السلام عليكم

اخباركم ياغالين ...

ياناس تكفون انا محتار ..

دايم اقول انا ادرس ليلي يعني مافي جامعه راح تقبلني !

وافكر ؟ بس ابيكم تفيدوني

هل الجامعات تقبل طلاب الثانوية العامه ادبي ليلي

مع العلم ان نسبتي عاليه


وايش الجامعات اللي تقبل ادبي ليلي وكم النسبه المطلوبة


ولا تنصحوني ب العسكرية ! مع العلم اني ودي ادرس واصير مدرس بس ما ادري هل هذا ينفع

والله اني محتار


عمري 20 وعندي طموح بس ما ادري كيف فيه ناس يقولون اني اذا بغيت اصير مدرس ماراح احصل قبول الا بعد 8 او 7 سنوات هل هذا صحيح

يارب سهلها علي وعلى كل مسلم ..

وينكم ياغالين افيدوني

وسوال مهم..


ياليت تفيدوني فيه ؟

اذا ابي اصير مدرس وش ادرس هل ادرس دبلوم تربوي وبعدين ادخل تخصص المادة اللي ابي ادرسها

ولا على طول ادخل الجامعه وادرس وبعدها خلاص اقدم على التدريس

ياليت تفيدوني الله يوفقكم ويسعدكم

أتوقع أنتساب تقدر تكمل فيه جامعات كثير تقدر تكمل فيها أنتساب مثل جامعة الملك عبدالعزيز أو الامام أو جامعة الملك فيصل .....وكثير جامعات تقدر تسجل أنتساب فيها وماأدري اذا ليلي تقدر تكمل عادي أو لا لكن أنتساب تقدر أكيد واذا خلصت أنتساب تاخذ بعدها دبلوم تربوي عشان تقدر تقدم على الوظائف التعليمية
كذلك فيه جامعات تعطي بكالوريوس موازي لكن ماعندي معلومات عنه
وفيه الحين بعض الجامعات فاتحين التسجيل على بكالوريوس أنتساب الحق وسجل عندهم

مشكورة يا معطلة انا ما ابي انتساب ابي منتظم

هلا بك اخوي
مامن عسر الا وبعده يسر

انا اخوي درس سنتين ونصف بكالوريوس تخصص فيزيا وحصل وظيفة عسكرية رابتها طيّب الحمدلله وقبلها
وعاد دراسته من جديد وسجل انتساب بجامعة الملك عبدالعزيز والحمدلله هذا اخر ترم وبيتخرج وناوي يكمل ماستر

الوظيفه عسكرية او غيرها ماهي عائق للي له طموح

الجامعه افضل

ادرس جامعة افضل لك خصوصا ان نصيبكم يالشباب من الوظائف التعليميه اعلى منا احنا البنات
بالنسبه للجامعات اذا تقبل اللي درسوا ليلي انتظام ماعندي علم

بس للمعلومية في قياس قبل الوظيفه مثل قدرات الجامعه يحدد مصيرك بالوظائف التعليميه
فرضا مانجحت بالقياس تتوظف اداري

والله يسهل لك امرك

كنت بعمرك وبنفس شهادتك ليلي وحلمي مثل حلمك وحققته ولله الحمد بعد توفيق الله

تقبلك الجامعة منتظم وتقدر تصير مدرس مثلي تماما الآن ولله الحمد

وأي استفسار انا بالخدمه