثاني

لانه إحنا مكان المنقولات اللي تم نقلهم اول السنة الدراسية و اعطوهم إخلاء طرف الاسبوع اللي راح

اتوقع الاسبوع الجاي يعلنون اسماءنا و الاسبوع اللي بعده مقابلة و الكشف الطبي و التوزيع*


مشوار طويل ههههه
الله ييسر و يكتب لنا كل خير

احساسي بالكثير ٣ اسابيع و إحنا بمدارسنا بإذن الله

مسا الخبر للجميع ياخواتي الترشيح هذا للمطابقه فقط بس مؤ معناته انو خلاص التوظيف أكيد. إحنا نقول بإذن الله أن فالنا جميعا التعيين ونعيد من القياس أما مباشره الترم الثاني فهذا مستحيل لانه بعد المطابقه نحتاج أسبوعين تقريبا عشان تظهر أسماء الترشيح النهائي وفي الترشيح هذا طبعا من وزارة الخدمه يطلع النقاط الحاصلة عليها والإدارة التعليمية المرشحة لها فقط وبعد كذا يوجهوك للبوابه تكامل يتبع

بعد كذا وتدخلي علي تكامل وتحجزي موعد للمقابلة هم يحطولك الوقت والتاريخ وانتي تختاري طبعا في نفس الاداره الي ترشحتي لها وبعد كذا تروجي للمقابلة والمقابلة تري سهله مؤ مثل ما البعض متوقع ونادر جداً احد يسقط فيها وبعدها يعطوك ورقه فحص طبي وهذي تحتاج وقت لان بعض التحاليل تتأخر ورقه مصادقه حساب بالبنك وبكذا تكتمل مسوغات التعيين. وبعدها نحتاج فتره طويله لظهور الأسماء وتكونونون موزعين علي القطاعات في كل اداره تعليم لانه في المقابلة بيعطون أوراق تعبي فيها القطاعات داخل أداره التربيه الي ترشحتي فيها عشان كذا كل وحدة بعد ترشيحها لاداره التربيه والتعليم تحاول تعرف كل القطاعات الموجودة فيها وتكتبه في ورقه بالترتيب وتأخذها معها في المقابله نصيحه يا بنات وبعدين آخر حاجه تتوجهولمكاتب الإشراف بعد الاعلان علي موقع وزاره التربيه لتاخذوا خطاب التوجيه وعلي مدارسكم والله يوفق الجميع لما يحبه ويرضاه