السلام


الحمدلله تخرجت من الجامعه ( بكالريوس ادارة اعمال انتساب ) جامعة الامام

ابقدم على الاستخبارات ، يعطوني رقيب ؟

وهل فيه عمل خارج المملكة والا بس داخل المملكة ؟

وكم تقريبا راتب الرقيب ؟

شهادتك توهلك لرتبة رقيب بكل تاااكيد يابعدي لكن مدري يقبلون الانتساب ولا لابد من المنتظم مدري بالضبط
بالنسبة للعمل خارج المملكة اذا جاك عمل تروح غصب ياحبيبي يقولون هذا واجبك
بالنسبة لرواتب انا اعرف واحد جندي اول راتبة 8500 <<<على كلامه واتوقع اكثر لكن خايف من العين ههههههه
يعني ان شاء الله راتبك فوق ال 10 الاف برررراحه

اذ كنت برياض رح وسالهم افضلك في عساكر يضبطونك ونصحونك وش افضل تخصص لان الاستخبارات فيها تخصصات مثل الامن العام .............ز


الامن العام .................. تعمل خارج الدوله تخصص (امن سفارات )

وفيه تخصصات حلوه مثل البحث وتحري و مهمات ومرور وعلوم شرطه وامن طرق كلهن كويسات وهي تعتمد على تخصصك انت .......................


وبالتوفيق لك

انا ودي اعمل خارج الدوله اذا فيه دبل الراتب ، لاني شايل الزواج من راسي وماعندي مانع اعمل برا

اسأل الله العلي العظيم ان يوفقك لكن الاستخبارات العامه بشهادتك تاخذ جندي أول ،،، أقول لك هالكلام من اللي شفته بعيني العام فتح تقديم للإستخبارات وانا والله ما صدقت انه يفتح التقديم ولما جيت اقدم الطلب لقيت الرتب جندي ( ثانوية وما يعادلها ) وجندي أول ( مؤهل جامعي ) وهونت عنهم ،،،

والشغل برا مو شرط تكون عسكري *قدم على وظائف الملحقية قبل كم يوم فيه تقديم مدري خلصوا والا لا

وبالاخير ما اقول الا الله يوفقك ويكتب لك اللي فيه خير لدينك ولك