السلام عليكم

اخواني انا كنت مسجلة بشركة خاصة تقوم بالتدريب ويعطونا مكافاءة شهرية
وتسجل اسمنا بالتامينات تمام
الشركة في مدينة ثانية قدمت عليها عن طريق الفاكس والتدريب كان في نفس مدينتي

المهم الان استقلت وصار لي شهر مستقيلة لما كلمتهم قالو ارسلي الاستقالة عن طريق الفاكس واحنا نرسل اوراقك للتامينات
عشان يسقط اسمك ,, قلت لهم ابي اخلاء طرف من عندكم قالو مايحتاج خلاص احنا نرسل للتامينات

الان لي شهر من قدمت الاستقالة ومازال اسمي مسجل بالتامينات اني ملتحقة بعمل خاضع للتامينات الاجتماعية ,,,

وانا من اسبوعين باشرت بوظيفة حكومية

السؤال

كيف الغي اسمي وانا ماعندي اخلاء طرف والمؤسسة ماادري وين موقعها وحتى لو كلمتهم يماطلون لانهم بيستغلون اسمي بالسعودة
والسؤال الثاني
هل يتعارض وجود اسمي بالتامينات كملتحقة بعمل ,, مع وظيفتي الحكومية

يجي من يفيدك

السلام عليكم ....

اختي العزيزه ... تحية طيبة

اولا ولازم تركزي بالي اقوله لك .. اتضح لي بأن الشركة او المركز الي تدربتي فيه انهم نصابين

راح تقولي ليه ؟؟؟

كيف يقولك نرسل اوراقك للتامينات عشان يسقطو اسمك ... اسقاط الاسم من التامينات يكون من نفس الموظفين بالشركه لان كل شركة لها حساب في مكتب التامينات يخلصوا امورهم عن طريق الموقع ومايحتاج يرسلوا اوراق ..

راح اقولك طريقه : راجعي الشركة مكتب شؤون الموظفين وقولي لهم اسقطوا اسمي الان عن طريق موقع التامينات : اذا قام يبربر او يخلق اعذار مباشره روحي لمكتب العمل ارفعي دعوه عليهم لان هذا شي راح يضرك مستقبلا ....


هل يتعارض وجود اسمي بالتامينات كملتحقة بعمل ,, مع وظيفتي الحكومية


نعم يتعارض وهذا تلاعب على الحكومه واصلن اذا موضفه حكوميه ليه تسجلي بالتامينات

اتمنى اني افدتك

اي اسفسار ابلغيني على الخاص

نعم كلام اخوي احمد الرحيلي عين الصواب

انا كنت في شركة وتوظفت حكومي وبفضل الله اسقطت الشركة الاسم
في خلال 5 دقايق عن طريق حسابهم بالتأمينات الاجتماعية ماهو عن طريق ارسال اوراقك للتامينات
وهم على كذا زي ماتفضل اخوي احمد هم نصابين يبون يستفيدون من اسمك وياخذون منك كم راتب
من الموارد البشرية وهم على كذا مستفيدين بالمره

وبتقولي وش الضرر لو تركت اسمي معلق بالتامينات ....!ا

راح يستدعيك مرجعك الحكومي وسيتم التحقيق معك وشلون وجدو اسمك بالتامينات وش بتقول لهم كنت في شركة وكذا كذا لا ياحبيبي ماينفع هالكلام رح ووقف على روسهم وقل شيلوا اسمي من التامينات وانت تشوف
لانهم سيتسببون في فصلك من الوظيفة الحكومية

الا اسقط اسمك من التامينات وانا بشركه وتم اسقاط اسمي من الشركه نفسه

مالها علاقة باي تحقيق بالوظيفة الحكومية وانا اعرف 50 شخص ادارة امنية اكتشفو انهم مسجلين بمكتب العمل والتامينات
ولم يحدث شي لهم
من ناحية التامينات اسقاطها عن طريق الشركة اذا طلبتي من التامينات يسقطونها
بيقولون روح لمكتب العمل جيب خطاب وان رحت للعمل يقولون جيب اخلاء طرف من الشركة
لان يخافون مدير الشركة يشتكي (ليش حذفتو اسمه وهو مستلم مثلاُ سيارة ومارجعها)
فهم يمشون بالسليم
ومافي عقوبات بحق الشركة اذا مانزلتها يعني أي دعوى بطول ولجنة المنازعات العمالية
وجيب اثبات انك تركت ومتى وعب اوراق
الافضل
حل توافقي من الشركة بدون تهديد واي كلام
انا مسجل اسمي من سنه التامينات والعمل كل واحد يطلب اخلا وخطاب ومستندات
تثبت اني ماتوظف بالشركة(سعودة وهميه) ومتى سجلت وكم الاجور وبرنت
وهل استلمت راتب من صندوق الموارد و و و.......... غسلت ايدي

الله لا يوفق الشركات النصابة لعبت بالناس

تروح للشركة و تاخذ اخلاء طرف منهم و توديه للتأمينات و يسقطون اسمك و اذا ما اعطوك قول لهم راح اشتكي عليكم عند مكتب العمل لأن وجود اسمك في التأميناتت و مكتب العمل مخالف لانظمة وزارة العمل و يفرض غرامه و عقوبات على الشركة.. لا تسكت عن حقك

لا تعبين حالك ولا شئ ولا حتى تشتكين لمكتب العمل لانك انتي من راح يتعب في الطلعة والنزلة، المسالة بسيطة، قدمي لهم استقالة مع طلب اسقاط اسمك من التأمينات وخذي صورة منها وخليك قوية معهم لانهم راح يتعاملون معك باستخفاف ويصرفونك مثل ما سوو معك اول كووووووني حازمة جدا جداااا واشغليهم في انفسهم بالاتصالات، وحاولي تتعرفين على موظف او موظفة فيهم خير يساعدونك في حل المشكلة (اوووف هذي لو تقدرين تسوينها بترتاحين كثير) بس يبي لها شطارة شوي، ومسألة اسقاط الاسم وربي بسيطة كلها استبعاد اسم المستفيد من حساب الشركة لدى التأمينات بس همااا يستغلون عدم معرفة الناس باالانظمة والقوانين عشان كيذا يمرمطونهم. وشكرا.