السلام عليكم ورحمة الله وبركاته

انا نفسي تراودني على الاسهم فيها ربح وفيها خساره
وعندي كم ريال ونفسي اغامر واستشرت ناس بس ماعرفنا لهم واحد يقول حطها في الشركة الفلانية او البنك الفلاني والثاني يقول لا حطها في مدري ايش المهم ضيعنوني فا نفسي اعرف راي اصحاب الخبرة في هذا المنتدى العريق المليء بالناس الاكفاء بس فيه نصيحة على بنك الانماء والله يستر
وشكر لكم

نصيحة اخ...لا أعرفك ولا تعرفني لكني والله الذي لاإله إلاهو إن مافيها إلا خساير...إلا إن كنت من الناس الصبورين ولاتبيع أبدا إلا بمكسب حتى لو نزل سهمك وقعدت فيه شهور...وربما يرتفع وربما لا...لذا شوف العمل التجاري وافتح لك مطعم او أي عمل تتقنه والله إنه اصرف لك.

نصيحة اخ...لا أعرفك ولا تعرفني لكني والله الذي لاإله إلاهو إن مافيها إلا خساير...إلا إن كنت من الناس الصبورين ولاتبيع أبدا إلا بمكسب حتى لو نزل سهمك وقعدت فيه شهور...وربما يرتفع وربما لا...لذا شوف العمل التجاري وافتح لك مطعم او أي عمل تتقنه والله إنه اصرف لك.




للأمانة منقول: https://www.btalah.com/showthread.*****..#ixzz2IlRK86qr

سوري ع النسخ الي فوق راح بالغلط وشكرا ع النصيحه اخ ياطالب مشاريع خصوصا ان ماعندنا صبر والاسهم يبيلها صبر

افا وين الهوامير

والله انا دخلت ٧٠٠٠٠ وطلبت تسيهلات دبل ودخلت فلوس واحد ٢٠٠٠٠٠ واشتغلت وجاني فلوس مايعلمه الى الله وفي اشهر من ٤٠٠٠٠٠ الى٢٠٠٠٠٠ الف وراس مالي. مايجي نص بس انا معند وجالس مابعت وان كنت صابر ومنتب عجل خله استثمار لا تضارب اشتر وخله وعندك جبل عمر ركز عليه
وهاذي سيرتي في الاسهم والله يعينك

يالحبيب الاسهم ابعد عنها والله ما وراها الا الخسائر
السوق ما يتعامل لا بتحليل فني ولا غيره
السوق يتعامل بالهوامير يجيك واحد مروق
وينزل ويطلع بسهم على كيف امه
يخبط بتحاليل بالحيط ولا فكر فيها !!

حبيت اسألك ناوي تدخل الاسهم مضارب ولا مستثمر ..؟؟

المضارب هو اللي يشتري ويبيع في نفس اليوم يطلع بربح ممتاز ويخرج بأقل الخسائر

يعني ممكن يكسب من 1 % الى 3 % من رأس المال وعلى حسب السهم وممكن يخسر نفس النسبه

لكن اهم شيء في المضارب هو يعرف ( متى يدخل ومتى يخرج ) مايهم السوق طالع نازل

الاهم انك تحقق هدفك اليومي من المضاربه وتخرج ولا تطمع وتبي ربح زياده ويغرك ارتفاع السهم

يعني حدد لك نسبه معينه للربح والخساره وبعدها تخرج ( 2 % للربح ) و( 1% للخسارة )

اذا ربحت 2% خير ونعمه واذا خسرت 1% راح تعوضها ان شاء الله في يوم اللي بعده

يعني ممكن تخسر 2% واليوم اللي بعده تربح 4% وبكذا عوضت خسارتك وربحت 2%

لكن في اشياء كثيره لازم تتطلع عليها وتفهمها لا يسعني الوقت لذكرها لكن ممكن تبحث في المواقع المختصه وتحصل كل ماتحتاج لمعرفته

اما المستثمر انواع قصير المدى متوسط المدى طويل المدى هو اللي يشتري اسهم ويصبر عليها حسب نوعه

يعني يصبر شهر شهرين سنه سنتين خمس عشر وهكذا

اما بخصوص المخاطره فالمضاربه اكثر مخاطرة من الاستثمار

يعني لو دخلت الاسهم على انك مضارب ومانت فاهم شيء فانت معرض انك تخسر رأس مالك كله

اما لو استثمرت في الاسهم على المدى الطويل راح تحقق ارباح جيده

ملاحظة : لا تضع البيض كله في سله واحده ( يعني نوع اسهمك في 3 او 4 شركات ولا تدخل بكل رأس المال يعني خل عندك سيولة )

نصيحة اذا كنت بتدخل مضارب : ادخل بعد الهامور واخرج قبله عشان مايعلقك في السهم وتخسر قريشاتك

اخوي فيه ناس مختصه في الاسهم ولها منتديات مختصه تحصل الناس الفاهمه
والهوامير .....

اوما هنا اسمه حلول البطاله ولايمنع تحصل هامور مضيع وداخل في النهر هههههه

على فكره واحد من الاخوان يقول حطها بجبل عمر يعني خبره قديم وتحياتي له ولك

يعلم الله اني كتبت رد طويل عريض لكن فصل معي الاتصال

اسمعوني جميعاً فالكل له رايي بالاسهم والكل مايبي يكرر نكست 2006

اللي مايفهم بالتحليل ويردد السوق السعودي مايمشي مع سوقنا - ليه الناس تقعد تطامر من موقع لموقع ومن غرفه لغرفه تبحث عن التوصيات - طيب التوصيات من وين تجي مو تجي من ناس دارسه وفاهمه تحليل ؟؟

هنا اترك الجواب لك ؟

كنت اسمع هذا الكلام واردده ان سوقنا لا يمشي مع التحليل الفني لان اسمعه من ناس واردده واجهل التحلي الفني

لكني صرت اجلس لاتعلم التحليل الفني بالساعات وممكن باليوم 14 ساعه - الين ربي اراد ان اقع بموقع لتعلم الشوع اليابانيه وحصلت ذاك المحلل المحترف - وحاط استراتيجيه للمضارب الحظي واليومي - واللي يدخل ب 10 الاف ريال يدبل شهرياً - المحلل درس وتعلم الين صار محلل فني - حب يقدم علمه لناس وفتح موقع - لكن اصبح الواحد يسجل وياخذ الاستراتيجيه ويطبقها وحتى كلمة شكر مافيه -

الموقع لتعليم وليس لتوصيات كالمنتديات الثانيه
انا مالي حق اني انزل الاستراتيجيه هنا لاني بكذا بسرقها - وبكون اخذة تعب انسان تعب واجتهد بدون وجهه حق

لكن - انا بقدم لكم هنا كيف تتعامل مع الشارت وكيف الرسم والمؤشرات وانت تطبق

ولاني احترم منتدى حلول البطاله واحترم مشرف قسم مشاريع وافكار - فانا مستعد ان اطرح لكم الموقع هنا وع العام بشرط موافقة مشرف القسم - عشان لا تقولو قاعد اسوي اعلان ودعايه للموقع

والرزق بيد الله لا بيد المخاليق - لكن العلم نور - واستراتيجيه مربحه بامر الله وفيها تدبيله

اما اللي يبي يدخل السوق ويطامر ويمشي عبر توصيات المنتديات وارى المحللين فماراح ينفع - تعلم بنفسك واربح - والحمد لله الموقع مجاني - والا اقل دوره لتحليل الفني بقيمة 3500 ريال

وفق الله الجميع - ع السريع ويعلم الله انني اختصرة الشي الكثير من ردي السابق

سلا عليكم