السلام عليكم ورحمة الله وبركاته
شف اخوي بعطيك عدة طرق انك تتوظف

اول شيء ابدا من الناحية الدينية يعني اذا انت مقصر اتجاه ربك وصلاتك والفروض الي عليك لازم تتلزم وتتوب الى الله يمكنك مقصر باشيء معين والله مايوفقك دام مقصر باشيء فا ثق ثقه تامه اول تصحيح الأمور على ماقال المثل زينها مع الله وتزين
ثانيا انت عايش وهم ما أدري متى تخرج منه انت ماتدري ان الأرزاق مكتوبه وما احد بيأخذ رزقك الأ انت فا ارتاح لكن كيف يجيك الرزق وانت قلبك متعلق با شيء ماراح يجيك الأ بقدرة الله خلاص الحياة تقفل اذا ما فيه عسكريه الأن السعوده ظاغطه ظغط على الشركات رح وتوظف داوم الدوام فيك فيك حتى العسكرية دوام ترى مو راحه دوام كرف واستلامات وعلى حسب وضعك فيه ناس فصلو من قطاع العسكريه يقول كرف فا انت هيىء نفسك واشتغل في احد السشركات لاتقول ما قبلوني انت تكذب على نفسك الان فيه نطاقات باب رزق حافز سجل فيه يعطيك راتب الين ما يوظفك أنت في قرارت نفسك يا حكوميه ول اماراح اكرف واداوم تراك في الأخير انت الي خسران لأنك لو فكرت شوي راح تكتشف ان عمرك ضاع وانت تنتضر وظيفه عسكريه طيب اشغل وقتك واي تسجيل يجي سجل وادع هذا كلامي الي واثق ثقه تامه انه صحيح ولا يختلف عليه اثنين واعيد واكرر اول طريق للتصحيح راجع نفسك وشف اذا انت مقصر اتجاه ربك ودينك تب الى الله والله بييسير امرنا وامرك

ياخوان والله الكلام سهل

انا زيك يالقحطاني متخرج عام 1429والا الان عاطل والدراسه والله العظيم ما اقدر عليها لانها بفلوس

وانا مامعي ولا ريال احيان والله العظيم يمر اسبوع مافي جيبي ولا ريال

وانا من اسره ضعيفه ماديا جدااا

وانا ساكن بمحافظه تبعد عن الرياض اكثر من 400 كيلو هذا علشان الوظائف الخاصه وزد عي ذلك

ماعندري سكن بالرياض وماعندي سياره يعني وظيفه اذا راتبها 4000 الاف ماتسوي ولا حاجه

يعني هل هي تكفي مصاريف سكن او ايجار سياره او اكل او غسيل ملابس

والله يمكن مابالغ اذا قلت مافيه زي حالتي والله حاله يرثي لها

والعمر الان 26 سنه يعني لو ابدرس متي ابتخرج اذا مارسبت ابتخرج وعمري 30سنه ويمكن هذاك الوقت

مافيه وظائف الان الوظائق بالقطاره يعني معك واسطه وحظ رايح تنقبل واذا مامعك لا حظ ولا واسطه اكل هوا

وانا والله العظيم لا حظ ولا واسطه لان الرجال يعرف نفسه

الحمدلله عايش وصحتك زي البومب ياقدع
حاول تكمل دراسه انتساب وحاول تشفلك وظيفة كويسه بشركة خاصه الين ما تتخرج
واسحب على العسكريه اصلا هم الي خسروك موب انت الي خسرتهم
الله يوفقك ويوفق الجميع يارب

انت يمكن تعرفني من 2009 وانا اركض العسكرية راغب العسكرية طولي ماش احمد الله ان مقبلتني العسكرية ولا الدفاع الجوي يقول تعال بدون واسطة ولا ان كانت رغبة في البدله الدفاع الجوي اقدم
توظفت في مستوصف

اخوي عليك في الاستغفار ودعاء
وحط شي في بالك رزقك مكتوب بس عليك في اصبر
الله يوفق كل عاطل وعاطله في وظيفة ابي كل عاطل يجرب حافظ على صلاتك وكثر استغفار ولا تنسى صلاة اليل كثر ادعاء فيها وصدقني راح ان شالله ربي يرزقك في الوظيفه

مع احترامي لك اخوي القحطاني

يعني مافيه وظايف بالسعودية الا العسكرية يمكن الله عطاك قدره على الدراسه والاستيعاب والتحصيل العلمي انك تتخرج من جامعه قويه وتخصص قوي يمكن تصير مهندس او يمكن الله اعطاك شخصيه قيادية تشتغل بشركة وتصير مدير بيوم من الايام صدقني الله ماحرمك من شي الا عوضك عنه بشي اخر وانت اكيد تعرف نفسك وقدراتك
والله يوفقك يارب ويسهل امرك ترى العسكريه مو نهايه العالم مثل مالها ايجابيات لها سلبيات اهانا وذل وارتباط واكيد الاشياء هذي انت عارفها

عليك بالصلاه والاستغفار وراح يجيك رزقك بأذن الله